ប្រែសម្រួល៖ អាល័យ

មនុស្សបួននាក់បានស្លាប់កាលពីថ្ងៃព្រហស្បតិ៍ នៅពេលនាវាមុជទឹកសម្រាប់ភ្ញៀវទេសចរបានលិចនៅក្បែររមណីយដ្ឋានសមុទ្រក្រហមហួរហ្គាដា នៃប្រទេសអេហ្ស៊ីប យោងតាមការប្រកាសរបស់ស្ថានទូត រុស្ស៊ីប្រចាំអេហ្ស៊ីបនៅលើ Facebook។

វាមិនទាន់ច្បាស់ថាបើជនរងគ្រោះទាំងបួននាក់ជាជនជាតិរុស្ស៊ីទាំងអស់ទេ ប៉ុន្តែស្ថានទូតបានឲ្យដឹងថា ពួកគេបានជិះនាវាមុជទឹកដែលដឹកភ្ញៀវទេសចររុស្ស៊ីចំនួន ៤៥ នាក់។

ប្រព័ន្ធផ្សព្វផ្សាយក្នុងស្រុកអេហ្ស៊ីបបានរាយការណ៍កាលពីថ្ងៃព្រហស្បតិ៍ថា មនុស្សប្រាំមួយនាក់បានស្លាប់ក្នុងឧបទ្ទវហេតុនេះ។ អ្នកស្លាប់គឺជាជនបរទេស ហើយយោងតាមការិយាល័យអភិបាលហួរហ្គាដាដែលកាសែត Reuters បានដកស្រង់។

ឧបទ្ទវហេតុនេះបានកើតឡើងនៅម៉ោង ១០:០០ ព្រឹក ម៉ោងក្នុងស្រុក កាលពីថ្ងៃព្រហស្បតិ៍ នៅពេលនាវាមុជទឹក Sindbad “បានបុកនៅចម្ងាយ ១ គីឡូម៉ែត្រពីឆ្នេរ” ស្ថានទូតបានឲ្យដឹង។
ក្នុងចំណោមអ្នកដំណើរលើនាវាមុជទឹក ដែលជាកម្មសិទ្ធិរបស់សណ្ឋាគារមានឈ្មោះដូចគ្នា មានអនីតិជនផងដែរ ប៉ុន្តែមិនទាន់ច្បាស់ថាតើពួកគេស្ថិតក្នុងចំណោមអ្នកស្លាប់ឬយ៉ាងណានោះទេ។
នាវានេះកំពុងធ្វើដំណើរទស្សនាក្រោមទឹកជាទៀងទាត់ដើម្បីពិនិត្យមើលផ្កាថ្ម ស្ថានទូតបានបន្ថែម។

“យោងតាមទិន្នន័យបឋម អ្នកដំណើរភាគច្រើននៅលើនាវាត្រូវបានជួយសង្គ្រោះ និងនាំទៅសណ្ឋាគាររបស់ពួកគេ និងមន្ទីរពេទ្យនៅហួរហ្គាដា” ស្ថានទូតបានឲ្យដឹង ដោយបន្ថែមថា “វាសនាភ្ញៀវទេសចរណ៍មួយចំនួនកំពុងត្រូវបានបញ្ជាក់”។

“អ្នកការទូតពីស្ថានកុងស៊ុលអគ្គរដ្ឋទូតកំពុងនៅលើចំណតនាវានៃសណ្ឋាគារ Sindbad” ស្ថានទូតបានឲ្យដឹង។

CNN បានទាក់ទងទៅក្រសួងទេសចរណ៍និងបុរាណវត្ថុអេហ្ស៊ីបដើម្បីសុំការអធិប្បាយ។

• «បទពិសោធន៍រាប់ឆ្នាំ»

ប្រតិបត្តិករនាវាមុជទឹកមាន “ក្រុមអ្នកជំនាញ” ដែលមាន “បទពិសោធន៍រាប់ឆ្នាំ” យោងតាមគេហទំព័ររបស់ពួកគេ ដោយបន្ថែមថា នាវាមុជទឹករបស់ពួកគេត្រូវបាន “រចនាឡើងនៅប្រទេសហ្វាំងឡង់ដើម្បីធន់នឹងសម្ពាធក្រោមទឹករហូតដល់ ៧៥ម៉ែត្រ ដើម្បីធានាសុវត្ថិភាពនិងភាពអាចទុកចិត្តបាន”។

ក្នុងករណីអាសន្ន ក្រុមហ៊ុននេះបាននិយាយថា “មានម៉ាសអុកស៊ីហ្សែននៅលើក្បាល និងអាវពោងសង្គ្រោះនៅក្រោមកៅអី”។

Sindbad Submarines បាននិយាយថា ខ្លួនមាន “នាវាមុជទឹកសម្រាប់ការកម្សាន្ត” ចំនួនពីរនៅក្នុងក្រុមរបស់ខ្លួន ដែលនីមួយៗអាចដឹកអ្នកដំណើរ ៤៤ នាក់ និងអ្នកបើកបរពីរនាក់ ដោយមាន “បង្អួចមើលរាងមូលធំៗ” សម្រាប់អ្នកដំណើរម្នាក់ៗ។

នាវានេះអាចឈានដល់ជម្រៅ ២៥ ម៉ែត្រក្រោមនីវ៉ូសមុទ្រក្នុងរយៈពេល ៤០ នាទី ដែលអនុញ្ញាតឱ្យអ្នកដំណើរអាចស្វែងយល់ “ផ្កាថ្មប្រវែង ៥០០ ម៉ែត្រ និងសត្វសមុទ្រដែលរស់នៅទីនោះ”។
“ទូរធំដែលមានម៉ាស៊ីនត្រជាក់” ក៏ត្រូវបានរៀបរាប់ថាមាន “កៅអីស្រួល និងអេក្រង់ទូរទស្សន៍ផ្ទាល់ខ្លួន” ផងដែរ។

កាលពីខែវិច្ឆិកា មនុស្សយ៉ាងហោចណាស់ ១៦ នាក់បានបាត់ខ្លួនបន្ទាប់ពីទូកសម្រាប់ភ្ញៀវទេសចរណ៍បានលិចនៅក្នុងសមុទ្រក្រហម បន្ទាប់ពីមានការព្រមានអំពីរលកសមុទ្រខ្លាំង។ នៅពេលនោះ មិនទាន់ច្បាស់ថាអ្វីបានធ្វើឱ្យទូកម៉ូតូម្ចាស់ ដែលមានកាន់ឈើ និងមានជាន់បួន លិចនោះទេ។

សេដ្ឋកិច្ចទេសចរណ៍របស់អេហ្ស៊ីបស្ថិតក្នុងចំណោមប្រភពចំណូលសំខាន់ៗរបស់ប្រទេស។
នេះគឺជាព័ត៌មានកំពុងវិវឌ្ឍ និងនឹងត្រូវធ្វើបច្ចុប្បន្នភាព៕
ប្រភព៖ CNN