ដោយ៖តុលា
ចក្រភពអង់គ្លេសបាននិយាយថា ឧប្បត្តិហេតុរថភ្លើងរុស្ស៊ីចុងក្រោយ អាចរំខានដល់ការផ្គត់ផ្គង់អាវុធនិងការចែកចាយសព្វាវុធ ក៏ដូចជាកាំជ្រួចចម្ងាយឆ្ងាយ Kalibrរបស់ រុស្ស៊ី។
ទីភ្នាក់ងារព័ត៌មានរដ្ឋរុស្ស៊ី Tass បានរាយការណ៍ថា រថភ្លើងមួយបានធ្លាក់ផ្លូវនៅជិត Simferopol ក្នុងឧបទ្វីប Crimean ដោយបិទផ្លូវទៅកាន់មូលដ្ឋានទ័ព BSF របស់រុស្ស៊ីនៅ Sevastopol កាលពីថ្ងៃព្រហស្បតិ៍។ បច្ចុប្បន្នអាជ្ញាធររុស្ស៊ីកំពុងធ្វើការដោះស្រាយឧបទ្ទវហេតុនេះហើយ។
យ៉ាងណាក្រសួងការពារជាតិអង់គ្លេសបាននិយាយនៅក្នុងការអាប់ដេតព័ត៌មានប្រចាំថ្ងៃរបស់ខ្លួនថា ការរំខានផ្លូវរថភ្លើងនៅតំបន់ជុំវិញមូលដ្ឋាននៃកងនាវាចរសមុទ្រខ្មៅរបស់រុស្ស៊ីបែបនេះ អាចប៉ះពាល់ដល់ការផ្គត់ផ្គង់ និងការចែកចាយសព្វាវុធ ដូចជាកាំជ្រួច Kalibr ។
ក្រសួងការពារជាតិអង់គ្លេសបាននិយាយថា “ការបំផ្លិចបំផ្លាញណាមួយនៅក្នុងតំបន់នេះនឹងបង្កើនការព្រួយបារម្ភរបស់វិមានក្រឹមឡាំងអំពីសមត្ថភាពរបស់ខ្លួនក្នុងការការពារហេដ្ឋារចនាសម្ព័ន្ធសំខាន់ៗផ្សេងទៀតនៅគ្រីមៀរ”។ “ឧបទ្វីបនេះគឺរក្សាតួនាទីចិត្តសាស្ត្រ និងភស្តុភារដ៏សំខាន់ក្នុងការបើកឲ្យមានសង្គ្រាមនៅអ៊ុយក្រែន”។ រុស្ស៊ីបានចូលឈ្លានពាន និងបញ្ចូលឧបទ្វីបនេះពីអ៊ុយក្រែនក្នុងឆ្នាំ ២០១៤៕
ប្រភព៖ CNBC