ភ្នំពេញ៖រថយន្តតូយូតា តាកូម៉ា បានបើកបុករបាំងថ្មចែកផ្លូវបាក់អស់២កង់ រថយន្តក៏ក្រឡាប់ផ្ងារកង់ តែមិនបណ្តាលឱ្យគ្រោះថ្នាក់ដល់ជីវិតមនុស្សទេ។គ្រោះថ្នាក់ចរាចរនេះបានកើតឡើងនៅតាមផ្លូវ៥៩៨ ក្នុងសង្កាត់ទួលសង្កែ ២ ខណ្ឌឫស្សីកែវ កាលយប់ថ្ងៃទី២៣ ខែឧសភា។
សាក្សីបានឱ្យដឹងថា មុនកើតហេតុគេឃើញបុរសម្នាក់សង្ស័យស្រវឹងបានបើករថយន្តម៉ាកTACOMA ផ្លាកលេខភ្នំពេញ2BA 9352 ពីត្បូងទៅជើងក្នុងល្បឿលឿន។មកដល់កន្លែងខាងលើក៏បានរេចង្កូតបុករបាំងថ្មចែកផ្លូវពេញទំហឹងបណ្ដាលឱ្យរថយន្តក្រឡាប់ផ្ងារកង់។ភ្លាមៗនោះអ្នកបើកបររថយន្តបានលូនចេញហើយគេចខ្លួនបាត់។
ក្រោយកើតហេតុ សមត្ថកិច្ចជំនាញចរាចរណ៍បានចុះវាស់វែងនិងស្ទួចយករថយន្តបង្កទៅទុក នៅស្នងការដ្ឋាននគរបាលរាជធានីភ្នំពេញ រង់ចាំម្ចាស់ចូលខ្លួនដោះស្រាយ៕