សេដ្ឋកិច្ច Archives - Page 3 of 8

ផលិតករទ្រូឈ្នាងអង្រុតអំពាវនាវដល់ផ្នែកពាក់ព័ន្ធជួយរកទីផ្សារដើម្បីបន្តរក្សាកេរដំណែលសម្បត្តិវប្បធម៌ខ្មែរ

ដោយ Mr Ratanak

February 4, 2025February 4, 2025

ដោយ៖កំចាយ កំពត÷ ដោយសារតែការលក់ផលិតផលស្ថិតនៅលើតម្លៃ និងកាលវេលាកំណត់របស់ឈ្មួញកណ្តាល អ្នកផលិតទ្រូ ឈ្នាង អង្រុត បានអំពាវនាវដល់គ្រប់ផ្នែកពាក់ព័ន្ធជួយរកទីផ្សារឲ្យទូលំទូលាយដើម្បីពួកគាត់មានកម្លាំងចិត្តថែរក្សាចំណេះជំនាញដែលជាកេរដំណែលសម្បត្តិវប្បធម៌ខ្មែរបន្តទៀត។ ស្ត្រីឈ្មោះ ស៊ន គឹម អាយុ ៤៣ឆ្នាំ កសិកររស់នៅភូមិស្រែសំរោង ឃុំស្រែសំរោង ស្រុកជុំគិរី ខេត្តកំពត បានរៀបរាប់ថា៖ ដោយទទួលបានការបណ្តុះបណ្តាលចំណេះជំនាញកាលពីឆ្នាំំ២០១៥ គាត់ និងប្តីក៏ចាប់យកមុខរបរធ្វើទ្រូ និងឈ្នាងដើម្បីបានប្រាក់កម្រៃផ្គត់ផ្គង់គ្រួសារ។ ទ្រូដែលពួកគាត់ធ្វើជាប្រភេទធំ គឺបណ្តោយ១,២០ម៉ែត មុខកាត់០,៤០ម៉ែត្រ និងបណ្តោយ០,៨០ម៉ែត្រ មុខកាត់០,២៥ម៉ែត្រ។ មួយថ្ងៃក្នុងម្នាក់ ពួកគាត់អាចធ្វើទ្រូ ឬឈ្នាងបានមួយដោយសម្រាកតែពេលដណ្តាំនិងហូបបាយប៉ុណ្ណោះ។ កសិករដដែលបានបញ្ជាក់ថា ទ្រូលក់បានថ្លៃតែរដូវវស្សាទេ គឺទំហំធំតម្លៃពី៣ម៉ឺនរៀលទៅ៣ម៉ឺន៥ពាន់រៀល ចំណែកប្រភេទតូចពី២ម៉ឺនរៀលទៅ២ម៉ឺន៥ពាន់រៀល។ ឯឈ្នាងថោកជាងទ្រូទើបគាត់មិនសូវធ្វើ។ ដោយឡែកខែវស្សា ប្រភេទទ្រូធំតម្លៃត្រឹម១ម៉ឺន២ពាន់រៀលទៅ១ម៉ឺន៥ពាន់រៀល និងប្រភេទតូចតម្លៃ៨ពាន់។ ស្រ្តី ស៊ន គឹម បានបន្តថា ទ្រូ និងឈ្នាង ឈ្មួញចុះមកប្រមូលទិញតែនៅខែវស្សា បើខែប្រាំងពិបាកលក់ណាស់។ ម្ល៉ោះហើយ ចាប់ពីចុងខែវស្សា ពួកគាត់ត្រឹមតែបិតបន្ទោះ រកកាប់វល្លិ ត្បាញប្រើស រួចរៀបចំទុកសម្រាប់ដំឡើងនៅមុនខែវស្សាចូលមកដល់។ ស្ត្រីដដែលបានអំពាវនាវថា ដើម្បីតម្លៃទ្រូ និងឈ្នាងប្រសើរជាងនេះ […]

ប្រទេសចិននឹងប្តឹងតវ៉ាពន្ធគយរបស់សហរដ្ឋអាមេរិកតាមរយៈអង្គការពាណិជ្ជកម្មពិភពលោក(WTO)

ដោយ M R

February 2, 2025February 2, 2025

ប្រែសម្រួល៖ស្រីនិច ប្រទេសចិននឹងប្តឹងតវ៉ាពន្ធគយរបស់សហរដ្ឋអាមេរិកតាមរយៈអង្គការពាណិជ្ជកម្មពិភពលោក (WTO) នេះបើយោងតាមសេចក្តីថ្លែងការណ៍របស់ក្រសួងពាណិជ្ជកម្មចិននៅថ្ងៃអាទិត្យ (ថ្ងៃទី២ ខែកុម្ភៈ)។ ក្រសួងបានថ្លែងក្នុងសេចក្តីថ្លែងការណ៍មួយថា ការដាក់ពន្ធគយដោយសហរដ្ឋអាមេរិក “រំលោភយ៉ាងធ្ងន់ធ្ងរ” លើច្បាប់របស់ WTO ដោយជំរុញឱ្យសហរដ្ឋអាមេរិក “ចូលរួមក្នុងការសន្ទនាដោយស្មោះត្រង់ និងពង្រឹងកិច្ចសហប្រតិបត្តិការ”។ លោកប្រធានាធិបតីសហរដ្ឋអាមេរិក ដូណាល់ ត្រាំ កាលពីថ្ងៃសៅរ៍បានចេញបញ្ជាឱ្យដាក់ពន្ធគយ ២៥ ភាគរយលើទំនិញនាំចូលពីប្រទេសកាណាដា និងម៉ិកស៊ិក និង ១០ ភាគរយលើទំនិញពីប្រទេសចិន ចាប់ពីថ្ងៃអង្គារ ដែលបង្កហានិភ័យនៃសង្គ្រាមពាណិជ្ជកម្មថ្មីមួយ ដែលអ្នកសេដ្ឋកិច្ចបាននិយាយថា អាចធ្វើឱ្យកំណើនសេដ្ឋកិច្ចពិភពលោកយឺតយ៉ាវ និងបង្កើនអតិផរណាឡើងវិញ។ ប្រទេសចិនបានថ្លែងថា ខ្លួន “ប្រឆាំងយ៉ាងម៉ឹងម៉ាត់” នឹងពន្ធគយថ្មីដែលដាក់លើប៉េកាំងដោយលោកត្រាំ ដោយប្តេជ្ញាថានឹងចាត់វិធានការតបតវិញដើម្បីការពារសិទ្ធិ និងផលប្រយោជន៍របស់ខ្លួន។ ក្នុងសេចក្តីថ្លែងការណ៍នៅថ្ងៃអាទិត្យ ក្រសួងពាណិជ្ជកម្មចិនក៏បានរិះគន់ “ការអនុវត្តខុសឆ្គង” របស់វ៉ាស៊ីនតោន ដោយថ្លែងថា ប៉េកាំង “មិនពេញចិត្តយ៉ាងខ្លាំង និងប្រឆាំងយ៉ាងម៉ឹងម៉ាត់”។ ក្រសួងបានបន្ថែមថា ពន្ធគយទាំងនេះ “មិនត្រឹមតែមិនជួយដោះស្រាយបញ្ហារបស់សហរដ្ឋអាមេរិកប៉ុណ្ណោះទេ ប៉ុន្តែថែមទាំងប៉ះពាល់ដល់កិច្ចសហប្រតិបត្តិការសេដ្ឋកិច្ច និងពាណិជ្ជកម្មធម្មតា”។ “ចិនសង្ឃឹមថា សហរដ្ឋអាមេរិកនឹងមើលឃើញ និងដោះស្រាយបញ្ហារបស់ខ្លួនដូចជាថ្នាំហ្វិនតានីល ដោយប្រកបដោយភាពវិជ្ជមាន និងសមហេតុផល ជាជាងការគំរាមកំហែងប្រទេសផ្សេងដោយប្រើពន្ធគយគ្រប់ពេល” នេះបើតាមការថ្លែងរបស់ក្រសួង។ […]

លោក Trump ដាក់ពន្ធគយលើប្រទេសម៉ិកស៊ិក កាណាដា និងចិន ដែលអាចបង្កឱ្យមានសង្គ្រាមពាណិជ្ជកម្ម

ដោយ M R

February 2, 2025February 2, 2025

ប្រែសម្រួល៖ ស្រីនិច លោកប្រធានាធិបតីអាមេរិក Donald Trump កាលពីថ្ងៃសៅរ៍ (ថ្ងៃទី១ ខែកុម្ភៈ) បានចេញបញ្ជាឱ្យដាក់ពន្ធគយ ២៥ ភាគរយលើទំនិញនាំចូលពីប្រទេសកាណាដា និងម៉ិកស៊ិក និង១០ ភាគរយលើទំនិញពីប្រទេសចិន ដែលនឹងចាប់ផ្តើមអនុវត្តនៅថ្ងៃអង្គារ ហើយបានប្រកាសថា វិធានការនេះនឹងនៅតែបន្តរហូតដល់បញ្ចប់គ្រាអាសន្នជាតិទាក់ទងនឹងថ្នាំញៀន fentanyl និងអន្តោប្រវេសន៍ខុសច្បាប់ចូលទៅសហរដ្ឋអាមេរិក។ ផលិតផលថាមពលពីប្រទេសកាណាដានឹងត្រូវបង់ពន្ធត្រឹមតែ១០ ភាគរយប៉ុណ្ណោះ ប៉ុន្តែការនាំចូលថាមពលពីប្រទេសម៉ិកស៊ិកនឹងត្រូវបង់ពន្ធពេញគឺ២៥ ភាគរយ នេះបើយោងតាមមន្ត្រីបានប្រាប់អ្នកសារព័ត៌មាន។ ឯកសារព័ត៌មានពីសេតវិមានស្តីពីពន្ធគយនេះបានឱ្យដឹងថា វានឹងនៅតែបន្តអនុវត្ត “រហូតដល់វិបត្តិនេះត្រូវបានកាត់បន្ថយ” ប៉ុន្តែមិនបានផ្តល់ព័ត៌មានលម្អិតអំពីវិធានការណាខ្លះដែលប្រទេសទាំងបីត្រូវធ្វើដើម្បីឱ្យមានការលើកលែងនោះទេ។ ជំហាននេះគឺជាការអនុវត្តការគំរាមកំហែងដែលលោក Trump បានធ្វើជាច្រើនដងចាប់តាំងពីឈ្នះការបោះឆ្នោតប្រធានាធិបតីកាលពីឆ្នាំមុន ហើយវាទំនងជានឹងបង្កឱ្យមានការសងសឹក និងហានិភ័យនៃការបង្កើតសង្គ្រាមពាណិជ្ជកម្មដែលអាចបង្កឱ្យមានការរំខានផ្នែកសេដ្ឋកិច្ចយ៉ាងទូលំទូលាយសម្រាប់ប្រទេសទាំងអស់ដែលពាក់ព័ន្ធ។ ប្រទេសទាំងបីនេះគឺជាដៃគូពាណិជ្ជកម្មកំពូលរបស់សហរដ្ឋអាមេរិក ដែលបង្កឱ្យមានការភ័យខ្លាចថា ពន្ធគយនេះនឹងនាំឱ្យមានការកើនឡើងថ្លៃទំនិញ។ មន្ត្រីខេត្ត និងថ្នាក់ដឹកនាំអាជីវកម្មនៅប្រទេសកាណាដាបានប្រតិកម្មដោយខឹងសម្បា ដោយអំពាវនាវឱ្យមានការដាក់ពន្ធគយយ៉ាងតឹងរឹងលើទំនិញនាំចូលពីសហរដ្ឋអាមេរិក។ មន្ត្រីជាន់ខ្ពស់ម្នាក់របស់ម៉ិកស៊ិកបាននិយាយថា ម៉ិកស៊ិកនឹងឆ្លើយតបដោយដាក់ពន្ធគយសងសឹក។ ការប្រមូលពន្ធគយត្រូវបានកំណត់ឱ្យចាប់ផ្តើមនៅម៉ោង ១២.០១ នាទីព្រឹក EST (០៥០១ GMT) នៅថ្ងៃអង្គារ យោងតាមបញ្ជាជាលាយលក្ខណ៍អក្សររបស់លោក Trump។ ប៉ុន្តែទំនិញនាំចូលដែលត្រូវបានដឹកជញ្ជូនតាមនាវា ឬតាមមធ្យោបាយដឹកជញ្ជូនចុងក្រោយមុនពេលចូលទៅសហរដ្ឋអាមេរិកមុនម៉ោង ១២.០១ នាទីព្រឹកថ្ងៃសៅរ៍ នឹងត្រូវបានលើកលែងពីពន្ធគយនេះ។ […]

លោក Trump អះអាងថា ពន្ធគយលើប្រេង និងឧស្ម័ននឹងចាប់ផ្តើមនៅថ្ងៃទី១៨ ខែកុម្ភៈនេះហើយ

ដោយ M R

February 1, 2025February 1, 2025

ប្រែសម្រួល៖ ស្រីនិច វ៉ាស៊ីនតោន៖ លោកប្រធានាធិបតី Donald Trump នៃសហរដ្ឋអាមេរិក បាននិយាយនៅថ្ងៃសុក្រថា លោករំពឹងថារដ្ឋបាលរបស់លោកនឹងដាក់ពន្ធគយទាក់ទងនឹងប្រេង និងឧស្ម័ននៅប្រហែលថ្ងៃទី១៨ ខែកុម្ភៈ ឆ្នាំ២០២៥។ លោកមិនបានបញ្ជាក់ពីប្រទេសជាក់លាក់ណាមួយដែលនឹងត្រូវរងផលប៉ះពាល់ដោយពន្ធគយនេះ ឬផ្តល់ព័ត៌មានលម្អិតបន្ថែមអំពីផែនការនេះទេ។ «យើងនឹងដាក់ពន្ធគយលើប្រេង និងឧស្ម័ន» លោក Trump បានប្រាប់អ្នកសារព័ត៌មាននៅក្នុងការិយាល័យរាងពងក្រពើនៃសេតវិមាន។ «រឿងនេះនឹងកើតឡើងក្នុងពេលឆាប់ៗនេះ ខ្ញុំគិតថាប្រហែលនៅថ្ងៃទី១៨ ខែកុម្ភៈ។» ប្រភព៖ Reuters

អូស្ត្រាលី ផ្តល់ជំនួយ២លានដុល្លារអូស្រ្តាលីសម្រាប់គម្រោងបោសសម្អាតមីន

ដោយ Mr Ratanak

January 30, 2025

ដោយ៖ សិរីមតី ភ្នំពេញ: ប្រទេសអូស្ត្រាលី បានផ្តល់ជំនួយ២លានដុល្លារអូស្រ្តាលីសម្រាប់គម្រោងបោសសម្អាតមីន។ កិច្ចព្រមព្រៀងថវិកាជំនួយរបស់ប្រទេសអូស្រ្តាលីសម្រាប់គម្រោងបោសសម្អាតមីនដើម្បីលទ្ធផលដំណាក់កាលទី៤(CFR4)នេះ បានត្រូវចុះហត្ថលេខាដោយឯកឧត្តម Derek Yip ឯកអគ្គរដ្ឋទូតអូស្រា្តលីប្រចាំនៅកម្ពុជា តំណាងក្រសួងពាណិជ្ជកម្មនិងការបរទេសអូស្រ្តាលី (DFAT) និងលោកស្រី Alissar Chaker តំណាងកម្មវិធីអភិវឌ្ឍន៍អង្គការសហប្រជាជាតិ (UNDP)ប្រចាំកម្ពុជា។ ពិធីចុះហត្ថលេខានារសៀលថ្ងៃទី៣០ ខែមករា ឆ្នាំ២០២៥ នៅទីស្នាក់ការអាជ្ញាធរមីន នេះ ប្រារព្ធធ្វើឡើងក្រោមវត្តមានឯកឧត្តមបណ្ឌិត លី ធុជ ទេសរដ្ឋមន្រ្តី អនុប្រធានទី១ អាជ្ញាធរមីនតំណាងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និងជាប្រធានអាជ្ញាធរមីន ។ ឯកឧត្តមបណ្ឌិត លី ធុជ បានថ្លែងកោតសរសើរចំពោះការរួមចំណែកបន្ថែមរបស់ប្រទេសអូស្រ្តាលី ចំនួន ២លានដុល្លារអូស្រ្តាលី ក្នុងវិស័យសកម្មភាពមីន ដែលពិតជាបានឆ្លើយតបនឹងការប្តេជ្ញាចិត្តយ៉ាងមុតមាំរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តី ក្នុងការដោះស្រាយបញ្ហាមីននៅកម្ពុជា ដែលជាមូលដ្ឋានគ្រឹះនៃគោលនយោបាយអភិវឌ្ឍន៍ជាតិ។ ឯកឧត្តមទេសរដ្ឋមន្ត្រី បានលើកឡើងថា:ប្រទេសកម្ពុជា ក្រោមការដឹកនាំរបស់សម្តេចធិបតី នៅតែបន្តរក្សាសន្ទុះ និងការខិតខំប្រឹងប្រែងយ៉ាងម៉ឺងម៉ាត់ចំពោះអនាគតកម្ពុជាមួយដែលគ្មានមីន ដើម្បីភាពរីកចម្រើនរបស់ប្រទេសជាតិ និងសុវត្ថិភាពរបស់ប្រជាជនកម្ពុជា។ ឯកឧត្តមទេសរដ្ឋមន្រ្តី […]

ក្រុមហ៊ុន World Bridge Groupបានចុះអនុស្សរណៈនៃការយោគយល់ជាមួយក្រុមហ៊ុនមកពីប៉ូឡូញស្វែងរកការវិនិយោគកែច្នៃអាហារ

ដោយ M R

January 27, 2025

ភ្នំពេញ ៖ ក្រុមហ៊ុន LipCo Foods ដែលជាក្រុមហ៊ុនកែច្នៃអាហារដ៏លេចធ្លោមួយមកពីប្រទេសប៉ូឡូញ និងក្រុមហ៊ុន WorldBridge Group ដែលជាក្រុមហ៊ុនឈានមុខគេក្នុងប្រទេសកម្ពុជា បានចុះហត្ថលេខាជាផ្លូវការលើអនុស្សរណៈនៃការយោគយល់គ្នា (MoU) ដើម្បីស្វែងរកការពិភាក្សា និងឱកាសសហការបន្ថែមទៀតនៅក្នុងវិស័យកែច្នៃអាហារ។ ពិធីចុះហត្ថលេខានេះ ធ្វើឡើងនៅថ្ងៃទី២៧ ខែមករា ឆ្នាំ២០២៥ នៅរាជធានីភ្នំពេញ ដោយមានថ្នាក់ដឹកនាំជាន់ខ្ពស់នៃភាគីទាំងពីរ ចូលរួមធ្វើជាសាក្សីក្នុងពិធីចុះហត្ថលេខានេះ ។ ក្រុមហ៊ុន LipCo Foods គឺជាក្រុមក្រុមហ៊ុនប៉ូឡូញឈានមុខគេដែលមានឯកទេសក្នុងការកែច្នៃម្ហូបអាហារ ដែលបង្កើតឡើងដោយការបង្រួបបង្រួមនៃម៉ាកផ្សេងៗ និងផ្នែកឯកទេសពីក្រោម SuperDrop និង CPF Poland Groups។ ក្រុមហ៊ុន LipCo Foods ផ្តល់ជូននូវផលិតផលម្ហូបអាហារដែលមានគុណភាពខ្ពស់ជាច្រើនប្រភេទ ដោយផ្តោតលើនិរន្តរភាព និងការពេញចិត្តរបស់អតិថិជននៅក្នុងទីផ្សារពិភពលោក ។ បច្ចុប្បន្នពួកគេគឺជាអ្នកផលិតដ៏ធំបំផុតមួយនៅអឺរ៉ុប និងធំជាងគេនៅក្នុងប្រទេសប៉ូឡូញ។ MoU នេះត្រូវបានចុះហត្ថលេខាដោយ លោក César Lipka នាយកប្រតិបត្តិនៃ ក្រុមហ៊ុន LipCo Foods និង អ្នកឧកញ៉ា សៀ ឫទ្ធី […]

អ្នកជំនួញល្បីឈ្មោះកម្ពុជាមួយរូប ចូលរួមក្នុងកិច្ចប្រជុំប្រចាំឆ្នាំ 2025 នៃវេទិកាសេដ្ឋកិច្ចពិភពលោកនៅប្រទេសស្វីស ផ្សព្វផ្សាយពីសក្ដានុពលវិនិយោគនៅកម្ពុជា

ដោយ Mr Ratanak

January 25, 2025

ទីក្រុងដាវ៉ូស ប្រទេសស្វីស ៖ អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាលនៃក្រុមហ៊ុន World Bridge Group បានចូលរួមក្នុងកិច្ចប្រជុំប្រចាំឆ្នាំ នៃវេទិកាសេដ្ឋកិច្ចពិភពលោកឆ្នាំ 2025 (WEF25) ដែលធ្វើឡើងចាប់ពីថ្ងៃទី ២០ ខែមករាដល់ថ្ងៃទី ២៣ ខែមករានៅទីក្រុង Davos ប្រទេសស្វីស ។ នៅក្នុងវេទិកា WEF25 បានលើកយកប្រធានបទសំខាន់ៗចំនួនប្រាំ មកធ្វើការពិភាក្សា រួមមាន៖ ឧស្សាហកម្មក្នុងយុគសម័យឆ្លាតវៃ, ការអភិវឌ្ឍមកកាន់មនុស្ស, ការកសាងទំនុកចិត្តឡើងវិញ, ការគិតឡើងវិញនៃកំណើន និង ការការពារភពផែនដី។ ប្រធានបទទាំងនេះឆ្លុះបញ្ចាំងពីការសន្ទនាជាសាកលដែលកំពុងដំណើរការអំពីរបៀបរុករកភាពស្មុគស្មាញ នៃពិភពលោកដែលផ្លាស់ប្តូរយ៉ាងឆាប់រហ័ស។ ទន្ទឹមនឹងនេះ អ្នកឧកញ៉ា សៀ ឫទ្ធី បានចូលរួមក្នុងសម័យប្រជុំសាធារណៈ និងឯកជនមួយចំនួនរួមទាំងសម័យប្រជុំជាមួយឯកឧត្តម Pham Minh Chinh នាយករដ្ឋមន្ត្រីនៃប្រទេសវៀតណាមផងដែរ។ ក្នុងអំឡុងពេលពិភាក្សាជាមួយនាយករដ្ឋមន្ត្រីវៀតណាម ការសន្ទនាបានផ្តោតលើការបញ្ចប់នៃមជ្ឈមណ្ឌលទិន្នន័យជាតិនាពេលខាងមុខនៅក្នុងខែមិថុនា។ បន្ថែមពីនេះ ក៏មានប្រធានបទគោលសំខាន់ចំនួនបួនទៀតត្រូវបានពិភាក្សាដែលត្រូវបានកំណត់ជាកត្តាចាំបាច់សម្រាប់យុគសម័យដ៏ឆ្លាតវៃ រួមមាន ស្ថិរភាពនយោបាយ, ការអភិវឌ្ឍសេដ្ឋកិច្ចឆាប់រហ័ស និងនិរន្តរភាព, បរិយាកាសដែលមានការធានា និងការប្តេជ្ញាចិត្ត […]

តម្លៃប្រេងធ្លាក់ចុះដោយសារការរំពឹងទុកថា Trump នឹងជំរុញការផ្គត់ផ្គង់ប្រេងឆៅ

ដោយ Mr Ratanak

January 24, 2025January 24, 2025

ប្រែសម្រួល៖ តារា ទីផ្សារប្រេងបានធ្លាក់ចុះកាលពីថ្ងៃសុក្រ មួយថ្ងៃបន្ទាប់ពីប្រធានាធិបតីសហរដ្ឋអាមេរិក Donald Trump បានដាក់សម្ពាធទៅលើ OPEC និងប្រទេសអារ៉ាប៊ីសាអូឌីត ដែលជាមេដឹកនាំជាក់ស្តែង ឱ្យបន្ថយតម្លៃក្នុងការជំរុញទូលំទូលាយដើម្បីបង្កើនផលិតកម្មប្រេងឆៅ។ ថ្លៃប្រេង Brent Crude Futures បានធ្លាក់ចុះ ៥០ សេន នៅត្រឹម ៧៧,៩៥ ដុល្លារក្នុងមួយបារ៉ែល នៅម៉ោង ០០:៤៤ GMT។ ប្រេង U.S. West Texas Intermediate (WTI) បានធ្លាក់ចុះ ៣១ សេន មកនៅត្រឹម ៧៤,៣១ ដុល្លារ។ លោក Trump ក្នុងសុន្ទរកថារបស់លោកកាលពីថ្ងៃព្រហស្បតិ៍នៅវេទិកាសេដ្ឋកិច្ចពិភពលោកនៅទីក្រុង Davos ប្រទេសស្វីស បាននិយាយថា លោកនឹងទាមទារឱ្យអង្គការប្រទេសនាំចេញប្រេង (OPEC) បន្ថយថ្លៃប្រេងឆៅ។ លោក Trump ក៏បាននិយាយថា លោកនឹងស្នើឱ្យទីក្រុងរីយ៉ាដបង្កើនកញ្ចប់វិនិយោគសហរដ្ឋអាមេរិកដល់ ១ ទ្រីលានដុល្លារ កើនពី ៦០០ ប៊ីលានដុល្លារ ដែលទីភ្នាក់ងារព័ត៌មានរដ្ឋអារ៉ាប៊ីសាអូឌីតបានរាយការណ៍កាលពីពេលមុននៅថ្ងៃនោះ។ […]

អ្នកខេត្តសៀមរាប ម្នាក់ទៀតហើយ ត្រូវរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ដោយ M R

January 23, 2025January 23, 2025

ភ្នំពេញ ៖ ស្ត្រីម្នាក់ដែលប្រជាពលរដ្ឋរស់នៅក្នុងតំបន់អភិវឌ្ឍន៍ថ្មី ភូមិត្មាតពង ឃុំរុនតាឯក ស្រុកបន្ទាយស្រី ខេត្តសៀមរាប មានសំណាងបានឈ្នះរង្វាន់ធំពីភេសជ្ជៈប៉ូវកម្លាំង ខារ៉ាបាវ នូវទឹកប្រាក់សុទ្ធចំនួន ១២៥លានរៀល បន្ទាប់ពីទិញភេសជ្ជៈ ខារ៉ាបាវ ចំនួន១កំប៉ុងទទួលទានក្រោយពេលហត់នឿយពីការងារ។ ស្ត្រីដែលមានសំណាងរូបនេះមានឈ្មោះ ឌិន សារ៉ោង អាយុ ៣៣ឆ្នាំ បច្ចុប្បន្នមានមុខរបរជាអ្នកចាក់ស្មុគលក់នៅក្នុងមូលដ្ឋាន និងមានគ្រួសារជាអ្នកលាងសម្អាងអាងហែលទឹកនៅសណ្ឋាគារមួយកន្លែងក្នុងក្រុងសៀមរាប។ នៅចំពោះមុខក្រុមការងារដែលយកទឹកប្រាក់រង្វាន់ប្រគល់ជូនដល់លំនៅដ្ឋាន អ្នកនាង ឌិន សារ៉ោង បានប្រាប់ឱ្យដឹងថា បច្ចុប្បន្ននេះ កម្រិតជីវភាពគ្រួសារគឺមានភាពខ្វះខាតខ្លាំង ព្រោះគ្មានមុខរបរអ្វីក្រៅពីចាក់ស្មុគស្លឹកត្នោតលក់នៅក្នុងមូលដ្ឋាន ដោយក្នុងមួយថ្ងៃបានចំណូលត្រឹម ៨ពាន់រៀល ហើយប្រាក់ខែដែលទទួលបានពីប្ដីត្រឹមជាង ២០០ដុល្លារតែប៉ុណ្ណោះ ខណៈដែលបន្ទុកនៅក្នុងគ្រួសារមានកូនតូចចំនួន២នាក់ និងមានម្ដាយរស់នៅជាមួយផងដែរ។ ដោយឡែក សម្រាប់ការត្រូវរង្វាន់ធំពីភេសជ្ជៈ ខារ៉ាបាវ ត្រូវបានអ្នកនាងប្រាប់ឱ្យដឹងថា គឺជារឿងដែលស្មានមិនដល់ ដោយកាលពីសប្ដាហ៍កន្លងទៅនេះ ក្រោយពេលរៀបចំស្មុគសម្រាប់លក់ឱ្យម៉ូយរួច នៅវេលាប្រមាណម៉ោង ៦ល្ងាច អ្នកនាងក៏ទិញភេសជ្ជៈប៉ូវកម្លាំងខារ៉ាបាវ ១កំប៉ុងពីអ្នកលក់ដែលនៅក្បែរផ្ទះទទួលទាន លុះពេលគាស់ក៏ឃើញមានរង្វាន់១២៥លានរៀលនៅនឹងក្រវិលកំប៉ុងតែម្ដង។ ក្រោយពេលបានឃើញរង្វាន់ធំភ្លាម អ្នកនាងបានស្រែកប្រាប់ម្ដាយ និងបងប្អូននៅជិតខាងឱ្យជួយពិនិត្យមើល ហើយក៏ទូរស័ព្ទជូនដំណឹងដល់ក្រុមហ៊ុនតែម្ដង។ ក្រោយពេលទទួលបានប្រាក់រង្វាន់ធំពីភេសជ្ជៈប៉ូវកម្លាំងខារ៉ាបាវ ១២៥លានរៀលនេះ អ្នកនាងនឹងយកមួយចំនួនសងបំណុលគេ និងជួសជុលផ្ទះឱ្យបានសមរម្យជាងសព្វថ្ងៃ […]

Xiaomi សម្ពោធ Redmi Note 14 Series បច្ចេកវិទ្យាថតរូបកម្រិតខ្ពស់ជាមួយភាពធន់មាំលំដាប់កំពូល

ដោយ Mr Ratanak

January 22, 2025January 22, 2025

ទីក្រុងភ្នំពេញ ប្រទេសកម្ពុជា, នាថ្ងៃទី19 ខែមករា ឆ្នាំ2025 – Xiaomi ជាក្រុមហ៊ុនឧស្សាហកម្មផ្នែក ទូរស័ព្ទទំនើប និង អេឡិចត្រូនិកដ៏ឆ្លាតវៃ ដែលតភ្ជាប់ដោយ IoT ដែលជាស្នូលរបស់ខ្លួន។ ថ្ងៃនេះផងដែរ Xiaomi ប្រចាំប្រទេសកម្ពុជាបានប្រកាសចេញលក់ ម៉ូឌែល Redmi Note 14 Series ស៊េរីចុងក្រោយមានសមាជិកចំនួន 4 ដែលនាំត្រកូល Redmi Note ទៅកាន់កម្រិតមួយដ៏អស្ចារ្យរួមមាន៖ Redmi Note 14 Pro+ 5G, Redmi Note 14 Pro 5G, Redmi Note 14 Pro និង កូនពៅ Redmi Note 14។ ចំណុចដែលមិនគួរមើលរំលងនោះគឺ កាមេរ៉ា AI រហូតដល់ 200 មេហ្កាភិចសែលកម្រិតខ្ពស់ គ្រឿងបរិក្ខារកម្រិតធន់មាំលំដាប់កំពូល និងបទពិសោធន៍ដ៏គួរឱ្យចាប់អារម្មណ៍របស់ […]

អ្នកវិនិយោគមកពីប្រទេសចិនបានចាប់អារម្មណ៍យ៉ាងខ្លាំងពីឱកាសវិនិយោគនៅកម្ពុជា

ដោយ Mr Ratanak

January 20, 2025

ដោយ៖ស–សម្បត្តិ សមាគមពាណិជ្ជកម្មនិងឧស្សាហកម្មកម្ពុជា-ចិនក្វាងទុងនិងសមាគមមួយចំនួនទៀតនៅកម្ពុជា បានជួបជាមួយសមាគមតាមេគង្គដែលបានដឹកនាំអ្នកវិនិយោគជាច្រើនរូបមកពីប្រទេសចិនដើម្បីមកពិភាក្សាក្នុងការស្វែងរកឱកាសវិនិយោគនៅលើទឹកដីកម្ពុជា។ ជំនួបពិភាក្សាដ៏មានសារសំខាន់ រវាងសមាគមពាណិជ្ជកម្មនិងឧស្សាហកម្មកម្ពុជា-ចិនក្វាងទុងនិងគណៈប្រតិភូវិនិយោគិនចិននេះ គឺបានធ្វើឡើងនៅស្នាក់ការរបស់ សមគមសហព័ន្ធភ្នាក់ងារសេវាកម្មពន្ធដារកម្ពុជា( CTAFA) នៅបុរីអរគីដេ កាលពីព្រឹកថ្ងៃទី១៩ ខែមករា ឆ្នាំ២០២៥។ លោក ណែម ឌីណា ប្រធានសមាគមពាណិជ្ជកម្មនិងឧស្សាហកម្មកម្ពុជា-ចិនក្វាងទុង បានបញ្ជាក់ជូន គណៈប្រតិភូអ្នកវិនិយោគមកពីប្រទេសចិននូវឱកាសដ៏ល្អសម្រាប់ការធ្វើអាជីវកម្ម និងសក្តានុពលផ្នែកសេដ្ឋកិច្ច និងភាពអំណោយផលជាច្រើនទៀត សម្រាប់ការវិនិយោគនៅប្រទេសកម្ពុជា។ លោក យន ម៉ាលីឆេង ទីប្រឹក្សាសមាគមពាណិជ្ជកម្ម និងឧស្សាហកម្មកម្ពុជា-ចិនក្វាងទុង ក៏បានឡើងធ្វើបទបង្ហាញស៊ីជម្រៅពីបញ្ហាសំខាន់ៗ។ក្នុងនោះមានដូចជាស្ថានភាពអំណោយផលជាក់ស្តែងនៅកម្ពុជាដែលវិនិយោគិនចិនអាចចាប់យកឱកាសវិនិយោគទៅលើវិស័យផ្សេងៗបានយ៉ាងងាយស្រួលបំផុតនៅកម្ពុជា។ លោក យន ម៉ាលីឆេង ក៏បានលើកឡើងផងដែរអំពីទិដ្ឋភាពផ្លូវច្បាប់ពាក់ព័ន្ធនឹងការវិនិយោគនៅកម្ពុជា។លើសពីនោះទៅទៀត លោកក៏បានលើកឡើងពីល័ក្ខខ័ណ្ឌងាយស្រូសជាច្រើនដែលកម្ពុជាមាន និងយន្តការគាំទ្រលើកទឹកចិត្តយ៉ាងច្រើនពីសំណាក់រាជរដ្ឋាភិបាលកម្ពុជាធ្វើឡើងចំពោះអ្នកវិនិយោគ។ រីឯភាគីអ្នកវិយោគចិនវិញគឺហាក់ដូចជាមានការចាប់អារម្មណ៍យ៉ាងខ្លាំងទៅលើវិស័យជាច្រើនដែលអាចនឹងបោះទុនវិនិយោគនៅកម្ពុជា នាពេលខាងមុខ។ ក្នុងនោះមានដូចជាការកែច្នៃផលិតគ្រឿងប្រើប្រាស់ប្រចាំថ្ងៃ ផលិតគ្រឿងអលង្ការ ការកែច្នៃផលិតផលពីប្រេង វិស័យដឹកជញ្ជូនគ្រប់ប្រភេទ និងសេវាកម្មផ្នែកកម្សាន្តដូចជានៅខេត្តព្រះសីហនុជាដើម។ ជាងនេះទៅទៀតខាងចិនចង់វិនិយោគទៅលើបច្ចេកវិទ្យាដ្រូនសម្រាប់ប្រើប្រាស់នៅក្នុងការសង្គ្រោះបន្ទាន់ពេលមានគ្រោះមហន្តរាយធម្មជាតិ ឬគ្រោះថ្នាក់ផ្សេងៗ សំខាន់ជាងនេះទៅទៀតគឺប្រើប្រាស់នៅក្នុងវិស័យកសិកម្មនៅកម្ពុជា។ លោក ណែម ឌីណា ប្រធានសមាគម ពាណិជ្ជកម្មនិងឧស្សាហកម្មកម្ពុជា-ចិនក្វាងទុង ដែលតែងតែបានខិតខំជំរុញនិងកៀរគរអ្នកវិនិយោគចិនឲ្យមកវិនិយោគនៅកម្ពុជានោះ បានបញ្ជាក់បន្ថែមយ៉ាងដូច្នេះថា ជំនួបនេះគឺសំខាន់ណាស់ ព្រោះបានធ្វើឲ្យអ្នកវិនិយោគគេបានដឹងបានឃើញដោយផ្ទាល់ពីសក្តានុពលក៏ដូចជាឱកាសសំខាន់សម្រាប់គេចូលមកវិនិយោគនៅកម្ពុជា។ លោក តៃ លីន(Dai […]

ខុនដូនៅក្នុងគម្រោងភូមិកីឡដ្ឋានវើលដ៍ប៊្រីដ ត្រូវបានអ្នកវិនិយោគមួយក្រុមទិញយកអស់ហើយ

ដោយ Mr Ratanak

January 18, 2025January 18, 2025

ដោយ៖សហការី ភ្នំពេញ ៖ ថ្នាក់ដឹកនាំក្រុមហ៊ុន វើលដ៍ប៊្រីដ គ្រុប បានអះអាងថា មកទល់នឹងពេលនេះអគារខុនដូនៅក្នុងគម្រោងភូមិកីឡដ្ឋានវើលដ៍ប៊្រីដ ត្រូវបានអ្នកវិនិយោគចរចាទិញអស់ហើយ បន្ទាប់ពីបើកលក់អស់រយៈពេលជាង១ឆ្នាំ ពោលគឺបន្ទាប់ពីចប់ព្រឹត្តិការណ៍កីឡាស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះកាលពីអំឡុងខែឧសភា ឆ្នាំ២០២៣ កន្លងទៅ ។ អ្នកឧកញ៉ាសៀ ឫទ្ធី ប្រធានក្រុមប្រឹក្សាភិបាលក្រុមហ៊ុន វើលដ៏ ប្រ៊ីដ គ្រុប បានមានប្រសាសន៍ថា ក្រៅពីខុនដូ គម្រោងដែលអភិវឌ្ឍន៍លើផ្ទៃដីជាង៦ហិកតានេះ ក៏មានផ្ទះអាជីវកម្ម ផ្ទះវីឡា ផ្ទះថោនហៅស៍ និងផ្ទះរ៉ូហៅស៍ចំនួន២៦៥ខ្នង ដែលបាននិងកំពុងបើកលក់ និងប្រគល់ផ្ទះជូនដល់អតិថិជនជាបណ្តើរៗផងដែរ។ ថ្នាក់ដឹកនាំក្រុមហ៊ុនវើលដ៍ប៊្រីដ គ្រុប ជឿជាក់ថា ភូមិកីឡដ្ឋានវើលដ៍ប៊្រីដ នឹងក្លាយជាតំបន់ពាណិជ្ជកម្មដ៏មានសក្តានុពលមួយរបស់កម្ពុជានាពេលអនាគត ដ្បិតនៅតំបន់ហ៊ុមព័ទ្ធដោយសាលារៀន ផ្សារទំនើប មន្ទីរពេទ្យ កន្លែងកម្សាន្ត សណ្ឋាគារលំដាប់ផ្កាយ៥ និងក្រសួងស្ថាប័នរបស់រដ្ឋជាច្រើនទៀត។ អ្នកឧកញ៉ា បានគូសបញ្ជាក់ថា ក្រោយបើកលក់អស់រយៈពេលជាង១ឆ្នាំកន្លងមកនេះ អគារខុនដូនៅក្នុងគម្រោងភូមិកីឡដ្ឋានវើលដ៍ប៊្រីដ ត្រូវបានលក់ឱ្យវិនិយោគិនអស់ហើយនៅសប្តាហ៏នេះ ក៏ប៉ុន្តែអ្នកវិនិយោគិននោះបង់ប្រាក់ជូនក្រុមហ៊ុនលោកជាដំណាក់កាលប៉ុណ្ណោះ។ តែយ៉ាងណា អ្នកឧកញ៉ា ទទួលស្គាល់ថា ការលក់ខុនដូ និងផ្ទះផ្សេងៗនៅក្នុងគម្រោងនេះហាក់មានភាពយឺតយ៉ាវជាងអ្វីដែលអ្នកឧកញ៉ាចង់បាន ព្រោះនៅក្នុងអំឡុងពេលបើកលក់គម្រោងនេះបន្ទាប់ពីចប់ព្រឹត្តិការណ៍កីឡាស៊ីហ្គេមឆ្នាំ២០២៣ ទីផ្សារអចលនទ្រព្យនៅកម្ពុជាហាក់មានសភាពទ្រឹង ដោយសារកត្តាសេដ្ឋកិច្ច […]

សមាគមសហគ្រិនវីម៉ូ(VMOVE)នៅកម្ពុជាដែលមានឯកឧត្តមសួនម៉ិជាប្រធានបានរៀបចំការជួបជុំម្ចាស់អាជីវកម្មនិងចុះអនុស្សរណៈជាមួយដៃគូបរទេស

ដោយ Mr Ratanak

January 17, 2025January 18, 2025

ដោយ៖ប្រសិទ្ធ ភ្នំពេញ៖ សមាគមសហគ្រិនវីម៉ូនៅកម្ពុជាបានរៀបចំកម្មវិធីជួបជុំជាមួយម្ចាស់អាជីវកម្មក្នុងប្រទេស និងអន្តរជាតិ ព្រមទាំងចុះអនុស្សរណៈ (MOU) យោគយល់ជាមួយដៃគូថ្មី ដើម្បីឈានទៅពង្រីកនិងពង្រឹងអាជីវកម្មដល់សមាជិករបស់ខ្លួន។ កម្មវិធីនេះធ្វើឡើងនាថ្ងៃទី១៧ ខែមករា ឆ្នាំ២០២៥ នៅអគារ Ur Hobby House ក្នុងរាជធានីភ្នំពេញ។ នៅក្នុងជំនួបម្ចាស់អាជីវកម្មជាតិ និងអន្តរជាតិ ព្រមទាំងពិធីចុះអនុស្សរណៈយោគយល់គ្នា (MOU) រវាងសមាគមសហគ្រិនវីម៉ូនៅកម្ពុជា (VMOVE) និង iblooming មានអ្នកចូលរួមប្រមាណជិត ៥០ នាក់ និងមានម្ចាស់អាជីវកម្មមកពី ៥ប្រទេស មានដូចជា ចិន, តៃវ៉ាន់, សាំងហ្គាពួរ, ម៉ាឡេស៊ី និងឥណ្ឌូនេស៊ី ដើម្បីមកឈ្វេងយល់បន្ថែមពីសក្តានុពលក៏ដូចជាការធ្វើអាជីវកម្មនៅកម្ពុជា។ ឯកឧត្តម សួន ម៉ិ ប្រធានសមាគមសហគ្រិនវិម៉ូនៅកម្ពុជា បានមានប្រសាសន៍បញ្ជាក់ថា សមាគនេះមមានចក្ខុវិស័យ ទស្សនវិស័យ មានផែនការអាជីវកម្មច្បាស់លាស់ និងមានផ្លែតហ្វម១ ដែលជួយ និងជំរុញដល់ម្ចាស់អាជីវកម្ម ពិសេសសមាជិកឲ្យទទួលបានភាពរីកចម្រើននៅក្នុងអាជីវកម្មរបស់ខ្លួន។ ចក្ខុវិស័យរបស់សមាគមមាន ៣ គឺ ១ ជំរុញប្រមូលផ្ដុំ កៀរគរម្ចាស់អាជីវកម្ម ជួបគ្នាជួយគ្នា, […]

ក្រុមហ៊ុនខ្មែរហ្គ្រីនឆាលខូលចាប់ដៃគូសហការថ្មីដើម្បីបង្កើនការផលិតធ្យូងសុខភាពសម្រាប់ផ្គត់ផ្គង់តម្រូវការទីផ្សារក្នុងស្រុកនិងការនាំចេញ

ដោយ Mr Ratanak

January 16, 2025January 16, 2025

ដោយ៖ប្រសិទ្ធ ភ្នំពេញ៖ ក្រុមហ៊ុន ខ្មែរហ្គ្រីន ឆាខូល(Khmer Green Charcoal – KGC) ឯ.ក បានចាប់ដៃគូសហការថ្មីជាមួយនឹងក្រុមហ៊ុន ហេរីធេច គ្រុប ឯ.ក ដើម្បីឈានទៅបង្កើនការផលិតធ្យូងអនាម័យសុខភាពនៅកម្ពុជាសម្រាប់ផ្គត់ផ្គង់ឲ្យការប្រើប្រាស់ក្នុងស្រុក និងនាំចេញទៅកាន់ទីផ្សារក្រៅប្រទេស។ ក្រុមហ៊ុន ខ្មែរហ្គ្រីន ឆាលខូល ឯ.ក គឺជាក្រុមហ៊ុនដ៏ធំមួយនិងដំបូងគេនៅកម្ពុជា ដែលបានកែច្នៃផលិតធ្យូងអនាម័យគិតគូរទៅដល់សុខភាពអ្នកប្រើប្រាស់និងបរិស្ថាន។ នាល្ងាចថ្ងៃទី១៥ ខែមករា ឆ្នាំ២០២៥ នេះ នៅទីស្នាក់ការសហគ្រិនខ្មែរស្ថិតនៅអគារប៊ីឌីស៊ី(BDC)ជាន់ទី៩ ក្នុងខណ្ឌជ្រោយចង្វា រាជធានីភ្នំពេញបានរៀបចំពិធីចុះហត្ថលេខាវិនិយោគរួមគ្នា រវាងក្រុមហ៊ុន ហេរីធេច គ្រុប ឯ.ក និង ខ្មែរហ្គ្រីន ឆាលខូល ឯ.ក ដើម្បីធ្វើយ៉ាងណាពង្រឹង និងពង្រីកការផលិត ផលិតផលរបស់ខ្លួនឲ្យបានកាន់តែច្រើន សម្រាប់ការចែកចាយក្នុងស្រុក និងនាំចេញទៅកាន់ក្រៅប្រទេស ដើម្បីបំពេញតម្រូវការទីផ្សារអតិថិជន ដែលកំពុងតែមានការកើនឡើងជាលំដាប់។ លោក ជុំ វិចិត្ត ជាអគ្គនាយកក្រុមហ៊ុន ខ្មែរហ្គ្រីន ឆាលខូល ឯ.ក បានបញ្ជាក់ឲ្យដឹងថា គោលបំណងសំខាន់នៃការចុះអនុស្សរណៈយោគយល់គ្នាក្នុងការវិនិយោគនេះ គឺដើម្បីឲ្យពិភពលោកបានស្គាល់ពីកម្ពុជា ថាកម្ពុជាក៏អាចមានសមត្ថភាពផលិតធ្យូងធម្មជាតិបានដែរ […]

អបអរបុណ្យចូលឆ្នាំចិនជាមួយការផ្តល់ជូនដ៏អស្ចារ្យនៅណាហ្គាវើលដ៍

ដោយ Mr Ratanak

January 16, 2025

ដោយ៖សិរីមតី ភ្នំពេញ ៖ ដើម្បីអបអរពិធីបុណ្យចូលឆ្នាំថ្មីប្រពៃណីចិននាពេលខាងមុខ ណាហ្គាវើលដ៍ ចាប់ពីថ្ងៃទី១៥ ខែមករា រហូតដល់ថ្ងៃទី១៥ ខែកុម្ភៈ ឆ្នាំ២០២៥ មានបម្រើ ម្ហូបសុភមង្គល ម្ហូបនាំលាភ ម្ហូបមហាសម្បត្តិ សេវាកម្មស្ប៉ាសម្រាប់សុខភាព ការតុបតែងលម្អដ៏ប្រណីត ការសម្តែងសិល្បៈ និងការផ្តល់ជូនជាច្រើនទៀត។ ណាហ្គាវើលដ៍ មានបម្រើជូនមុខម្ហូបប្រពៃណីចិនដ៏សម្បូរបែបក្នុងឱកាសបុណ្យចូលឆ្នាំចិននេះ។ នៅភោជនីយដ្ឋានចិន Fortune Palace មានខឈ្លើងសមុទ្រជាមួយសាច់ក្តាម និងគ្រំសមុទ្រក្នុងទឹកស៊ុប ខសាច់ជ្រូកបីជាន់ និងត្រីតុកកែចម្អិនពីររសជាតិដែលមានជាមុខម្ហូបដាច់ដោយឡែក ឬជាឈុត តម្លៃចាប់ពី ២៣៥.០០០៛ ក្នុងម្នាក់សម្រាប់គ្នាយ៉ាងតិច ៥ នាក់។ រីឯម្ហូបបែបប្រណីតដូចជា កូនជ្រូកខ្វៃ អយស្ទ័រខជាមួយអណ្តាតជ្រូក និងសារាយសមុទ្រ ថ្លើមក្ងានជាមួយប្រហិតបង្គា និងសាច់មាន់បំពងស្រួយជាមួយបង្គាស្រស់ មានបម្រើជូននៅភោជនីយដ្ឋានចិន Hall of Golden Chimes ។ ណាហ្គាវើលដ៍ ក៏មានម្ហូបឈុតពិសេសផងដែរ តម្លៃចាប់ពី ១.៤៧២.០០០៛ សម្រាប់ ៦ នាក់ រហូតដល់ ៣.៥៥២.០០០៛ សម្រាប់ […]

សំណូមពរកសិករគឺចង់ឲ្យតម្លៃស្រូវរដូវវស្សាថ្លៃលើស១.០០០រៀល/គ.ក្រ,បើថ្លៃក្រោម១.០០០រៀល/គ.ក្រ គឺខាតហើយ, មន្ត្រីថាសូមកសិករកុំជ្រើសរើសពូជខុស

ដោយ Mr Ratanak

January 16, 2025

ដោយ : បន្ទាយ បាត់ដំបង : សំណូមពរកសិករគឺចង់ឲ្យតម្លៃស្រូវរដូវវស្សាទោះពូជស្រូវអីក៏ដោយ បើថ្លៃលើស១.០០០រៀល/គក្រ ។ បើថ្លៃក្រោម១.០០០រៀល/ គីឡូក្រាម គឺខាតហើយ ។ ប៉ុន្តែមន្ត្រីអាជ្ញាធរនិងជំនាញថា ថ្លៃស្រូវមានកម្រិតខុសៗគ្នាទៅតាមពូជ ប្រភេទនិងគុណភាពវា មិនអាចមានតម្លៃលើស១.០០០រៀល/គីឡូក្រាម ដូចៗគ្នានោះឡើយ ។ ប្រតិកម្មមន្ត្រីដូចខាងលើនៅខេត្តបន្ទាយមានជ័យនិងបាត់ដំបងបែបនេះកាលពីថ្ងៃទី១៥ខែមករាឆ្នាំ២០២៥ បន្ទប់ពីមានហ្វូងកសិករជាច្រើននាក់នៅក្នុងឃុំព្រៃតូច ស្រុកមោងឫស្សី បានលើកគ្នាយកគោយន្តដឹកការុងគ្រាប់ស្រូវរដូវវស្សាមកបិទចរាចរណ៍ប្រមាណតែ១០នាទីនៅចំណុចកំណាត់ផ្លូវជាតិលេខ៥ នៅភូមិព្រៃឫស្សី ក្នុងឃុំព្រៃតូច ស្រុកមោងឫស្សី ខេត្តបាត់ដំបង កាលពីថ្ងៃទី១៣ ខែមករា ឆ្នាំ២០២៥ ។ បើយោងប្រជាកសិករតវ៉ាបានឲ្យដឹងថា៖ ពួកខ្លួនមិនមែនជាក្រុមមាននិន្នាការប្រឆាំងនោះទេ ប៉ុន្តែបានលើកគ្នាមកសំណូមពរឲ្យស្នើសុំដល់មន្ត្រីថ្នាក់ដឹកនាំ និងមន្ត្រីជំនាញឲ្យជួយអន្តរាគមន៍ដំឡើងថ្លៃស្រូវ ខណៈបច្ចុប្បន្នធ្លាក់ទាបមិនរួចថ្លៃដើម។ ពួកគេលើកគ្នាបានស្រែកបន្លឺឡើងទទូចសុំឲ្យក្រសួងកសិកម្ម(តាមពិតជំនាញនេះ ទទួលខាងការផលិតស្រូវនិងផលិតផលកសិកម្ម .ឯស្ថាប័នទទួលបន្ទុកការលក់មានក្រសួងពាណិជ្ជកម្ម អាជ្ញាធរ ឬមានសមាគមស្រូវអង្ករកម្ពុជាជាដើម ទើបទទួលបន្ទុកការលក់ និងតម្លៃផលិតផល) ឲ្យជួយអន្តរាគមន៍ជំរុញថ្លៃស្រូវឲ្យខ្ពស់ជាងពេលនេះ ។ ព្រោះតម្លៃនេះបានបង្កផលប៉ះពាល់និងការលំបាកឲ្យពួកខ្លួនជាកសិករបង់ខាត មិនអាចទប់ទល់នឹងចំណាយថ្លៃដើមដូចជាថ្លៃពូជ ប្រេង ភ្ជួររាស់ ជី ថ្នាំសម្លាប់សត្វល្អិត ថ្លៃទំនិញបានទេ ពោលគឺធ្វើឲ្យជីវភាពដែលជួបការលំបាក ខ្វះខាត ជំពាក់បំណុលស្រាប់នោះ រឹងរឹតតែលំបាក។ […]

ធនាគារ ព្រីនស៍ និង ក្រុមហ៊ុន ហ្វតតេ អ៊ិនសួរឹនស៍ (ខេមបូឌា) សម្ពោធជាផ្លូវការនូវភាពជាដៃគូអាជីវកម្មប៊េងកាសួរេន ដើម្បីលើកកម្ពស់សេវាហិរញ្ញវត្ថុ និងសេវាធានារ៉ាប់រងទូទៅនៅក្នុងប្រទេសកម្ពុជា

ដោយ Mr Ratanak

January 11, 2025January 11, 2025

ដោយៈសិរី មតី ភ្នំពេញ: ធនាគារ ព្រីនស៍ និង ក្រុមហ៊ុនធានារ៉ាប់រង ហ្វតតេ បានសម្ពោធជាផ្លូវការនូវភាពជាដៃគូអាជីវកម្មប៊េងកាសួរេន នៅថ្ងៃទី ១១ខែ មករា ឆ្នាំ ២០២៥ដើម្បីបង្កើនភាពងាយស្រួល និងសុវត្ថិភាពនៃផ្នែកហិរញ្ញវត្ថុសម្រាប់អតិថិជននៅក្នុងប្រទេសកម្ពុជា។ ពិធីសម្ពោធជាផ្លូវការនេះ ត្រូវបានរៀបចំឡើងនៅទីស្នាក់ការកណ្តាលរបស់សម្ព័ន្ធក្រុមហ៊ុន ព្រីនស៍ ហូលឌីង គ្រុប ដែលជាការចាប់ផ្តើមនៃការសហការ និងផ្តោតលើការផ្តល់សេវាកម្មហិរញ្ញវត្ថុយ៉ាងទូលំទូលាយ ដែលអាចបំពេញតម្រូវការជាក់លាក់នៅក្នុងទីផ្សារកម្ពុជា។ ភាពជាដៃគូនេះបានអនុញ្ញាតឱ្យធនាគារ ព្រីនស៍ ក្នុងការពង្រីកការផ្តល់ជូនរបស់ខ្លួន ដែលរួមបញ្ចូលសេវាធានារ៉ាប់រងទូទៅទៅក្នុងប្រព័ន្ធអេកូហិរញ្ញវត្ថុរបស់ខ្លួន។ នេះជាការរួមបញ្ចូលគ្នារវាងមូលដ្ឋានគ្រឹះសេវាធនាគារដ៏រឹងមាំរបស់ធនាគារ ព្រីនស៍ ជាមួយនឹងជំនាញធានារ៉ាប់រងដ៏ទូលំទូលាយរបស់ក្រុមហ៊ុនធានារ៉ាប់រង ហ្វតតេ ដែលកិច្ចសហការនេះ ត្រូវបានធ្វើឡើងក្នុងគោលបំណងផ្តល់ជូនអតិថិជននូវដំណោះស្រាយដ៏រលូន និងច្រកចេញចូលតែមួយសម្រាប់តម្រូវការសេវាធនាគារ និងសេវាធានារ៉ាប់រងរបស់ពួកគាត់។ លោក ឡុយ កុកស៊ូន ប្រធាននាយកប្រតិបត្តិនៃ ធនាគារ ព្រីនស៍ បានមានប្រសាសន៍ថា “កិច្ចសហការរបស់យើងជាមួយក្រុមហ៊ុនធានារ៉ាប់រង ហ្វតតេ ប្រៀបបានជាពេលវេលាដ៏សំខាន់មួយ ក្នុងការប្តេជ្ញាចិត្តរបស់យើង ដែលបន្តផ្តល់ជូនអតិថិជនរបស់យើងនូវសេវាកម្មហិរញ្ញវត្ថុរួម និងងាយស្រួលប្រើប្រាស់ជាងគេ។ ភាពជាដៃគូនេះ អាចពង្រីកការផ្តល់ជូនរបស់យើង ជាមួយផលិតផលហិរញ្ញវត្ថុដ៏អស្ចារ្យជាងមុន ដែលអាចការពារអតិថិជនរបស់យើងពីភាពមិនប្រាកដប្រជានៃជីវិត និងជំរុញការគ្រប់គ្រងហិរញ្ញវត្ថុកាន់តែមានភាពងាយស្រួលសាមញ្ញជាងមុន។ តាមរយៈការរួមបញ្ចូលរវាងសេវាកម្មធនាគាររបស់ធនាគារ ព្រីនស៍ […]

ខេត្តកំពង់ចាមឆ្នាំ២០២៥រំពឹងទុកទំហំសេដ្ឋកិច្ចនឹងកើនដល់២.៨៦៧លានដុល្លារ

ដោយ Mr Ratanak

January 7, 2025January 7, 2025

ដោយ៖ គង់ហេង កំពង់ចាម៖ តាមការរំពឹងទុកនៅឆ្នាំ ២០២៥ ខេត្តកំពង់ចាមទំហំសេដ្ឋកិច្ចនឹងកើនដល់ចំនួន ២.៨៦៧លាន ដុល្លារ ខណៈកាលពីឆ្នាំ ២០២៤ ខេត្តដែលមានប្រជាពលរដ្ឋជាងមួយលាននាក់មួយនេះ មានទំហំសេដ្ឋកិច្ចចំនួន ២.៦៥៧លាន ដុល្លារ។ នេះបើតាមការថ្លែងឱ្យដឹងរបស់ឯកឧត្តម អ៊ុន ចាន់ដា ជាអភិបាលខេត្តនេះ នៅក្នុងឱកាសដែលឯកឧត្តមបានអញ្ជើញចូលរួម ខួបអនុស្សាវរីយ៍លើកទី ៤៦ នៃទិវាជ័យជម្នះ ៧ មករា( ៧ មករា ១៩៧៩-៧ មករា ២០២៥) ដែលមានអ្នកចូលរួមប្រមាណ ៧.០០០ នាក់ នៅវិមានឯករាជ្យ ក្រុងកំពង់ចាមនាព្រឹកថ្ងៃទី ៧ មករានេះ។ ឯកឧត្តមអភិបាលខេត្តកំពង់ចាមបានថា៖ អភិវឌ្ឍលើគ្រប់វិស័យដែលធ្វើឱ្យប្រជាជនមានជីវភាពធូរធារ បន្ថែមពីនេះ មានប្រព័ន្ធហេដ្ឋារចនា សម្ព័ន្ធជាច្រើនទៀតរួមមាន ផ្លូវ ថ្នល់ ស្ពាន បានតភ្ជាប់ពីជនបទ មកទីប្រជុំជនបានគ្រប់ទីកន្លែង មានមន្ទីរពេទ្យ សាលារៀន វត្តអារាម ដែលបម្រើប្រជាជន គ្រប់តម្រូវការ។ ដោយឡែក ចំពោះខេត្ត កំពង់ចាម ទទួលបានការអភិវឌ្ឍន៍ […]

ខ្មែរឥស្លាមម្នាក់នៅម្ដុំមុខព្រលានយន្តហោះពោធិ៍ចិនតុងត្រូវរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ដោយ Mr Ratanak

January 2, 2025

ភ្នំពេញ ៖ បុរសម្នាក់ជាខ្មែរឥស្លាម មានឈ្មោះ សា ម៉ាអ៊ែល អាយុ៤៥ឆ្នាំ មានមុខរបរជាអ្នកលក់សាច់គោនៅផ្សារសួន និងជាអ្នកដឹកម្ហូបអាហារឱ្យបុគ្គលិកសណ្ឋាគារមួយកន្លែងនៅក្បែរវិមានឯករាជ្យ បច្ចុប្បន្នរស់នៅភូមិតាងួន២ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ មានសំណាងបានឈ្នះរង្វាន់ធំពីភេសជ្ជៈប៉ូវកម្លាំង ខារ៉ាបាវ នូវទឹកប្រាក់សុទ្ធចំនួន ១២៥លានរៀល បន្ទាប់ពីទិញភេសជ្ជៈ ខារ៉ាបាវ ចំនួន១កំប៉ុងទទួលទានក្រោយពេលហត់នឿយពីការងារ។ លោក សា ម៉ាអ៊ែល បានរៀបរាប់ឱ្យដឹងថា កាលពីសប្ដាហ៍កន្លងទៅនេះ ក្រោយពេលរៀបចំ និងដឹកជញ្ជូនម្ហូបអាហារសម្រាប់បុគ្គលិកសណ្ឋាគាររួចរាល់នៅវេលាម៉ោងជាង៨យប់ ហើយអស់កម្លាំង ក៏ទិញភេសជ្ជៈប៉ូវកម្លាំងខារ៉ាបាវ ១កំប៉ុង ពីអ្នកលក់ដែលនៅក្បែរផ្ទះទទួលទាន លុះពេលគាស់ក៏ឃើញមានរង្វាន់១២៥លានរៀលនៅនឹងក្រវិលកំប៉ុងតែម្ដង។ ក្រោយពេលបានឃើញរង្វាន់ធំភ្លាម លោកបានហៅប្រពន្ធ និងបងប្អូននៅជិតខាងឱ្យជួយពិនិត្យមើល ហើយក៏ទូរស័ព្ទជូនដំណឹងដល់ក្រុមហ៊ុនតែម្ដង។ លោក សា ម៉ាអ៊ែល បានបញ្ជាក់ឱ្យដឹងដែរថា ក្រោយពេលទទួលបានប្រាក់រង្វាន់ធំពីភេសជ្ជៈប៉ូវកម្លាំងខារ៉ាបាវ ១២៥លានរៀលនេះ លោកនឹងយកមួយចំនួនសងបំណុលគេ និងទុកមួយចំនួនទៀតជួសជុលផ្ទះឱ្យបានសមរម្យជាងសព្វថ្ងៃ ហើយនៅសល់ប៉ុន្មានយកទៅពង្រីកអាជីវកម្ម ដើម្បីទទួលបានកម្រៃសម្រាប់ផ្គត់ផ្គង់ជីវភាពគ្រួសារទៅថ្ងៃអនាគត។ ជាចុងក្រោយ លោក សា ម៉ាអ៊ែល ព្រមទាំងក្រុមគ្រួសារ បានថ្លែងអំណរគុណយ៉ាងជ្រាលជ្រៅដល់ក្រុមហ៊ុនខារ៉ាបាវ ដែលបានផ្តល់រង្វាន់ពិតប្រាដក និងសូមជូនពរឱ្យក្រុមហ៊ុនមានភាពរីកចម្រើនកាន់តែខ្លាំងតទៅមុខទៀត។ គួរបញ្ជាក់ដែរថា […]

ពិធីជួបជុំដៃគូសហការអាជីវកម្មជីកសិកម្មរបស់ក្រុមហ៊ុន តុង រតនា ( TRN Co .,Ltd)

ដោយ Mr Ratanak

January 2, 2025

ដោយ : បន្ទាយ បន្ទាយមានជ័យ ៖ ក្នុងឱកាសបុណ្យចូលឆ្នាំថ្មីឆ្នាំសកលគ្រិស្តសករាជ២០២៥ កន្លងទៅនេះក្រុមហ៊ុនតុង រតនា ខូអិលធីឌី (TRN Co .,Ltd) ដែលជាក្រុមហ៊ុននាំចូលផលិតផលជីសម្រាប់ប្រើប្រាស់ដំណាំកសិកម្មដែលមានគុណភាពខ្ពស់ ហើយមានតម្លៃសមរម្យមួយពីប្រទេសថៃ ចាប់តាំងពីឆ្នាំ២០២១៥រហូតមកដល់បច្ចុប្បន្ននេះ ហើយមានការិយាល័យកណ្តាលនិងដេប៉ូធំនៅក្នុងស្រុកមង្គលបូរី បានធ្វើពិធីជប់លៀងជួបជុំដៃគូសហការអាជីវកម្មពីកសិកម្មនេះ ។ មានភ្ញៀវកិត្តិយស ភ្ញៀវមកពីពីតាមខេត្ត រាជធានី ស្រុក/ក្រុងក្នុងខេត្តនានាក្នុងខេត្តបានធ្វើពិធីចាប់ឆ្នោតផ្សងសំណាងយកនូវរង្វាន់របស់ក្រុមហ៊ុនជូនដល់អតិថិជនដែលជាអ្នកប្រើប្រាស់ជីរបស់ក្រុមហ៊ុន តុង រតនា ខូអិលធីឌី ដែលញ៉ាំងឲ្យកម្មវិធីនេះកាន់តែមានភាពអធិកអធម។ លោក រស់ តុង ម្ចាស់ក្រុមហ៊ុនរតនាខូអិលធីឌីបានឲ្យដឹងថា: ក្រុមហ៊ុនបាននាំចូលផលិតផលជីមានគុណភាព និងមានតម្លៃសមរម្យជាចម្បងដើម្បីឲ្យសមស្របតាមតម្រូវការរបស់អតិថិជនដែលយកទៅប្រើប្រាស់ ដើម្បីជំនួយដល់ការបង្កបង្កើនកសិផលឲ្យកាន់តែមានបរិមាណទិន្នផលនិងគុណភាពខ្ពស់ ហើយប្រសើរឡើង ពោលគឺចំណេញច្រើន ចំណាយតិច។ លោកបន្តថា: ផលិតផលជីទាំងនេះមានដូចជា៖ ជីត្រាអ្នកបាចស្រូវ ជីស្លឹកពោធិ៍មាស ជីត្រាមាន់ ជីព្រះអាទិត្យរះ និងជីត្រាផែនដីមាស។ ចំពោះរង្វាន់របស់ក្រុមហ៊ុន តុង រតនា ខូអិលធីឌី ដែលបានផ្តល់ជូនអតិថិជន ពេលនេះសរុបចំនួន ៣៩៩រង្វាន់ នៅក្នុងឱកាសអបអរចូលឆ្នាំថ្មីឆ្នាំសកល២០២៤ រួមមាន៖ រង្វាន់កំសៀវទឹកអគ្គិសនីចំនួន៥០រង្វាន់, ឆ្នាំងអ៊ុតអគ្គិសនីចំនួន៥០រង្វាន់ […]