ដោយ៖រតនា
បើនិយាយអំពីលាមកវាពិតជាមិនមានអ្វីគួរឲ្យប្លែកនោះទេ។ ប៉ុន្តែវាមានចំណុចខ្លះទាក់ទងនឹងលាមកលោកអ្នកគួរតែអានអត្ថបទមួយនេះដែលនិយាយអំពីលាមករបស់អ្នកអាចបញ្ជាក់ប្រាប់អំពីបញ្ហាសុខភាពរបស់អ្នកបាន។
ចំណុចសំខាន់ខាងក្រោមនេះ គឺជាអ្វីដែលក្រុមគ្រូពេទ្យបាននិយាយអំពីសុខភាពរបស់អ្នកទាក់ទងទៅនឹងលាមក៖
១. រឹងដុំៗ ជាបំណែក ៖ ប្រសិនបើអ្នកចំណាយពេលច្រើននៅលើចានបង្គន់ ដោយសារតែលាមករបស់អ្នកមានរូបរាងដុំតូចៗ ឬកំណាត់ វាអាចមានន័យថារាងកាយអ្នកខ្សោះជាតិទឹក ឬអ្នកទល់លាមកហើយ។
អ្នកក៏អាចមានការទល់លាមក ទោះបីជាអ្នកទៅបន្ទប់ទឹកជារៀងរាល់ថ្ងៃក៏ដោយ។ ប៉ុន្តែលាមករបស់អ្នករឹង ហើយចេញមកជាបំណែក។ ការរុញច្រាន ឬពិបាកខ្លាំងពេក គឺមិនល្អទេព្រោះ វាអាចបណ្តាលឱ្យជំងឺឬសដូងបាត ដែលមានជាទូទៅកើតមានឡើងនៅសព្វថ្ងៃនេះ។ការបន្ថែមអាហារដែលសំបូរទៅដោយម៉ាញ៉េស្យូមផងដែរ។ ម៉ាញ៉េស្យូមទាញទឹកចូលទៅក្នុងពោះវៀន ធ្វើឱ្យលាមកមានសភាពទន់ និងងាយស្រួលក្នុងការធ្វើចលនាពោះវៀន។ វាក៏ជួយសម្រាកសាច់ដុំនៅជញ្ជាំងពោះវៀន ដែលអាចជួយដល់ការទល់លាមកផងដែរ។
២. លាមកពណ៌ខ្មៅ ៖ លាមករបស់ទារកទើបនឹងកើត មានពណ៌ខ្មៅក្នុងកំឡុងពេលពីរបីថ្ងៃដំបូងបន្ទាប់ពីចាប់កំណើត ប៉ុន្តែឆាប់ពណ៌ប្រែទៅវិញនោះវាជារឿងធម្មតា។
ប៉ុន្តែប្រសិនបើមនុស្សពេញវ័យមានលាមកមានពណ៌ខ្មៅ វាអាចបណ្តាលមកពីបញ្ហាតូចតាចមួយចំនួន ដូចជាការញ៉ាំអ្វីដែលមានពណ៌ខ្មៅ ឬប្រើថ្នាំឬអាហារបំប៉ន។
ប៉ុន្តែប្រសិនបើលាមកមានពណ៌ខ្មៅ កើតមានជាប្រចាំវាអាចជាសញ្ញានៃបញ្ហាធ្ងន់ធ្ងរ ដូចជាការហូរឈាមនៅផ្នែកខាងលើនៃបំពង់រំលាយអាហាររបស់អ្នក ដោយសារតែដំបៅរលាកបំពង់អាហារក្នុងបំពង់អាហាររបស់អ្នក ពីការចាល់អាស៊ីត ដុំសាច់ដែលមិនមែនជាជំងឺមហារីក ។
ប្រសិនបើអ្នកមានលាមកពណ៌ខ្មៅ ហើយមិនគិតថាមកពីអ្វីដែលអ្នកញ៉ាំនោះទេ អ្នកត្រូវតែទៅជួបជាមួយគ្រូពេទ្យជាបន្ទាន់។
៣. លាមកដែលមានពណ៌ក្រហមព្រើងៗ ៖ លាមកខ្មៅ ដែលមានពណ៌ក្រហម ឬពណ៌ក្រហមមិនធម្មតា។ វាអាចបង្ហាញពីការហូរឈាមក្នុងដំបៅពោះវៀនធំ ឬរន្ធគូទ។ នេះអាចបណ្តាលមកពីដុំសាច់ ដែលហើមពោះវៀន ជំងឺមហារីក រលាកក្នុងពោះវៀនធំ (colitis) ជំងឺ diverticular និងជំងឺឬសដូងបាត៕
ប្រភព៖ top10homeremedies