ដោយ៖ស-សម្បត្តិ ភ្នំពេញ ៖ ប្រជាពលរដ្ឋដែលធ្វើដំណើរ ឆ្លងកាត់ទៅមកតាមផ្លូវមួយកន្លែង ស្ថិតនៅក្នុងភូមិដំណាក់ សង្កាត់គោកឃ្លៀង ខណ្ឌសែនសុខ ជាប់របងសាលាបឋមសិក្សាសាមគ្គី បានរអ៊ូរទាំមិនដាច់ពីមាត់ពី បញ្ហាទឹកដក់ ជះក្លិនស្អុយអសោច មិនថារដូវប្រាំង ឬរដូវវស្សានោះទេ។ ចំណែកឯអាជ្ញាធរនៅមូលដ្ឋានវិញ ហាក់ដូចជារំភើយមើលមិនឃើញពីបញ្ហានេះទាល់សោះទៅហួសមកហួស។ ប្រជាពលរដ្ឋ បានឲ្យដឹងថា ទីតាំងខាងលើនេះ បើនៅខែវស្សាវិញ គឺមានទឹកលិចតែម្តង ហើយប្រសិនបើខែប្រាំងវិញគឺមានទឹកដក់ជាប់ជាប្រចាំ និងមានក្លិនស្អុយថែមទៀត ដែលធ្វើឲ្យមានផលលំបាកនិងប៉ះពាល់យ៉ាងខ្លាំងក្នុងការធ្វើដំណើរ ជាពិសេសសិស្សសាលាតូចៗ។ ប្រជាពលរដ្ឋបានឲ្យដឹងបន្ថែមទៀតថា នៅពេលខ្លះគឺត្រូវទៅផ្ទះដូរខោអាវ ដោយសារមានអ្នកជិះម៉ូតូឬរថយន្តតូចធំឆ្លងកាត់កន្លែងដែលមានទឹកដក់ក្លិនស្អុយនោះសាច ឬខ្ទាតប្រឡាក់។ ប្រជាពលរដ្ឋ ក៏បានស្នើសុំឲ្យអាជ្ញាធរមូលដ្ឋានចុះទៅមើលផង ព្រោះទីតាំងនេះមានទឹកដក់រាប់ឆ្នាំមកហើយ ដែលធ្វើឲ្យអ្នករស់នៅតំបន់នោះទ្រាំហិតក្លិនលែងបានហើយ។ម៉្យាងវិញមកដល់ឆ្នាំ២០២៥ទៅហើយផ្លូវនៅក្នុងក្រុងមិនគួរអាជ្ញាធរទុកបណ្តោយឲ្យដក់ទឹកស្អុយនៅខួបប្រាំងខួបវស្សាបង្កឲ្យប៉ះពាល់ដល់សុខភាពប្រជាពលរដ្ឋបែបនេះតទៅទៀតនោះទេ៕  

ភ្នំពេញ​:​ ស្រី្ត​ម្នាក់បាន​រង​របួស​ធ្ងន់​​ដឹក​តាម​ម៉ូតូ​កង់​បី​យក​ទៅ​សង្គ្រោះ​បន្ទាន់​ភ្លាម​ៗ​ពេល​ដើរ​ឆ្លង​ផ្លូវ​មិន​ប្រយ័ត្ន​ត្រូវ​បាន​បុរស​ម្នាក់​ជិះ​ម៉ូតូ​លឿន​ទៅ​បុក​ពេញ​ទំហឹង​កាលពីវេលា​ម៉ោង​៩យប់​ថ្ងៃ​ទី​១៦ខែ​មីនា​ឆ្នាំ​២០២៥ ស្ថិត​នៅ​តាម​បណ្ដោយ​ផ្លូវ​វេងស្រេង ​ក្នុង​ភូមិ​ជ្រៃ​កោង​ សង្កាត់​ចោមចៅ​២ ខណ្ឌ​ពោធិ៍​សែនជ័យ​រាជធានី​ភ្នំពេញ​។ បើតាមប្រភពព័ត៌មានពីសាក្សី​បាន​ឲ្យ​ដឹងថា៖​  នៅ​មុន​ពេល​កើត​ហេតុ​ គេ​ឃើញ​ស្រី្ត​ជាអ្នករើសអេតចាយ​ដើរ​ឆ្លង​ផ្លូវ​ពី​ត្បូង​មក​ជើង​បាន​ពាក់​កណ្ដាល​ផ្លូវ​ខណៈពេល​នោះ​គេ​ឃើញ​ម៉ូតូ​មួយ​គ្រឿង​ម៉ាក​ហុង​ដា​ឌ្រីម​សង់ពណ៌​ខ្មៅ​ពាក់​ផ្លាកលេខ​ភ្នំពេញ​1HQ-6737ជិះ​ដោយ​បុរស​ម្នាក់​ធ្វើ​ដំណើរ​តាម​បណ្ដោយ​ផ្លូវ​វេងស្រេង​ក្នុង​ទិសដៅ​ពី​លិច​មក​កើតក្នុង​ល្បឿន​លឿន​រួច​វាក់អឺគេច​មិន​ផុត​ជ្រុល​ទៅ​បុក​ស្រី្ត​ខាងលើ​ពេញ​ទំហឹង​បណ្ដាល​ឲ្យ​ដួល​បោក​នឹង​ផ្លូវ​សន្លប់​ ​ចំណែក​ម៉ូតូ​ដួល​ និងអ្នក​បើក​បររង​របួស​ស្រាល។ ​ ក្រោយកើតហេតុ ​ស្រ្តីរងគ្រោះ​ត្រូវ​បាន​ពលរដ្ឋ​នាំ​គ្នា​ជួយ​សង្រ្គោះ​បឋម​លើក​ដាក់​ម៉ូតូ​ដឹក​យក​ទៅ​សង្រ្គោះ​នៅ​មន្ទីរពេទ្យ​ឯកជនមួយ​​ជិតកន្លែង​កើត​ហេតុ​ តែ​ដោយសារ​ស្ថានភាព​ធ្ងន់ធ្ងរ​ពេក​ខាង​មន្ទីរ​ពេទ្យ​មិន​ហ៊ាន​ទទួល​មើល ​ខាង​សាច់​ញាតិ​បាន​ហៅ​ម៉ូតូ​កង់​បី​ដឹក​បញ្ជូន​យក​ទៅ​សង្គ្រោះ​បន្ទាន់​នៅ​មន្ទីរពេទ្យ​រុស្ស៊ី​វិញ​។ ក្រោយកើត​ហេតុ​គេឃើញ​ខាង​សមត្ថកិច្ច​មូលដ្ឋានចុះ​មក​កន្លែង​កើត​ហេតុ​ធ្វើ​ការ​បាញ់​ថ្នាំ​ និងយក​ម៉ូតូ​បង្ក​ខាង​លើ​ទៅ​រក្សា​ទុក​នៅ​ប៉ុស្តិ៍​បណ្ដោះអាសន្ន​រង់​ចាំ​ផ្នែក​ចរាចរណ៍​ធ្វើ​ការ​វាស់​វែង​ដោះស្រាយ​តាម​ផ្លូវ​ច្បាប់​ថ្ងៃ​ក្រោយ​៕ ដោយ៖ សហការី

ដោយ : បន្ទាយ បន្ទាយមានជ័យ៖ កម្លាំងជំនាញមូលដ្ឋានកងរាជអាវុធហត្ថក្រុងប៉ោយប៉ែត បានទទួលពាក្យបណ្ដឹងពីជនរងគ្រោះឈ្មោះ ឈុន យ៉ុង ភេទប្រុស អាយុ៣៦ឆ្នាំ ស្នាក់នៅភូមិស្ទឹងបត់ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ស្ដីពីករណីហិង្សាដោយចេតនា ស្ថានទម្ងន់ទោស កាលពីវេលាម៉ោង១៩ និង៣០នាទី ថ្ងៃទី១៤ ខែមីនា ឆ្នាំ២០២៥ នៅចំណុចជនរងគ្រោះរស់នៅ ដែលបង្កដោយជនសង្ស័យឈ្មោះ ប៉ាល់ ចាន់ឡា ភេទប្រុស អាយុ៣៣ឆ្នាំ ស្នាក់នៅភូមិជាមួយគ្នា បានធ្វើសកម្មភាពយកដែកទីបវាយទៅលើជនរងគ្រោះចំនួន០២ដែកទីប បណ្ដាលឱ្យរងរបួសបែកក្បាល និងត្រូវចំដៃឆ្វេងចំនួន០១កន្លែង ក្រោយពីធ្វើសកម្មភាពរួចជនសង្ស័យបានរត់គេចខ្លួនបាត់។ ក្រោយពីទទួលបានពាក្យបណ្ដឹងរបស់ជនរងគ្រោះ កម្លាំងជំនាញមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុង ធ្វើការស្រាវជ្រាវរហូតដល់វេលាម៉ោង១៧ និង០០នាទី ថ្ងៃខែឆ្នាំ ដដែលបានឃាត់ខ្លួនជនសង្ស័យឈ្មោះប៉ាល់ ចាន់ឡា រួមទាំងដកហូតវត្ថុតាង ហើយនាំមកកាន់មូលដ្ឋានកងរាជអាវុធហត្ថក្រុងដើម្បីសួរនាំតាមនីតិវិធី។ លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងបានឱ្យដឹងនៅថ្ងៃទី១៦ខែមីនាឆ្នាំ២០២៥ ថា : ក្រោយឃាត់ខ្លួន និងសួរនាំរួច ជនសង្ស័យបានឆ្លើយសារភាពថា ខ្លួនពិតបានវាយជនរងគ្រោះពិតប្រាកដមែន […]

ដោយ : បន្ទាយ កំពង់ស្ពឺ ៖ រថយន្ដទេសចរណ៍ប្រភេទ៤៥កៅអីមួយគ្រឿង បានក្រឡាប់ធ្លាក់ជម្រាលលភ្នំគិរីរម្យ កាលពីរសៀលថ្ងៃទី១៦ ខែមីនា ឆ្នាំ២០២៥នេះ បានបណ្ដាលឲ្យមនុស្សប្រមាណ២០នាក់ រងរបួសធ្ងន់ ស្រាល។ ហេតុការណ៍នេះកើតឡើងនៅចំណុចផ្លូវចំណោតក្បែររមណីយដ្ឋានវីរៈប៊ុនថាំ (ខ្នងភ្នំគិរីរម្យ) ស្ថិតក្នុងភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ។ សមត្ថកិច្ចបានឲ្យដឹងថា៖ ករណីក្រឡាប់រថយន្តក្រុងដឹកអ្នកដំណើរនេះ គឺបណ្តាលឲ្យមនុស្ស១០នាក់បានរងរបួសធ្ងន់ និង១០នាក់ទៀតរងរបួសស្រាល។ ក្រោយកើតហេតុ រថយន្តរបស់ក្រុមហ៊ុនវីរៈប៊ុនថាំ បានដឹកអ្នករបួសធ្ងន់ចំនួន១០នាក់យកមកសង្គ្រោះបន្ទាន់នៅមន្ទីរពេទ្យបង្អែកត្រែងត្រយឹង និងខ្លះបន្តទៅសង្គ្រោះបន្ទាន់នៅមន្ទីរពេទ្យបង្អែកខេត្តកំពង់ស្ពឺ។ ដោយឡែកអ្នករងរបួសស្រាល ត្រូវបានដឹកបញ្ជូនតាមរយៈរថយន្តសង្គ្រោះ២គ្រឿង របស់មន្ទីរពេទ្យបង្អែកស្រុក។ ចំពោះជនរងគ្រោះគឺជាភ្ញៀវទេសចរមកពីរាជធានីភ្នំពេញ បានជួលរថយន្តក្រុងប្រភេទ៤៥កៅអីខាងលើមកលេងជាក្រុមនៅលើខ្នងភ្នំគិរីរម្យ ហើយបន្ទាប់មកក៏បន្តដំណើរទៅលេងទីតាំងកម្សាន្តវីរៈប៊ុនថាំ ដែលទើបស្ថាបនារួចរាល់ថ្មី ក្រោយមកក៏ជួបឧបទ្ទវហេតុគ្រោះថ្នាក់ពេលវិលត្រឡប់មកវិញ។ ករណីក្រឡាប់ធ្លាក់រថយន្តចូលជ្រោះនេះ គឺផ្តើមចេញពីការដាច់ហ្រ្វាំងពេលចុះចំណោតខ្លាំង។ លោកបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ បានបញ្ចេញរថយន្តក្រុងទៅដឹកពលរដ្ឋទាំងអស់ដោយខ្លះទៅសង្គ្រោះ និងខ្លះទៀតត្រឡប់ទៅផ្ទះវិញ៕

ដោយ :  បន្ទាយ សៀមរាប : គ្រោះធម្មជាតិខ្យល់កន្ដ្រាក់ និងរន្ទះបាញ់បង្កឡើងកាលពីល្ងាចថ្ងៃទី១៦ខែមីនាឆ្នាំ២០២៥ នៅស្ទើរគ្រប់ក្រុង ស្រុកទូទាំងខេត្តសៀមរាប បណ្ដាលឲ្យប៉ះពាល់ដល់ផ្ទះរបស់ប្រជាពលរដ្ឋជិត២០០គ្រួសារ រងរបួស៧នាក់ និងដួលដើមឈើ៧១ដើម និងប៉ះពាល់សំណង់ ,ទ្រព្យសម្បត្តិផ្សេងទៀតជាច្រើនកន្លែង។ លោក ប្រាក់ សោភ័ណ អភិបាលខេត្តសៀមរាប បានចូលរួមរំលែកទុក្ខលំបាក សោកស្តាយចំពោះការរងរបួសមនុស្ស បង្កខូចខាត ប៉ះពាល់បង្កពីបាតុភូតខ្យល់កន្ត្រាក់បក់បោកចូល រន្ទះបាញ់ដល់ក្រុង និងស្រុកមួយចំនួន។ លោកបន្តថា : រដ្ឋបាលខេត្ត សហការជាមួយកាកបាទក្រហមកម្ពុជាខេត្តសៀមរាបនឹងចុះពិនិត្យជួយឲ្យបាន។លោកក៏បានថ្លែងអំណរគុណដល់ក្រុមគ្រូពេទ្យ ដែលបានយកចិត្តទុកដាក់ខ្ពស់មើលថែទាំអ្នករងរបួសទាំងទាំងឡាយទាន់ពេលវេលា ។ ចំណែកឯលោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប បានប្រាប់សារព័ត៌មានក្នុងស្រុកថា : គ្រោះថ្នាក់ធម្មជាតិខ្យល់កន្ដ្រាក់ រន្ទះបាញ់នាល្ងាចថ្ងៃទី១៦ខែមីនាឆ្នាំ២០២៥ បានបង្កខូចខាត ប៉ះពាល់ដល់មូលដ្ឋានក្រុង ស្រុកចំនួន១០នៃខេត្តសៀមរាបដូចជា៖ ក្រុងសៀមរាប, ក្រុងរុនតាឯក ស្រុកពួក, ស្រុកប្រាសាទបាគង, ស្រុកជីក្រែង, ស្រុកអង្គរជុំ, ស្រុកស្វាយលើ, ស្រុកអង្គធំ, ស្រុកបន្ទាយស្រី និងស្រុកសូទ្រនិគម ។ ជាមួយគ្នានេះ របាយការណ៍របស់គណៈកម្មាធិការគ្រប់គ្រងគ្រោះមហន្ដរាយខេត្តសៀមរាបបានឲ្យដឹងថា:  គិតត្រឹមម៉ោង៩យប់ថ្ងៃនេះ […]

ដោយ៖ សុខុម ស្ទឹងត្រែង៖ កម្លាំងជំនាញរបស់មន្ទីរប្រឆាំងគ្រឿងញៀនក្រសួងមហាផ្ទៃ សហការជាមួយ នគរបាលខេត្តស្ទឹងត្រែងបង្រ្កាបបាន ជ័រអាភៀនរាប់សិបគីឡូក្រាម និងបន្តឃាត់ខ្លួនសង្ស័យចំនួន៨នាក់។ តាមប្រភពព័ត៌មានពីសមត្ថកិច្ចបានឲ្យដឹង កាលពីថ្ងៃទី១៥មីនាថាប្រតិបត្តិការបង្រ្កាបជ័រអាភៀនខាងលើនេះ គឺធ្វើឡើងកាលពីថ្ងៃទី ១១ ខែមីនា ឆ្នាំ២០២៥ ក្នុងភូមិសាស្រ្តខេត្តដឹកនាំ សម្របសម្រួលនីតិវិធីដោយលោក ស៊ិន សុហឹង ព្រះរាជអាជ្ញារង នៃអយ្យការអមសាលាដំបូងខេត្តស្ទឹងត្រែង។ សមត្ថកិច្ចបានឱ្យដឹងទៀតថា តាមការស្រាវជ្រាវស៊ើបអង្កេតបទល្មើសដឹកជញ្ជូន ជួញដូរគ្រឿងញៀន ឆ្លងដែនពីឡាវ មកកម្ពុជា។ ពីដំបូងសមត្ថកិច្ចឃាត់ចំនួន៦នាក់ ក្នុងនោះមានជនជាតិថៃ ៥នាក់ ស្រី១នាក់ និងបុរសជនជាតិឡាវ ១នាក់។ ជនសង្ស័យជនជាតិថៃនិងឡាវ សរុប៦នាក់ពួកគេសុទ្ធតែមានលិខិតឆ្លងដែន។ សមត្ថកិច្ចបានបញ្ជាក់ថា វត្ថុតាងដកហូតបានរួមមានរថយន្តចំនួន២គ្រឿង, ជ័រអាភៀនចំនួន ៥បាវ (មិនទាន់ថ្លឹង) ទូរសព្ទ ៦គ្រឿង។ ក្រោយធ្វើការសាកសួរជនសង្ស័យសមត្ថកិច្ចជំនាញមន្ទីរប្រឆាំងគ្រឿងញៀន បានបន្តពន្លាតដែនសមត្ថកិច្ច សហការជាមួយកម្លាំងស្នងការដ្ឋាននគរបាលខេត្តព្រះសីហនុ បង្រ្កាបជនសង្ស័យជនជាតិចិនពីរនាក់បន្ថែមទៀតនៅខេត្តព្រះសីហនុ ចំណុចការ៉ាសសាំង Sokimex ស្ថិតនៅ ភូមិ១ សង្កាត់៣ ក្រុងព្រះសីហនុ ខេត្តព្រះសីហនុ។ វត្ថុតាងរថយន្តចំនួន ០២គ្រឿង ទូរសព្ទដៃ។ ក្រោយឃាត់ខ្លួនជនសង្ស័យចំនួន […]

ភ្នំពេញ​:​ បុរស​ម្នាក់ជិះ​ម៉ូតូ​ក្នុង​ល្បឿន​លឿន​មិន​ប្រយ័ត្ន​​ជ្រុលទៅ​បុក​​ខឿន​សួន​ច្បារ​ចែក​ទ្រូង​ផ្លូវហើយខ្ទាត​ទៅ​ប៉ះ​​នឹង​បង្គោលស្លាក​ប៉ាន់​ណូបណ្ដាលឲ្យ​បាក់​កស្លាប់​ភ្លាមៗ​នៅ​នឹងកន្លែង​កើត​ហេតុ​។ សហតុការណ៍នេះបានកើតឡើងនៅម៉ោង២និង២៥នាទី​រំលង​អធ្រាត្រ​ឈាន​ចូល​ថ្ងៃ​ទី​១៤ខែ​មីនា​ឆ្នាំ​២០២៥ ស្ថិត​នៅ​តាម​បណ្ដោយ​ផ្លូវ​ជាតិ​លេខ​៣​ ភូមិ​ថ្នល់​​បំបែក​ សង្កាត់​ចោមចៅ​៣ ខណ្ឌ​ពោធិ៍​សែនជ័យ​ រាជធានី​ភ្នំពេញ​។ សព​បុរសរង​គ្រោះ​ឈ្មោះ​ ស៊ាង​ ដំ​ ​អាយុ​៣០​ ឆ្នាំ​  មាន​ស្រុក​កំណើត​នៅ​​ឃុំ​អង្គ​ព្រះ​សាទ​ ស្រុក​គិរីរម្យ​ ខេត្ត​តាកែវ​។ មានអាសយដ្ឋាន​ ផ្ទះ​លេខ​២៩៩​ ផ្លូវ​លំ​ ភូមិ​ចុង​ថ្នល់​ខាង​លិច​ សង្កាត់​ទឹក​ថ្លា​ ខណ្ឌ​សែន​សុខ ​រាជធានី​ភ្នំពេញ​។ ​សាក្សីនៅកន្លែងកើតហេតុបានឲ្យដឹងថា៖ នៅ​មុន​ពេល​កើត​ហេតុ ​​គេ​ឃើញ​បុរស​រង​គ្រោះ​ខាង​លើ​ជិះ​ម៉ូតូ​ម្នាក់​ឯង​ម៉ាក​ហុង​ដា​ឌ្រីម​សង់​ ពណ៌​ខ្មៅ​​ពាក់ផ្លាកលេខ​ភ្នំពេញ​1CN-9863​ ធ្វើ​ដំណើរ​ចុះ​ពី​លើ​ស្ពាន​អាកាស​ចោមចៅ​ក្នុង​ទិសដៅ​ពី​ជើង​មក​ត្បូង​ក្នុង​ល្បឿន​លឿន​។​ខណៈពេលផុត​ពី​ស្ពាន​ប្រមាណ​ជាង​២០០ម៉ែត្រ​ស្រាប់​តែ​ទៅ​បុក​ជាមួយ​នឹង​ខឿន​សួន​ច្បារ​ចែក​ទ្រូង​ផ្លូវ​បណ្ដាល​ឲ្យ​ដួល​ខ្ទាត​បោក​ប៉ះ​ជាមួយ​បង្គោល​ស្លាក​ប៉ាន់​ណូបណ្ដាល​បាក់​កស្លាប់​ភ្លាមៗ​ ចំណែក​ម៉ូតូ​វិញ​ខ្ទាត​អូស​ទៅ​មុខ​ជា​ច្រើន​ម៉ែត្រ​។ ក្រោយកើតហេតុ ពលរដ្ឋ​នៅ​ទី​តាំង​ក្បែរនោះ​បាន​នាំ​គ្នា​ជួយ​សង្គ្រោះ​បឋម​និង​ទាក់ទង​ហៅ​រថយន្ត​​សង្គ្រោះ​របស់​អង្គ​ភាព​៧១១កង​ពល​តូច​លេខ​៧០មក​ដល់​ធ្វើ​ការ​ពិនិត្យ​សង្រ្គោះ​ដែរ​ តែ​ជា​អកុសល​ជនរងគ្រោះ​បាន​ផុត​ដង្ហើម​បាត់​ទៅ​ហើយ​ បន្ទាប់​មកបានរាយការណ៍​ទាក់ទង​ទៅ​នគរបាល​មូលដ្ឋាន​ប៉ុស្តិ៍​ចុះ​មក​អន្តរាគមន៍​ភ្លាមៗ​​ពិនិត្យ​លើ​សព ​រួច​ធ្វើ​ការ​ស្រាវជ្រាវ​ទាក់ទង​រក​សាច់​ញាតិ​៕ ដោយ៖ សហការី

ដោយ : បន្ទាយ  បន្ទាយមានជ័យ៖ ដើម្បីធានាបាននូវសន្តិសុខ សណ្តាប់ធ្នាប់ សុវត្ថិភាពសង្គម លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យកាលពីថ្ងៃទី១២ ខែមីនា ឆ្នាំ២០២៥ បានដាក់ចេញនូវបទបញ្ជាដល់កម្លាំងនគរបាលគ្រប់ក្រុង/ស្រុក និងកម្លាំងនគរបាលប៉ុស្តិ៍រដ្ឋបាលគ្រប់ឃុំ/សង្កាត់ ពង្រឹងការយាមល្បាត និងល្បាតចល័ត តាមគោលដៅសំខាន់ៗ ភូមិសាស្ត្រងាយរងគ្រោះ ដើម្បី បង្ការ បង្ក្រាប ទប់ស្កាត់ បទល្មើសគ្រប់ប្រភេទ ពិសេសបទល្មើសព្រហ្មទណ្ឌ និងក្មេងទំនើង។ លោកស្នងការបានដាក់បញ្ជាឲ្យកម្លាំងនគរបាលជំនាញ, កម្លាំងអធិការដ្ឋាននគរបាលគ្រប់ក្រុង/ស្រុក ទាំងថ្ងៃនិងយប់ បានពង្រឹងការត្រួតពិនិត្យអាវុធគ្រឿងផ្ទុះ,ត្រួតពិនិត្យគ្រឿងញៀន, ពង្រឹងការត្រួតពិនិត្យអ្នកបើកបរមានជាតិស្រវឹង(ជាតិអាល់កុលលើសកម្រិត) ពោលគឺដើម្បីបង្ការទប់ស្កាត់បទល្មើសផ្សេងៗ ពិសេសកាត់បន្ថយអត្រាគ្រោះថ្នាក់ចរាចរណ៍ក្រោមឥទ្ធិពលគ្រឿងស្រវឹង, ពង្រឹងទប់ស្កាត់ការបំពាក់ភ្លើងកែច្នៃខុសបច្ចេកទេស និងអប់រំច្បាប់ចរាចរណ៍ផ្លូវគោកដល់អ្នកបើកបរយានយន្តគ្រប់ប្រភេទ៕  

ដោយ៖ ព្រះអង្គខ្មៅ បាត់ដំបង÷ លំនៅឋានរបស់ប្រជាពលរដ្ឋក្នុងស្រុកសង្កែ បានរងការបំផ្លាញដោយខ្យល់កន្ត្រាក់បោកបក់គ្របដណ្តប់ខ្លាំងប៉ះពាល់ខូចខាតជាង ៥០ខ្នង។ លោក នាង ច័ន្ទថារ៉ា អភិបាលស្រុកសង្កែ បានបញ្ជាក់ប្រាប់ឲ្យដឹងថា÷ គ្រោះធម្មជាតិខ្យល់កន្ត្រាក់នេះបានកើតឡើងនៅវេលាម៉ោងជិត ៥:០០នាទីល្ងាច ថ្ងៃទី ១២ ខែមីនា ឆ្នាំ ២០២៥។ តាមរបាយការណ៍បឋម បាតុភូមិធម្មជាតិនេះបានបង្កការប៉ះពាល់ខ្នងផ្ទះប្រជាពលរដ្ឋចំនួន ៣ភូមិ ក្នុងឃុំអូរដំបង១ ស្រុកសង្កែ ខេត្តបាត់ដំបង រួមមានភូមិអូរខ្ជាយត្បូង ខូចខាតផ្ទះប៉ើងដំបូល សំយាប ជញ្ជាំងផ្ទះចំនួន ៩ខ្នង, ភូមិអូរស្រឡៅ ប៉ះពាល់ខូចខាតចំនួន ៣៧ខ្នង រលំរាបដល់ដី ១ខ្នង និងភូមិវត្តចែង ខូចខាតចំនួន ១១ខ្នង សរុបទាំងអស់ចំនួន ៥៧ខ្នង។ លោកអភិបាលស្រុកបានបន្តថា÷ តំបន់ខាងលើនៅព្រឹក ថ្ងៃទី ១៣ ខែមីនា នេះមេឃកំពុងធ្លាក់ភ្លៀងបន្ថែមទៀត លោកនឹងដឹកនាំមន្ត្រីក្រោមឱវាទចុះពិនិត្យជាថ្មីទៀត៕

ដោយ៖សុខុម ភ្នំពេញៈ សមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃបានបញ្ជាក់ថា៖ សំណុំរឿងឃាតកម្មប្ដីសម្លាប់ប្រពន្ធយកសពបោះចោលនៅខណ្ឌឫស្សីកែវ កម្លាំងជំនាញស្រាវជ្រាវរកឃើញអតីតប្ដីចងកសម្លាប់ខ្លួនតាមក្រោយនៅខេត្តបន្ទាយមានជ័យ។ សមត្ថកិច្ចបានបញ្ជាក់ថា៖ នៅថ្ងៃទី១០ ខែមីនា ឆ្នាំ២០២៥ នៅវេលាម៉ោង០៧៖០៥នាទី មានករណីប្រទះឃើញសាកសពស្រ្តីម្នាក់នៅចំណុចដីឡូតិ៍ទុកចោល ផ្លូវឧកញ៉ាឌីប៉ូ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។ជនរងគ្រោះមានឈ្មោះ អ៊ុន ស្រីល័ក្ខ ភេទស្រី អាយុ២៥ឆ្នាំ ជនជាតិខ្មែរ។ ក្រោយពីចុះស្រាវជ្រាវយ៉ាងយកចិត្តទុកដាក់ឃើញថាបង្កឡើងដោយជនសង្ស័យអតីតជាប្តី មានឈ្មោះ ប៊ុន សេងហាប់ ភេទប្រុស អាយុ៣០ឆ្នាំ ជនជាតិខ្មែរ ។ក្រោយពីមានហេតុការណ៍ខាងលើកើតឡើង កម្លាំងជំនាញរបស់នាយកដ្ឋាននគរបាលព្រហ្មទណ្ឌ ដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន, វរសេនីយ៍ឯក ហែម បូណា និងវរសេនីយ៍ឯក ឆាន់ គីមលី អនុប្រធាននាយកដ្ឋាន បានដឹកនាំសហការជាមួយកម្លាំងជំនាញរបស់ស្នងការដ្ឋាននគរបាលខេត្តបន្ទាយមានជ័យ ធ្វើការស្រាវជ្រាវករណីខាងលើ ដោយបានដឹងថាជនសង្ស័យកំពុងរត់គេចខ្លួនទៅកាន់ស្រុកកំណើតនៅឯខេត្តបន្ទាយមានជ័យ។បន្ទាប់មក ជនសង្ស័យខាងលើបានធ្វើអត្តឃាតដោយចងកសម្លាប់ខ្លួនឯងនៅវេលាម៉ោង៨យប់ថ្ងៃទី១០ ត្រង់ចំណុចភូមិអូរស្វាយ ឃុំតាគង់ ស្រុកម៉ាឡៃ ខេត្តបន្ទាយមានជ័យ៕

ដោយ៖ ព្រះអង្គខ្មៅ បាត់ដំបង÷ បុរសជាប់បន្សាបគ្រឿងញៀនម្នាក់ខណ:បញ្ជូនទៅសម្រាកព្យាបាលជំងឺនៅមន្ទីរពេទ្យបង្អែក បានរត់គេចខ្លួនលោតចូលក្នុងស្ទឹងសង្កែ អស់ជាច្រើនម៉ោងទើបចាប់បានមកវិញ។ ហេតុការណ៍នាំឲ្យមានការភ្ញាក់ផ្អើលនេះបានកើតឡើងនៅរសៀលថ្ងៃទី ១០ ខែមីនា ឆ្នាំ២០២៥ ត្រង់ចំណុចមុខមន្ទីរពេទ្យបង្អែកបាត់ដំបង ក្នុងក្រុង និងខេត្តបាត់ដំបង។ សមត្ថកិច្ចបានបញ្ជាក់ឲ្យដឹងថា៖ ក្រោយពីមានបញ្ហាសុខភាព បុរសជនជាប់ចោទត្រូវកម្លាំងជំនាញនាំខ្លួនទៅសម្រាកព្យាបាលជំងឺនៅមន្ទីរពេទ្យបង្អែកខេត្តបាត់ដំបង។ បន្ទាប់ពីព្យាបាលបានជាធូរស្បើយ សមត្ថកិច្ចក៏បានសម្រេចបញ្ជូនតាមរថយន្តទៅកាន់មណ្ឌលវិញ ប៉ុន្តែភ្លាមៗជនជាប់ចោទបានព្យាយាមរត់គេចរហូតដល់មាត់ស្ទឹងសង្កែក៏បានលោតទម្លាក់ខ្លួនចូលក្នុងស្ទឹងទាំងដៃជាប់ខ្នោះ ហើយបានហែលទៅដល់ត្រើយម្ខាងខាងកើតរកកន្លែងពួនសម្ងំលាក់ខ្លួនក្នុងគុម្ពព្រៃ និងក្រោមផ្ទះរបស់ប្រជាពលរដ្ឋ។ ក្រោយពេលសម្ងំលាក់ខ្លួនគេចពីសមត្ថកិច្ចអស់ជាច្រើនម៉ោង ចុងក្រោយបានចល័តចេញពីកន្លែងមួយទៅកន្លែងមួយ ទីបំផុតត្រូវសមត្ថកិច្ចរកឃើញឃាត់ខ្លួនបានត្រឡប់មកវិញ រួចនាំខ្លួនបញ្ជូនទៅកាន់មណ្ឌលបន្សាបគ្រឿងញៀនជាថ្មីម្តងទៀត។ សមត្ថកិច្ចបានបន្តថា÷ ជនជាប់ចោទខាងលើជាជនជាប់ចោទពាក់ព័ន្ធករណីគ្រឿងញៀន និងបានបញ្ជូនទៅមណ្ឌលដើម្បីបន្សាបគ្រឿងញៀន ក្រោយមកក៏មានបញ្ហាសុខភាព ត្រូវបានសមត្ថកិច្ចមណ្ឌលបន្សាបបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្តបាត់ដំបង ហើយក៏មានឱកាសរត់គេចតែម្តង៕

ដោយ៖សុខុម ស្ទឹងត្រែង៖ មួយរយៈពេលចុងក្រោយនេះ មន្រ្តីការពារព្រៃនៃរដ្ឋបាលព្រៃឈើស្រុកថាឡាបរិវ៉ាត់ សហការជាមួយកម្លាំងពាក់ព័ន្ធបានចុះដល់គោលដៅដីសំខាន់ៗក្នុងតំបន់សហគមន៍ព្រៃឈើនិងបានដកហូតទុកជាទ្រព្យសម្បត្តិរដ្ឋវិញបានជាង១២០ហិកតាក្នុងស្រុកថាឡាបរិវ៉ាត់ ខេត្តស្ទឹងត្រែង។ លោក ហ៊ុន សំអឿន នាយផ្នែករដ្ឋបាលព្រៃឈើស្រុកថាឡាបរិវ៉ាត់បាននិយាយថា៖ ដីដែលដកហូតបានតាមរយៈអនុវត្តដីការបស់តុលាការនិងប្រគល់ឱ្យដោយស្ម័គ្រចិត្តផងនោះ គឺជាការយល់ដឹងរបស់ប្រជាពលរដ្ឋ ក្រោយមន្រ្តីជំនាញសហការជាមួយសហគមន៍ការពារព្រៃឈើ និងសមត្ថកិច្ចពាក់ព័ន្ធចុះអប់រំណែនាំផ្សព្វផ្សាយស្តីពីទោសទណ្ឌកាប់បំផ្លាញព្រៃឈើ។ លោកនាយផ្នែករដ្ឋបាលព្រៃឈើបាននិយាយបន្តទៀតថា៖​ ដើម្បីអនុវត្តតាមគោលនយោបាយ របស់ប្រមុខរាជរដ្ឋាភិបាលក្នុងការផ្តល់ដីរក្សាព្រៃ ប្រជាពលរដ្ឋដែលអត់ដីពិតប្រាកដបានប្រគល់ដីដែលខ្លួនកាន់កាប់ដោយខុសច្បាប់ព្រៃសហគមន៍ឱ្យរដ្ឋវិញ។ បន្ទាប់មកពលរដ្ឋទាំងនោះបានទៅដាក់ពាក្យស្នើសុំដីតាមគោលការណ៍ចែកដីធ្លីស្របច្បាប់ ដើម្បីស្នាក់នៅឍ បង្កបង្កើនផលកសិកម្មក្នុងស្រុកសេសាន៕

ភ្នំពេញៈសពស្រ្តីម្នាក់ត្រូវបានគេប្រទះឃើញដេកស្លាប់នៅក្នុងដីឡូត៍មួយកន្លែងគេសង្ស័យថាអាចជាករណីឃាតកម្មដែលត្រូវបានឃាតកវាយសម្លាប់។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោងជាង៧ព្រឹកថ្ងៃទី១០ ខែមីនា ឆ្នាំ២០២៥ ស្ថិតនៅដីឡូត៍ទុកចោលមួយកន្លែង ផ្លូវឧកញ៉ាឌីប៊ូ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។ ស្ត្រីរងគ្រោះនោះគេពុំទាន់ស្គាល់អត្តសញ្ញាណឡើយ មានអាយុប្រមាណជា ៣០ឆ្នាំ ហើយតាមសម្លៀកបំពាក់គេសង្ស័យថានារីរូបនោះជាមេការនៅភោជនីយដ្ឋានណាមួយ នៅលើខ្លួនមានស្នាមចាក់សាក់រូបស្លាប និងអក្សរ Oun leak នៅកំភួនដៃខាងស្ដាំ, មានស្នាមចាក់សាក់រូបផ្កានៅថ្លើមដៃខាងឆ្វេង, មានស្នាមចាក់សាក់រូបក្បាច់់នៅម្រាមកណ្តាលដៃខាងឆ្វេង។ តាមសាក្សីនៅកន្លែងកើតហេតុបានឲ្យដឹងថា នៅវេលាព្រឹកមានអ្នកដើរហាត់ប្រាណក៏ប្រទះឃើញស្ត្រីរូបនោះស្លាប់នៅក្នុងដីឡូត៍ទុកចោលមួយកន្លែងខាងលើ រួចក៏ប្រាប់ដល់អ្នកដំណើរនិងរាយការណ៍ទៅដល់សមត្ថកិច្ចបង្កឲ្យមានការភ្ញាក់ផ្អើលតែម្ដង។ តាមសាក្សីខ្លះបានឲ្យដឹងថា នៅវេលាទៀបភ្លឺគេឃើញមានម៉ូតូកង់បីមួយគ្រឿងជិះចូលទៅក្នុងបរិវេណខាងលើនិងមានការប្រតាយប្រតប់វាយទៅលើស្ត្រីរងគ្រោះ ក្រោយមកក៏គេចបាត់ទៅ តែពុំមាននរណាចាប់អារម្មណ៍ឡើយ។លុះព្រឹកឡើងក៏មានការភ្ញាក់ផ្អើលប្រទះឃើញស្ត្រីរងគ្រោះស្លាប់នៅក្នុងដីឡូត៍នោះតែម្ដង។ បន្ទាប់ពីមានការភ្ញាក់ផ្អើល នគរបាលមូលដ្ឋានបានចុះទៅហ៊ុមព័ទ្ធកន្លែងកើតហេតុនិងទាក់ទងទៅមន្ត្រីនគរបាលជំនាញដើម្បីចុះមកត្រួតពិនិត្យ។ ការពិនិត្យសាកសព នៅក្នុងហោប៉ៅសំពត់មានក្រវិលកំប៉ុងស្រាបៀរចំនួន៥, កូនសោម៉ូតូ១ កូនសោដែក២, លុយខ្មែរចំនួន៤៣៥០០រៀល។សាកសពមានស្នាមជាំភ្នែកទាំងសងខាង,ស្នាមជាំនៅលើផ្ទៃមុខទាំងសខាង។ តាមការត្រួតពនិត្យសាកសព លោកឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសលវិច័យអមតុលាការរាជធានីភ្នំពេញ បានសន្និដ្ឋានថា នារីរងគ្រោះបានស្លាប់ដោយវាយក្បាល និងខ្ទប់ដង្ហើម ដែលជាករណីឃាតកម្ម។ជុំវិញករណីឃាតកម្មនេះគេពុំដឹងថាស្ត្រីរងគ្រោះត្រូវបានឃាតកសម្លាប់ព្រោះរឿងគំនុំអ្វីឡើយ។ គេមានការសង្ស័យថាជនរងគ្រោះអាចមានទំនាក់ទំនងជាមួយនឹងឃាតករ ហើយត្រូវឃាតកវាយសម្លាប់រួចអូសយកទៅទម្លាក់ចោលនៅក្នុងដីឡូត៍ខាងលើ។ សាកសពត្រូវបាននគរបាលបញ្ជូនទៅតម្កល់នៅឈាបនដ្ឋានវត្តស្ទឹងមានជ័យដើម្បីស្រាវជ្រាវរកបងប្អូន៕ ដោយ៖ សហការី

ដោយ៖ ព្រះអង្គខ្មៅ បាត់ដំបង÷ ត្រីជាច្រើននៅក្នុងអូរ ក្នុងស្រុករតនមណ្ឌល បានពុលត្រដរខ្យល់រកកល់ងាប់ ពលរដ្ឋសង្ស័យដោយសារសារធាតុពុល បារម្ភប៉ះពាល់សុខភាព និងបាត់បង់មច្ឆជាតិ។ ប្រជាពលរដ្ឋនៅទីតាំងកើតហេតុបានអះអាងថា៖ ទឹកក្នុងអូរមានសភាពខុសប្លែកពីធម្មតា បានបណ្តាលឲ្យហ្វូងត្រីតូចធំ ពិសេសត្រីឆ្ពិន ចាប់ផ្តើមពុលស្រងើចាប់តាំងពីព្រលឹមមកម៉្លេះ ត្រីដែលប៉ះពាល់ពុលខ្លាំងអាចចុះចាប់បាន។ សភាពត្រីពុលខុសពីធម្មតាម្តងហើយម្តងទៀតនេះបានធ្វើឲ្យពួកគាត់ជាប្រជាកសិករមានការព្រួយបារម្ភពីការប៉ះពាល់ដល់ជីវចម្រុះនានា ការប្រើប្រាស់ទឹកយកមកទទួលទានជាដើម និងម៉្យាងទៀតខ្លាចបាត់បង់ពូជមច្ឆជាតិច្រើនប្រភេទផ្សេងៗទៀត។ ករណីត្រីក្នុងអូរធម្មជាតិមានសភាពស្រងើពុលបន្តបន្ទាប់នេះបានកើតឡើងនៅចំណុចម្តុំអូរត្រែង ក្នុងភូមិស្វាយ ស ឃុំត្រែង ស្រុករតនមណ្ឌល ខេត្តបាត់ដំបង។ ជុំវិញបាតុភាពនេះ លោក គុយ វណ្ណូ អភិបាលស្រុករតនមណ្ឌល បានបញ្ជាក់ឲ្យដឹងនៅថ្ងៃទី ១០ ខែមីនានេះថា÷ បញ្ហាខាងលើលោកបានចាត់ឲ្យមន្ត្រីឃុំរបស់លោកចុះទៅត្រួតពិនិត្យរួចហើយតាំងពីថ្ងៃទី ០៨ និងថ្ងៃទី ០៩ កន្លងមក លទ្ធផលបង្ហាញថា ដោយសារនៅអំឡុងពេលនោះមានទឹកភ្លៀងធ្លាក់ខ្លាំង ទើបមានបរិមាណទឹកភ្លៀងច្រើនស្រុងហូរពីទីខ្ពស់ចាក់ចូលទៅក្នុងអូរទើបបង្កជាបញ្ហាធ្វើឲ្យទឹកល្អក់រហូតនាំឲ្យត្រីមានសភាពពុលដូច្នេះ មិនមែនដោយសារទឹកស្អុយហូរមកពីរោងចក្រនោះទេ៕  

ដោយ៖ គង់ហេង កំពង់ចាម៖ អគ្គិភ័យដែលផ្តើមចេញពីការឆ្លងចរន្តអគ្គិសនី នៅក្រោយពីមានភ្លៀងមួយមេបានបំផ្លាញអស់ផ្ទះចំនួន ១៧ល្វែង របស់អាជីវករលក់ដូរ ដោយបូកសរុបការខូចខាត ទំនិញ និងរបស់របរអស់ជិត ពីរលានដុល្លារអាមេរិក។ ហេតុការណ៍គ្រោះថ្នាក់នេះ បានកើតឡើងនៅភូមិទី៨ សង្កាត់ ក្រុងកំពង់ចាម នៅម៉ោងប្រមាណជាង១១ យប់ថ្ងៃទី ៧ មីនា។ ដោយបង្ហាញពីការយកចិត្តទុកដាក់ពីសំណាក់កាកបាទក្រហមកម្ពុជា ឯកឧត្តម អ៊ុន ចាន់ដា ប្រធានសាខាកាកបាទក្រហមកម្ពុជា ខេត្តកំពង់ចាម រួមជាមួយសហការី នៅព្រឹកថ្ងៃ ទី៨ ខែមីនា នេះ បានអញ្ជើញចុះសួរសុខទុក្ខ និងនាំយកអំណោយមនុស្សធម៌ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្តល់ជូនអាជីវកររងគ្រោះលក់អាគុយ ម៉ូតូ កង់ ទាំង ១៧គ្រូសារ។ បើតាមការបញ្ជាក់របស់លោក ផ្លោក សុវណ្ណ ជាចៅសង្កាត់កំពង់ចាមថា៖ ផ្ទះអាជីវករទាំង ១៧ ល្វែង ដែលបានឆាបឆេះ ក្រោមកិច្ចអន្តរាគមន៍ពន្លត់ទប់ស្កាត់របស់ស្នងការនគរបាលខេត្ត មិនឱ្យឆេះរាលដាល បន្តទៀតនោះ បានប្រើប្រាស់រថយន្តពន្លត់អគ្គិភ័យប្រហែល ១០ […]

ដោយ : បន្ទាយ បន្ទាយមានជ័យ ៖ ការឆបោកតាមប្រព័ន្ធទូរសព្ទនិងឧក្រិដ្ឋកម្មតាមអ៊ីនធឺណិត(អនឡាញ) ដែលជនល្មើសបង្កក៏ជនជាតិចិន និងជនរងគ្រោះក៏ជាជនជាតិចិននោះ ពីមុនមកនិងបច្ចុប្បន្នបានជំរុញឲ្យក្រសួងសន្តិសុខសាធារណ:នៃសាធារណរដ្ឋប្រជាមានិតចិននិងក្រសួង ស្ថាប័ននៃអាជ្ញាធរ សមត្ថកិច្ចពាក់ព័ន្ធកម្ពុជាប្ដេជ្ញាសហប្រតិបត្តិការទប់ស្កាត់ បង្ក្រាបបទល្មើសឲ្យបានលទ្ធផលល្អឡើងវិញ មានប្រសិទ្ធភាពនិងប្រកបដោយការទទួលខុសត្រូវ ។នេះបើតាមមន្ត្រីបានឲ្យដឹងកាលពីថ្ងៃទី០៤ខែមីនាឆ្នាំ២០២៥ ។ សូមរំលឹកថា កាលពីចុងសប្តាហ៍មុននាខែមីនាឆ្នាំ២០២៥នេះ នៅសាលប្រជុំ ខ សាលាខេត្ត រដ្ឋបាលខេត្តបន្ទាយមានជ័យដឹកនាំដោយលោកអ៊ុំ រាត្រី អភិបាលនៃគណ:អភិបាលខេត្តបន្ទាយមានជ័យនិងសហការីបានទទួលជួបពិភាក្សារការងារសន្តិសុខស៊ីជម្រៅនៃបទល្មើសឆបោកតាមប្រព័ន្ធទូរគមននាគមន៍និងឧក្រិដ្ឋកម្មតាមអ៊ីនធឺណិត(អនឡាញ) ជាមួយប្រតិភូក្រសួងសន្តិសុខសាធារណ:នៃសាធារណរដ្ឋប្រជាមានិតចិន ដឹកនាំដោយលោកលៀវ ចុងយី ( Liu Zhongyi ) ឧបការីរដ្ឋមន្ត្រី លោកលោកលូ ស៊ានឌី (Lou Xiandi) អគ្គនាយកប្រឆាំងបទល្មើសតាមប្រព័ន្ធទូរគមនាគមន៍និងអ៊ិនធឺណែតនៃក្រសួងនេះព្រមទាំងសេនានុព័ន្ធស្ថានទូតចិនប្រចាំកម្ពជា ។ ប្រតិភូនេះ បន្តដំណើរទៅបំពេញការងារនៅវាលនិងខាងក្នុងនៃក្រុងប៉ោយប៉ែត រួមទាំងនៅច្រកព្រំដែនអន្តរជាតិប៉ោយប៉ែត – ខ្លងលឹក ក៏ដូចជាគោលដៅសំខាន់ៗមួយចំនួន។ លោក អ៊ុំ រាត្រី បានមានប្រសាសន៍ថា : សភាពការណ៍សន្តិសុខ សណ្ដាប់ធ្នាប់សាធារណៈ និងរបៀបរៀបរយសង្គមទាំងផ្ទៃក្នុងខេត្តនិងតាមតំបន់ព្រំដែនជាទូទៅនៅខេត្តបន្ទាយមានជ័យមានលក្ខណៈល្អប្រសើរ ។ជាព្រំដែនសន្តិភាព មានអំណោយផលល្អសម្រាប់ជីវភាពពលរដ្ឋនិសេដ្ឋកិច្ច សង្គមកិច្ច ។ […]

ដោយ : បន្ទាយ បន្ទាយមានជ័យ៖ នាពេលកន្លងមកថ្មីៗនេះ លោកឧត្តមសេនីយ៍ត្រី ង៉ាន់ ចិន្តា ស្នងការរងផែនការងារសណ្តាប់ធ្នាប់ បានដឹកនាំកម្លាំងការិយាល័យនគរបាលចរាចរណ៍ផ្លូវគោក សហការជាមួយកម្លាំងការិយាល័យនគរបាលប្រឆាំងគ្រឿងញៀន ចុះបើកប្រតិបត្តិការត្រួតពិនិត្យតេស្តរកសារធាតុញៀន តាមរយៈទឹកនោម លើអ្នកបើកបររថយន្តធុនធំ នៅលើកំណាត់ផ្លូវជាតិលេខ៥ ភូមិព្រែកល្ពៅ ឃុំឫស្សីក្រោក ស្រុកមង្គលបូរី។ នេះជាការអនុវត្តតាមការណែនាំនិងបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ។ មន្ត្រីនគរបាលបានឲ្យដឹងកាលពីថ្ងៃទី០៤ខែមីនា ឆ្នាំ២០២៥ ថា : ប្រតិបត្តិការនេះ កម្លាំងនគរបាលបានឃាត់រថយន្តធុនធំចំនួន៤៩គ្រឿង អ្នកបើកបរចំនួន៤៩នាក់ យកមកត្រួតពិនិត្យតេស្តរកសារធាតុញៀន តាមរយៈទឹកនោម លទ្ធផលបានបង្ហាញអវិជ្ជមាន គ្មានសារធាតុញៀន។ លោកឧត្តមសេនីយ៍ត្រី ង៉ាន់ ចិន្តា បានឲ្យដឹងថា : គោលបំណងនៃការចុះត្រួតពិនិត្យ និងធ្វើតេស្តរកសារធាតុញៀនលើអ្នកបើកបររថយន្តធុនធំ គឺនគរបាលយើងធ្វើឡើងដើម្បីធានាសុវត្ថិភាពចរាចរណ៍ និងកាត់បន្ថយអត្រាគ្រោះថ្នាក់ និងជាការបង្ការទប់ស្កាត់អ្នកបើកបរក្រោមឥទ្ធិពលសារធាតុញៀន គឺសំដៅធ្វើយ៉ាងណាឲ្យអត្រាគ្រោះថ្នាក់ចរាចរណ៍នៅកម្រិតទាបបំផុតតាមដែលអាចធ្វើបាន៕

 ដោយ៖ គង់ហេង ត្បូងឃ្មុំ៖ ដោយមានការអនុញ្ញាតពីលោក រ៉ា បូរ៉ាន់ឌី ជាព្រះរាជអាជ្ញារងអមសាលាដំបូងខេត្តត្បូងឃ្មុំ ឱ្យស្នងការនគរបាលខេត្តនេះ បានចាប់ខ្លួនបុរសចំនួនពីរនាក់ពីបទលួចមានស្ថានទម្ងន់ទោស និងឆែកឆេរលំនៅឋានពួកគេ នៅភូមិត្រមូង ឃុំត្រមូង ស្រុកមេមត់ ដើម្បីកសាងសំណុំរឿងតាមនីតិវិធី នៅថ្ងៃទី៥ មីនានេះ។ ប្រភពព័ត៌មានពីស្រុកមេមត់បានឱ្យដឹងថា៖ បុរសជាជនសង្ស័យទាំងពីរមានឈ្មោះ ខាន់ មាន អាយុ៣២ឆ្នាំ និងឈ្មោះ ខាន់ ណន ហៅលាន អាយុ២៧ឆ្នាំ  រស់នៅភូមិត្រមូង ឃុំត្រមូង ស្រុកមេមត់ ខេត្តត្បូងឃ្មុំ ជាមួយគ្នាបញ្ជូនមកអធិការដ្ឋាននគរបាលស្រុកមេមត់ ដើម្បីសាកសួរ។ បន្ទាប់មកជនរងគ្រោះមកដល់ឃើញស្គាល់ និងចំណាំថាជនសង្ស័យទាំង២នាក់ខាងលើពិតជាអ្នកប្រព្រឹត្តសកម្មភាពខាងលើពិតប្រាកដមែន។ ប្រភពព័ត៌មាននោះបានឱ្យដឹងទៀតថា៖ បន្ទាប់ពីការចាប់ខ្លួនជនសង្ស័យទាំងពីរនាក់ កម្លាំងសមត្ថកិច្ចបានចុះឆែកឆេរលំនៅឋានពួកគេខាងលើដោយបានរកឃើញម៉ូតូម៉ាកហុងដាសេ១២៥ មួយគ្រឿងរបស់ជនរងគ្រោះ , កាំបិតផ្គាក់ចំនួន០៣ដើម,ដាវចំនួន០២ដើម,កាំភ្លើងស្នប់(កែច្នៃ)ចំនួន០៤ដើម និងសម្ភារពាក់ព័ន្ធបទល្មើសមួយចំនួនទៀត។ ចំពោះសម្ភារខាងលើបញ្ជូនមកអធិការដ្ឋាននគរបាលស្រុកមេមត់ដើម្បីកសាងសំណុំរឿងតាមនីតិវិធី។ សូមបញ្ជាក់ថា នៅម៉ោងជាង៤ ទៀបភ្លឺថ្ងៃទី៥ មីនានេះនៅចំណុចលើផ្លូវជាតិ ស្ថិតនៅភូមិមេមង ឃុំមេមង ស្រុកមេមត់ ខេត្តត្បូងឃ្មុំ មានករណីលួចមានស្ថានទម្ងន់ទោសមួយបានកើតឡើង បង្កដោយជនសង្ស័យចំនួន២នាក់ មិនស្គាល់អត្តសញ្ញាណ បានធ្វើសកម្មភាពជិះម៉ូតូមួយគ្រឿងម៉ាកវេវឆ្លាម ពណ៌ខ្មៅ […]

ភ្នំពេញ៖ លោក ឃិត ឈឿន ដែលកំពុងទទួលរងនូវភាពអយុត្តិធម៌ ពាក់ព័ន្ធវិវាទដីមួយកន្លែង ដែលស្រ្តីម្នាក់ កាន់ក្រដាសមួយសន្លឹក អះអាងថា ជាម្ចាស់ដី ទាំងដែលដីនេះគឺលោក ឃិត ឈឿន បានទិញពីម្ចាស់ដើម តាំងពីឆ្នាំ២០១៧ មកម៉្លេះ។ ក្រោយទទួលរងនូវភាពអយុត្តិធម៌បែបនេះ លោក ឃិត ឈឿន ក្នុងនាមជាជនរងគ្រោះនោះ ក៏បានធ្វើលិខិត ស្នើសុំអន្តរាគមន៍ ទៅកាន់អាជ្ញាធរ ខេត្តកំពង់ស្ពឺ គ្រប់លំដាប់ថ្នាក់ មេត្តាជួយ រកយុត្តិធម៌ ឲ្យលោកផង។ នៅក្នុងលិខិតដែលលោក ឃិត ឈឿន សំណើសុំចុះអន្តរាគមន៍ ទប់ស្កាត់ ដោះស្រាយ ចំពោះអំពើបំពានដណ្តើមការកាន់កាប់ដីដោយខុសច្បាប់របស់ឈ្មោះ ហេង សុខា ភេទស្រី មានអាសយដ្ឋាននៅ ភូមិស្វាយក្រវ៉ាន់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ពាក់ព័ន្ធនឹងដីវិវាទ១កន្លែង ដែលមានទីតាំងនៅ ភូមិតាំងរបង ឃុំហោសំណំ ស្រុកឱរ៉ាល់ ខេត្តកំពង់ស្ពឺ មានវិញ្ញាបនបត្រសម្គាល់ម្ចាស់។ ក្នុងលិខិតដដែលនោះបន្តថា លោកបានទិញ ដី០១កន្លែងខាងលើ ពីម្ចាស់ដីដើម […]

ដោយ៖ កំចាយ កំពត÷ សិស្សវ័យជំទង់២នាក់ជាសាច់ញាតិនឹងគ្នាបានស្លាប់យ៉ាងអាណោចអាធ័មដោយសាររថយន្តប្រភេទបែនដីបុកម៉ូតូពេញទំហឹងពេលកំពុងធ្វើដំណើរបញ្ច្រាសទិសគ្នា។ ហេតុការណ៍នេះបានកើតឡើងកាលពីព្រឹកថ្ងៃទី៣ ខែមីនា ឆ្នាំ២០២៥ នៅលើដងផ្លូវជាតិលេខ៣១ ស្ថិតក្នុងភូមិបឹងធំខាងលិច ឃុំអង្គសុរភី ស្រុកកំពង់ត្រាច ខេត្តកំពត​។ លោកវរសេនីយ៍ត្រី ចែម ពិសី អធិការរងស្រុកកំពង់ត្រាចបានប្រាប់ឲ្យដឹងថា៖ ជនរងគ្រោះទាំង២នាក់ រួមមាន ១. ឈ្មោះគឹម សុខគីម ភេទប្រុស អាយុ ១៥ឆ្នាំ, ២. ឈ្មោះ គឹម វណ្ណា ភេទប្រុស អាយុ ១៦ឆ្នាំ។ ទាំង២នាក់ជាបងប្អូនជីដូនមួយនឹងគ្នា មានទីលំនៅភូមិច្រនៀងទេរ ឃុំភ្នំប្រាសាទ ស្រុកកំពង់ត្រាច ខេត្តកំពត។ លោកអធិការរងបានបញ្ជាក់បន្តទៀតថា៖ កាលពីវេលាម៉ោង៦ និង៣០នាទីព្រឹកថ្ងៃទី៣ ខែមីនា មានករណីគ្រោះថ្នាក់ចរាចរមួយបានកេីតនៅលើកំណាត់ផ្លូវជាតិលេខ៣១ ក្នុងទឹកដីភូមិបឹងធំខាងលិច ឃុំអង្គសុរភី រវាងម៉ូតូនិងរថយន្តបណ្តាលឲ្យសិស្ស២នាក់បានស្លាប់នៅនឹងកន្លែង។ មុនហេតុការណ៍កើតឡើង គេឃើញជនរងគ្រោះជិះម៉ូតូឌុបគ្នាក្នុងទិសដៅពីកើតទៅលិច។ លុះមកដល់ចំណុចបង្គោលគីឡូម៉ែត្រលេខ៥៣ ស្រាប់តែមានរថយន្តប្រភេទបែនដឹកបើកមកពីមុខ រួចបុកពេញទំហឹងបណ្តាលឲ្យម៉ូតូនិងអ្នកជិះខ្ទាតដេកដួលរដូករណែល ហើយក៏ស្លាប់ភ្លាមៗទាំង២នាក់តែម្តង។ ក្នុងស្ថានភាពបែបនោះ អ្នកបើកបរបានរត់គេចបាត់ដោយបន្សល់ទុករថយន្តដឹកដីម៉ាកនីសាន់ ពណ៌ខៀវ ពាក់ផ្លាកលេខចង្កូតស្តាំ PP-0028 […]