ប្រែសម្រួល៖ រតនា ប៉ុន្មានឆ្នាំកន្លងទៅនេះ ជាពេលវេលាដ៏លំបាកសម្រាប់ភពផែនដី ដោយមានការរាតត្បាតនៃជំងឺរាតត្បាតទូទាំងពិភពលោក និងការវាយប្រហារនៃរលកកម្ដៅនិងគ្រោះមហន្តរាយធម្មជាតិដែលបានបំបែកកំណត់ត្រាជាច្រើន។ យោងតាមអ្នកគាំទ្រគំនិតទំនើបនេះ ព្រឹត្តិការណ៍ទាំងនេះគឺជាឧទាហរណ៍ល្អដែលបង្ហាញថា មនុស្សជាតិត្រូវការស្វែងរកកន្លែងថ្មីមួយដើម្បីរស់នៅ។ ពួកគេនិយាយថា មូលដ្ឋានលើព្រះចន្ទឬភពអង្គារអាចដើរតួជាគោលនយោបាយធានារ៉ាប់រងប្រឆាំងនឹងការផុតពូជដោយសារគ្រោះមហន្តរាយឬការបំផ្លាញខ្លួនឯង។ ប៉ុន្តែមានរឿងជាច្រើនដែលយើងមិនដឹងអំពីសមត្ថភាពរបស់យើងក្នុងការរស់រានមានជីវិតនិងរីកចម្រើននៅក្នុងលំហអវកាស រួមទាំងថាតើយើងអាចបន្តពូជបានដែរឬទេ។ ឥឡូវនេះ មេជីវិតកណ្តុរដែលបានសម្ងួតកក ដែលត្រូវបានរក្សាទុកនៅលើស្ថានីយអវកាសអន្តរជាតិ (ISS) ក្នុងប្រអប់ការពារការំស្មី អាចជួយផ្តល់ការយល់ដឹងកាន់តែប្រសើរអំពីសមត្ថភាពបន្តពូជរបស់ថនិកសត្វនៅក្រៅផែនដី។ នៅពេលគំរូទាំងនេះត្រឡប់មកកាន់ផែនដីវិញនៅឆ្នាំក្រោយ លោកសាស្ត្រាចារ្យ តេរូហិកូ វ៉ាកាយ៉ាម៉ា នៅមជ្ឈមណ្ឌលបច្ចេកវិទ្យាជីវសាស្ត្រកម្រិតខ្ពស់នៃសាកលវិទ្យាល័យយ៉ាម៉ាណាស៊ី នឹងសិក្សាពួកវាដើម្បីកំណត់ពីផលប៉ះពាល់នៃបរិស្ថានអវកាស និងថាតើពួកវាអាចត្រូវបានប្រើដើម្បីបង្កើតកូនដែលមានសុខភាពល្អបានដែរឬទេ។ នៅក្នុងមន្ទីរពិសោធន៍របស់គាត់នៅប្រទេសជប៉ុន លោក វ៉ាកាយ៉ាម៉ា កំពុងអភិវឌ្ឍឧបករណ៍មួយដែលនឹងអនុញ្ញាតឱ្យអវកាសយានិកធ្វើការបង្កកំណើតកណ្តុរក្នុងមន្ទីរពិសោធន៍ (IVF) នៅលើ ISS នាពេលខាងមុខ។ ជាចុងក្រោយ ការពិសោធន៍នេះអាចជួយសង្គ្រោះមនុស្សជាតិ តាមការលើកឡើងរបស់គាត់។ “គោលបំណងរបស់យើងគឺបង្កើតប្រព័ន្ធមួយសម្រាប់ការរក្សាទុកធនធានសេនេទិករបស់ផែនដីដោយសុវត្ថិភាពនិងជាអចិន្ត្រៃយ៍នៅកន្លែងណាមួយក្នុងលំហអវកាស មិនថានៅលើព្រះចន្ទឬកន្លែងផ្សេងទេ ដូច្នេះជីវិតអាចត្រូវបានភ្ញាក់រស់ឡើងវិញ សូម្បីតែពេលផែនដីប្រឈមនឹងការបំផ្លិចបំផ្លាញដ៏មហន្តរាយ។” វាអាចស្ដាប់ទៅដូចជាចេញពីខ្សែភាពយន្តវិទ្យាសាស្ត្រប្រឌិត ប៉ុន្តែលោក វ៉ាកាយ៉ាម៉ា បានជំរុញព្រំដែននៃការសិក្សាអំពីការបន្តពូជរបស់គាត់អស់រយៈពេលយូរមកហើយ។ នៅឆ្នាំ ១៩៩៧ គាត់និងសាស្ត្រាចារ្យម្នាក់ទៀតបានអភិវឌ្ឍវិធីសាស្ត្រថ្មីមួយដែលពួកគេបានប្រើដើម្បីក្លូនកណ្តុរដំបូងបង្អស់នៅលើពិភពលោកពីកោសិកាពេញវ័យ។ គាត់បានដឹកនាំការសិក្សាអំពីការអភិវឌ្ឍអំប្រ៊ីយ៉ុងកណ្តុរនៅក្នុងលំហអវកាស ដែលពីមុនត្រូវបានធ្វើតែជាមួយសត្វដូចជាសត្វបណ្ដែតទឹកនិងត្រីប៉ុណ្ណោះ។ គាត់និងក្រុមរបស់គាត់បានធ្វើឱ្យមានការចាប់ផ្តើមវិធីសាស្ត្រសម្ងួតកកដែលត្រូវបានប្រើដើម្បីផ្ញើមេជីវិតកណ្តុរទៅ ISS ដែលត្រូវបានរក្សាទុកក្នុងទូទឹកកករហូតដល់ប្រាំមួយឆ្នាំ។ នៅពេលគំរូទាំងនោះត្រឡប់មកផែនដីវិញ អ្នកស្រាវជ្រាវបានធ្វើឱ្យវាមានជាតិទឹកឡើងវិញហើយផលិតកូនកណ្តុរដែលមានសុខភាពល្អ។ […]

ទាំងអស់នេះគឺជារូបភាពគម្រោងផ្លូវរូងក្រោមដីដែលមានតម្លៃ 20trillionដុល្លារ ដែលអាចតភ្ជាប់ទីក្រុង New York និង Londonធ្វើដំណើរតែត្រឹមក្នុងមួយម៉ោង?    

ប្រែសម្រួល៖ ស្រីស្រស់ លោក Scott Nolan អគ្គនាយកក្រុមហ៊ុនថ្មី General Matter និងជាអតីតវិស្វករនៃក្រុមហ៊ុន SpaceX មានបេសកកម្មជួយបញ្ចប់ការផ្តាច់មុខរបស់រុស្ស៊ីលើការផលិតឥន្ធនៈនុយក្លេអ៊ែរដែលមានការបង្កើនជាតិអ៊ុយរ៉ានីញ៉ូម ដោយផលិតវានៅកម្រិតពាណិជ្ជកម្មក្នុងសហរដ្ឋអាមេរិក និងកាត់បន្ថយថ្លៃដើម។ លោកបានបង្កើតក្រុមហ៊ុន General Matter ដែលមានមូលដ្ឋាននៅទីក្រុងសាន់ហ្វ្រាន់ស៊ីស្កូក្នុងឆ្នាំនេះ ដើម្បីផលិតអ៊ុយរ៉ានីញ៉ូមបង្កើនជាតិកម្រិតខ្ពស់និងបង្កើនជាតិកម្រិតទាប ហៅកាត់ថា HALEU សម្រាប់រោងចក្រនុយក្លេអ៊ែរប្រភេទផ្សេងៗ រួមទាំងអនុស្ថានីយនុយក្លេអ៊ែរទំហំតូច ដែលអ្នកគាំទ្រសង្ឃឹមថានឹងចាប់ផ្តើមដំណើរការនៅទសវត្សឆ្នាំ២០៣០។ HALEU គឺជាអ៊ុយរ៉ានីញ៉ូមដែលបានបង្កើនជាតិចន្លោះពី៥ទៅ២០ភាគរយ ដែលអ្នកគាំទ្រអះអាងថាមានសក្តានុពលធ្វើឱ្យអនុស្ថានីយថ្មីៗមានប្រសិទ្ធភាពខ្ពស់។ ឥន្ធនៈអ៊ុយរ៉ានីញ៉ូមដែលប្រើប្រាស់ក្នុងអនុស្ថានីយបច្ចុប្បន្នត្រូវបានបង្កើនជាតិត្រឹមប្រមាណ៥ភាគរយ។ ក្រុមហ៊ុនបច្ចេកវិទ្យាធំៗដូចជា Amazon មានគម្រោងសាងសង់អនុស្ថានីយថ្មីៗដើម្បីផ្គត់ផ្គង់មជ្ឈមណ្ឌលទិន្នន័យដែលត្រូវការថាមពលច្រើន។ លោក Nolan បានប្រាប់ Reuters ក្នុងបទសម្ភាសន៍ដំបូងរបស់លោកក្រោយពីបង្កើតក្រុមហ៊ុនថា៖ “យើងជឿជាក់ថា HALEU គឺជាតម្រូវការបន្ទាន់បំផុតក្នុងទីផ្សារសព្វថ្ងៃ និងងាយរងផលប៉ះពាល់បំផុតពីថ្លៃដើមនៃការបង្កើនជាតិ។” គោលដៅរបស់ក្រុមហ៊ុន General Matter គឺកាត់បន្ថយថ្លៃដើមនៃការបង្កើនជាតិ HALEU ឱ្យនៅពាក់កណ្តាលក្នុងរយៈពេលវែង។ HALEU ត្រូវបានផលិតជាចម្បងនៅរុស្ស៊ី ហើយតម្លៃរបស់វាមិនច្បាស់លាស់។ ការប៉ាន់ស្មានមានចាប់ពី២៥,០០០ដៅ៣៥,០០០ដុល្លារក្នុងមួយគីឡូក្រាមនៃអ៊ុយរ៉ានីញ៉ូម។ ក្រសួងថាមពលសហរដ្ឋអាមេរិកបានផ្តល់កិច្ចសន្យាដំបូងដល់ក្រុមហ៊ុនចំនួនបួនរួមទាំង General Matter ដែលស្វែងរកការផលិត HALEU នៅសហរដ្ឋអាមេរិក […]

ប្រែសម្រួល៖ សហការី SpaceX របស់លោក Elon Musk បានបញ្ចេញការសាកល្បងហោះហើររ៉ុក្កែត Starship លើកទី៦ទៅអវកាសកាលពីថ្ងៃអង្គារ ពីរដ្ឋតិចសាស់ ដោយផ្តោតលើការកែលម្អជាច្រើនលើរ៉ុក្កែត ខណៈប្រធានាធិបតីជាប់ឆ្នោតអាមេរិក Donald Trump បានចូលរួមមើលដោយផ្ទាល់។ ប្រព័ន្ធរ៉ុក្កែតដែលមានកម្ពស់ប្រហែល ៤០០ហ្វីត (១២២ម៉ែត្រ) ដែលត្រូវបានរចនាឡើងដើម្បីចុះចតភ្នាក់ងារអវកាសនៅលើព្រះច័ន្ទ និងដឹកជញ្ជូនក្រុមទៅកាន់ភពព្រះអង្គារ បានហោះឡើងនៅម៉ោង ៤ល្ងាច CT (២២០០ GMT) ពីមូលដ្ឋានអភិវឌ្ឍន៍រ៉ុក្កែតដ៏ធំទូលាយរបស់ SpaceX នៅ Boca Chica រដ្ឋតិចសាស់។ ដំណាក់កាលទីមួយ ដែលហៅថា Super Heavy ត្រូវត្រឡប់មកដីវិញដោយធ្លាក់ចូលទៅក្នុងដៃម៉ាស៊ីនយក្សនៅលើប៉មបញ្ចេញរបស់វា ខណៈដែល Starship ធ្វើដំណើរជុំវិញផែនដីសម្រាប់ការធ្លាក់ចុះពេលថ្ងៃដែលបានគ្រោងទុកនៅក្នុងមហាសមុទ្រឥណ្ឌាប្រហែល ៩០នាទីក្រោយមក៕ ប្រភព៖ Reuters

ប្រែសម្រួល៖រតនា កាលពីឆ្នាំ ២០២១ មហាសេដ្ឋី Jared Isaacman ជាស្ថាបនិកបង្កើតគម្រោងមួយសម្រាប់បេសកកម្មហោះហើរទៅកាន់គន្លងផែនដី។គម្រោងនេះត្រូវបានបង្កើតឡើងសម្រាប់រៃអង្គាសប្រាក់ដើម្បីប្រើប្រាស់ជាមូនិធិគាំពារកុមារដែលមានជំងឺមហារីកហើយក៏ជាការបើកច្រកក្នុងពិភពទេសចរណ៍អវកាសឯកជនផងដែរ។ នៅក្នុងគម្រោងដែលលមាននាវិកឯកជនបួននាក់មកពីមជ្ឈដ្ឋានផ្សេងៗគ្នាដែលមិនមានបទពិសោធហោះហើរក្នុងលំហពីមុនបានចំណាយពេលបីថ្ងៃធ្វើដំណើរជុំវិញផែនដីជាមួយគ្នានៅក្នុងយាន SpaceX Crew Dragon ប្រវែង ១៣ហ្វីត។ ពេល​គាត់​ត្រឡប់​មក​វិញ Isaacman បាន​ស្រមៃ​ថា​គាត់​ទំនង​ជា​មិន​បាន​ទៅកាន់ទី​អវកាស​ម្ដង​ទៀត​នោះទេ។ លោក Isaacman បានប្រាប់ CNN ថា “យើងបានពិនិត្យលើកញ្ចប់ថវិកានីមួយៗ ដែលយើងកំណត់ដើម្បីសម្រេចឲ្យបាន” ដោយនិយាយថា Inspiration4 បង្ហាញពីរបៀបដែលមនុស្សមកពីគ្រប់មជ្ឈដ្ឋានអាចហ្វឹកហាត់ និងអនុវត្តបេសកកម្មទៅកាន់គន្លងខ្ញុំគិតថាប្រហែលជាខ្ញុំនឹងមិនត្រឡប់ទៅវិញទេដោយសារតែការចំណាយខ្ពស់ហួសកម្រឹត ដែលខ្ញុំគិតថាប្រហែលជាខ្ញុំត្រូវបញ្ឈប់។ វាគ្រាន់តែជាការវាយតម្លៃអំពីអនាគតរបស់គាត់នៅក្នុងការហោះហើរទៅកាន់ទីអវកាសគឺមិនបានន័យថាវាធ្វើឲ្យជាប់គាំងនោះទេ។ នៅថ្ងៃចន្ទ Isaacman និងនាវិកបីនាក់ រួមទាំងមិត្តជិតស្និទ្ធរបស់គាត់ និងជាអតីតអ្នកបើកយន្តហោះរបស់កងទ័ពអាកាស Scott “Kidd” Poteet ក៏ដូចជាវិស្វករ SpaceX ពីរនាក់ Anna Menon និង Sarah Gillis នឹងមកដល់មជ្ឈមណ្ឌលអវកាស Kennedy ក្នុងរដ្ឋ Florida ដើម្បីរៀបចំសម្រាប់ការបាញ់បង្ហោះយានអវកាសឯកជនសម្រាប់ការធ្វើដំណើរដ៏ធំទូលាយដើម្បីដកពិសោធការធ្វើដំណើរទៅកាន់លំហអវកាស។ បេសកកម្មដែលមានឈ្មោះថា Polaris Dawn ត្រូវបានគេគ្រោងនឹងហោះហើរនៅវេលាម៉ោង ៣:៣០ព្រឹក […]

ប្រែសម្រួលៈតារា អ្នកវិទ្យាសាស្ត្របានឲ្យដឹងថាយាន Curiosity Rover របស់ NASA បានរកឃើញដ៏គួរឲ្យរំជួលចិត្តនូរធាតុស្ពាន់ធ័រសុទ្ធនៅលើភពព្រះអង្គារ។ ការរកឃើញនេះត្រូវបានធ្វើឡើងបន្ទាប់ពី Curiosity ទម្ងន់មួយតោនបានបើកលើគំនរថ្ម ហើយបានបំបែកដុំថ្មមួយចំហៀងក្នុងខណៈពេលដែលកំពុងតាមដានលើឆានែល Gediz Vallis យ៉ាងស៊ីជម្រៅ និងរលកខ្យល់ដែលគេជឿថាត្រូវបានបង្កើតឡើងដោយសារធាតុទឹកកាលពី ៣ ពាន់លានឆ្នាំមុន។ Ashwin Vasavada អ្នកវិទ្យាសាស្ត្រគម្រោង Curiosity នៅមន្ទីរពិសោធ Jet Propulsion Laboratory របស់ NASA នៅ Pasadena រដ្ឋកាលីហ្វ័រញ៉ា បានប្រាប់អ្នកយកព័ត៌មាន CNN ថា “ខ្ញុំគិតថាវាជាការរកឃើញដ៏ចម្លែកបំផុតសម្រាប់បេសកកម្មទាំងមូលចំពោះអ្វីដែលយើងមិននឹកស្មានដល់នៅទីនោះខ្ញុំចង់និយាយថា យើងមានសំណាងក្នុងការបំពេញបេសកកម្មទាំងមូលនៅទីនោះ។ មិនមែនថ្មនីមួយៗមានអ្វីដែលគួរឲ្យចាប់អារម្មណ៍នៅខាងក្នុងនោះទេ “។ ប្រតិបត្តិកររបស់យាន Curiosity Rover បានប្រទះឃើញថ្មពណ៌សពីចម្ងាយ ហើយអ្នកវិទ្យាសាស្ត្រចង់ស្រាវជ្រាវបន្ថែមទៀត។ នៅថ្ងៃទី ៣០ ខែឧសភា អ្នកវិទ្យាសាស្ត្រ Vasavada និងក្រុមរបស់គាត់បានពិនិត្យមើលរូបភាពរបស់យាន Curiosity Rover ដែលបង្ហាញពីថ្មកំទេចនៅលើផ្លូវរត់របស់កង់វា។ អ្វីដែលពួកគេបានឃើញនៅពេលដែលពួកគេពង្រីករូបភាពវានោះគឺគេមើលឃើញពណ៌ដ៏ស្រស់ស្អាតនៅខាងក្នុងគឺជាអ្វីដែលបានបង្ហាញពីដំបូងថាជាថ្ម Martian ធម្មតា។ពួកគេកាន់តែរំភើបនៅពេលដែលធ្វើការវិភាគរកឃើញថាវាជាស្ពាន់ធ័រទាំងស្រុង។ យោងតាម […]