ដោយ៖ ព្រះអង្គខ្មៅ

បាត់ដំបង÷ ប្រជាពលរដ្ឋជាកសិករបានប្រទះឃើញគ្រាប់យុទ្ធភណ្ឌមិនទាន់ផ្ទុះចំនួន ១៣គ្រាប់ ជាគ្រាប់សល់ពីសម័យសង្គ្រាមពេលឈូសឆាយដីស្រែ។

សមត្ថកិច្ចជំនាញបានបញ្ជាក់ឲ្យដឹងថា÷ ការប្រទះឃើញគ្រាប់កាំភ្លើងមិនទាន់ផ្ទុះនេះបានបង្កការភ្ញាល់ផ្អើលនៅថ្ងៃទី ០១ ខែមេសា ឆ្នាំ២០២៥ ត្រង់ចំណុចដីស្រែ ឋិតក្នុងស្រុកសង្កែ ខេត្តបាត់ដំបង។

គ្រាប់យុទ្ធភណ្ឌសល់ពីសម័យសង្គ្រាមសរុបចំនួន ១៣គ្រាប់ ក្នុងនោះមានប្រភេទគ្រាប់ ៦០mm ចំនួន ១២គ្រាប់ និងគ្រាប់ B៦២ មួយគ្រាប់ផងដែរ។

ភ្លាមៗនគរបាលមូលដ្ឋាន សហការជាមួយមន្ត្រីមជ្ឈមណ្ឌលសកម្មភាពកម្ចាត់មីនកម្ពុជា (CMAC) បានមករំដោះចេញដេីម្បីយកទៅកម្ទេចចោល៕