ប្រែសម្រួល៖តារា
ម៉ាឌ្រីដ៖ ក្លិបរៀលម៉ាឌ្រីដបានសង្គ្រោះលទ្ធផលស្មើ ១-១ ប្រឆាំងនឹងក្លិបជិតខាងអាត់លេទីកូម៉ាឌ្រីដ ក្នុងការប្រកួតលីគកំពូលអេស្ប៉ាញ (LaLiga) កាលពីថ្ងៃសៅរ៍ ដោយកីឡាករ គីលៀន Mbappe បានស៊ុតបញ្ចូលទីមួយគ្រាប់នៅវគ្គទីពីរ ដើម្បីតាមស្មើនឹងគ្រាប់បាល់របស់ ជូលៀន អាល់វ៉ារ៉េស ដែលបានស៊ុតបញ្ចូលទីនៅវគ្គទីមួយសម្រាប់ក្រុមភ្ញៀវ។
លទ្ធផលនេះបានរក្សាក្លិបរៀលម៉ាឌ្រីដនៅកំពូលតារាង LaLiga ជាមួយនឹងពិន្ទុ ៥០ ដោយនាំមុខក្លិបអាត់លេទីកូដែលឈរនៅលេខពីរតែមួយពិន្ទុប៉ុណ្ណោះ ខណៈដែលពួកគេខកខានឱកាសឡើងទៅឈរកំពូលតារាង។
នៅក្នុងរឿងរ៉ាវនៃវគ្គទាំងពីរនៅកីឡដ្ឋាន សាន់ទីយ៉ាគោ បឺណាបៅ ក្លិបអាត់លេទីកូបានគ្រប់គ្រងល្អក្នុងវគ្គទីមួយ ៤៥នាទី និងបានរកគ្រាប់បាល់នាំមុខនៅនាទីទី៣៥ ពេលដែល អាល់វ៉ារ៉េស បានស៊ុតបាល់ពិន័យ១១ម៉ែត្រ បន្ទាប់ពី អូរ៉េលៀន ឆូអាមេនី បានធ្វើខុសលើ សាមូអែល លីណូ នៅក្នុងតំបន់គ្រោះថ្នាក់។
ក្លិបរៀលបានត្រឡប់មកវិញយ៉ាងខ្លាំងក្លាក្រោយចប់វគ្គសម្រាក ដោយ Mbappe បានស៊ុតបញ្ចូលទី នៅនាទីទី៥០ ដើម្បីតាមស្មើលទ្ធផល៕
ប្រភព៖ រ៉យទ័រ
