ភ្នំពេញ៖ចាប់ពីខែមករា ដល់ខែកក្កដា កម្ពុជា រកចំណូលបានជាង៨០២លានដុល្លារ ពីការនាំចេញកាបូប និងផលិតផលធ្វើដំណើរ ទៅកាន់ទីផ្សារបរទេស។ នេះបើតាមការបញ្ជាក់ឲ្យដឹងពីលោក លឹម តុង ប្រធានសមាគមផលិតផលធ្វើដំណើរ និងស្បែក នៅកម្ពុជា។
![](https://cambodiaflashnews.com/wp-content/uploads/2021/06/top-banner.gif)
ការបញ្ជាក់ឲ្យដឹងដូច្នេះក្នុងឱកាសដែលសមាគមផលិតផលធ្វើដំណើរនិងស្បែកនៅកម្ពុជាបានបើកសម្ពោធជាផ្លូវការក្នុងគោលបំណងជួយជំរុញ ដល់ការអភិវឌ្ឍវិស័យនេះឲ្យកាន់តែមានភាពរីកចម្រើនឡើងបន្តបន្ទាប់ទៀត។
លោក លឹម តុង បានបញ្ជាក់ថា «គិតត្រឹមឆមាសទី១ នៃដើមឆ្នាំ២០២២នេះ ទិន្នន័យនៃការនាំចេញកាបូប និងផលិតផលធ្វើដំណើរ ទៅកាន់ទីផ្សារបរទេស មានតម្លៃសរុប ៨០២.៦៥លានដុល្លារ មានកំណើន៥៩.៤៨% ធៀបនឹងឆ្នាំ២០២១»។លោកបានគូសបញ្ជាក់ថា ដោយសារតែកំណើន នៃការវិនិយោគលើវិស័យឧស្សាហកម្មផលិតផលធ្វើដំណើរ និងកាបូប កើនឡើងពីមួយឆ្នាំទៅមួយឆ្នាំ ទើបបានផ្តួចផ្តើមគំនិតរួមគ្នា បង្កើតសមាគមផលិតផលធ្វើដំណើរ និងស្បែកនៅកម្ពុជានេះឡើង៕ដោយៈសិរីមតី