ភ្នំពេញ៖កម្លាំងនគរបាលខណ្ឌកំបូល-នគរបាលប៉ុស្តិ៍សំរោងក្រោមនិងនគរបាលប៉ុស្តិ៍ចោមចៅទី៣ ខណ្ឌពោធិ៍សែនជ័យ បានចាប់ជនសង្ស័យ៣នាក់ ករណីកាប់ប្លន់ម៉ូតូនិងឆក់កាបូប។
ជនសង្ស័យបានធ្វើសកម្មភាពកាប់ វាយ ប្លន់យកម៉ូតូពីជនរងគ្រោះនៅសង្កាត់ស្នោ ខណ្ឌកំបូល កាលពីយប់ថ្ងៃទី២៧ ខែឧសភា ឆ្នាំ២០២៣។ ក្រោយទទួលបណ្តឹងពីជនរងគ្រោះ សមត្ថកិច្ចបានស្រាវជ្រាវរហូតមកដល់ថ្ងៃទី៣០ ខែឧសភា ចាប់ជនសង្ស័យ២នាក់នៅភូមិចាក់ជ្រូកនិងភូមិគោកព្រិច ខណ្ឌពោធិ៍សែនជ័យ។
បន្ទាប់មកក៏បន្តតាមចាប់ជនសង្ស័យម្នាក់ទៀតខណៈកំពុងលេងល្បែងហ្គេមបាញ់ត្រីនៅក្នុងទីតាំងណែតមួយកន្លែងស្ថិតនៅភូមជម្ពូវ័ន ខណ្ឌពោធិ៍សែនជ័យ។ជនសង្ស័យ២នាក់ មិនទាន់ស្គាល់អត្តសញ្ញាណនៅឡើយ។ចំណែកជនសង្ស័យម្នាក់ ឈ្មោះផាន សម្បត្តិ អាយុ៣២ឆ្នាំនៅភូមិជង្រុក ខណ្ឌពោធិ៍សែនជ័យ ។បន្ទាប់មកនគរបាលបាននាំជនសង្ស័យទៅភូមិគោកព្រិច ដើម្បីរកម៉ូតូដែលពួកគេជិះធ្វើសកម្មភាព កាប់ប្លន់ដែលត្រូវបានបក្ខពួកម្នាក់ទៀតជិះគេចខ្លួនបាត់នោះ។
ជនរងគ្រោះឈ្មោះហ៊ី ហេងលាភ អាយុ២៨ឆ្នាំ នៅភូមិអូដឹម សង្កាត់ចោមចៅទី៣ ខណ្ឌពោធិ៍សែនជ័យ ម៉ូតូម៉ាកស៊ុយហ៊្សុយគីនិចផ្លាកលេខភ្នំពេញ 1CW-4379។ ម៉ូតូនេះត្រូវបានសមត្ថកិច្ចប្រគល់ឱ្យជនរងគ្រោះវិញ បន្ទាប់ពីឃាត់ខ្លួនជនសង្ស័យ២នាក់ ៕
