ការប្រកួតបាល់ទាត់ប្រចាំក្របខ័ណ្ឌ Premier League របស់ប្រទេសអង់គ្លេស រដូវកាលថ្មី ២០២២-២០២៣ ចាប់ផ្ដើមការប្រកួតដំបូងរបស់ខ្លួន នៅចុងសប្ដាហ៍នេះហើយ ហើយក៏មិនខុសពីរដូវកាលមុនដែរ ដែល Cambodia Flash News (CFN) តែងតែលើកយកនូវការទស្សន៍ទាយទុកមុននូវលទ្ធផលរបស់គូនីមួយៗពីអ្នកជំនាញបាល់ទាត់ចំនួន ២រូប ដែលបម្រើការឱ្យអង្គភាពព័ត៌មាន ២ផ្សេងគ្នា នៅចក្រភពអង់គ្លេស។
អ្នកទាំង ២រូបនោះ គឺលោក Mark Lawrenson (Lawro) ដែលធ្វើការវិភាគឱ្យគេហទំព័រ Paddy Power News នៅប្រទេសអៀរឡង់ និងលោក Chris Sutton ដែលធ្វើតួនាទីដូចគ្នាឱ្យប្រព័ន្ធផ្សព្វផ្សាយដ៏ល្បីល្បាញ BBC នៅអង់គ្លេស ហើយហ្គេមដំបូងនេះ ពួកគាត់ទាំង ២នាក់ មានការយល់ឃើញដូចគ្នា នោះគឺក្រុមហង្សក្រហម Liverpool មានសិទ្ធិខ្ពស់ជាងគេបំផុតក្នុងការដណ្ដើមបាន ៣ពិន្ទុពេញ។
តែសម្រាប់ក្រុមខ្លាំងផ្សេងទៀត ដូចជា Chelsea, Manchester United និង Manchester City ពួកគាត់បញ្ចេញទស្សនៈមិនដូចគ្នានោះឡើយ ហើយខាងក្រោមនេះ គឺជាការប៉ាន់ស្មានទុកមុននូវលទ្ធផលនៃគូនីមួយៗពីអ្នកវិភាគទាំង ២រូប។
+ការទស្សន៍ទាយរបស់លោក Lawrenson៖
*ថ្ងៃសៅរ៍ ទី៦ ខែសីហា
-Fulham អាចនឹងចាញ់ Liverpool ០-២
-Bournemouth អាចនឹងស្មើ Aston Villa ១-១
-Leeds អាចនឹងឈ្នះ Wolverhampton ២-១
-Newcastle អាចនឹងឈ្នះ Nott’m Forest ២-០
-Tottenham អាចនឹងឈ្នះ Southampton ២-១
-Everton អាចនឹងស្មើ Chelsea ១-១
*ថ្ងៃអាទិត្យ ទី៧ ខែសីហា
-Leicester អាចនឹងឈ្នះ Brentford ១-០
-Man United អាចនឹងឈ្នះ Brighton ២-០
-West Ham អាចនឹងស្មើ Man City ១-១
+ការទស្សន៍ទាយរបស់លោក Sutton៖
*ថ្ងៃសៅរ៍ ទី៦ ខែសីហា
-Fulham អាចនឹងចាញ់ Liverpool ០-៣
-Bournemouth អាចនឹងចាញ់ Aston Villa ០-១
-Leeds អាចនឹងស្មើ Wolverhampton ០-០
-Newcastle អាចនឹងឈ្នះ Nott’m Forest ១-០
-Tottenham អាចនឹងឈ្នះ Southampton ២-១
-Everton អាចនឹងចាញ់ Chelsea ០-២
*ថ្ងៃអាទិត្យ ទី៧ ខែសីហា
-Leicester អាចនឹងស្មើ Brentford ១-១
-Man United អាចនឹងស្មើ Brighton ១-១
-West Ham អាចនឹងចាញ់ Man City ០-៣៕
