ដោយ៖ សហការី
ក្រុមអ្នកស្រាវជ្រាវបានព្រមានថា ចាប់ពីពេលនេះតទៅមិនត្រូវឲ្យសត្វឆ្កែដេកជាមួយនោះទេ ព្រោះវាអាចបង្កគ្រោះថ្នាក់ដល់សុខភាពធ្ងន់ធ្ងរ។
បើយោងតាមការស្ទង់មតិថ្មីមួយបានឲ្យដឹងថា ពីរភាគបី ឬស្មើនឹង ៦២ ភាគរយ នៃម្ចាស់សត្វចិញ្ចឹម ភាគច្រើនពួកគេឲ្យឆ្កែ-ឆ្មារបស់ពួកគេដេកលើគ្រែជាមួយ ក៏ព្រោះតែសត្វទាំងនេះវាគួឲ្យស្រលាញ់ និងចេះស្តាប់បង្គាប់បានយ៉ាងល្អ តែពួកគេមិនបានគិតអំពីហានិភ័យនោះទេ។ នេះជាការស្ទង់មតិលើមនុស្សប្រមាណ ២,០០០ នាក់ ដោយក្រុមហ៊ុន Sleep brand Silentnight បានរកឃើញយ៉ាងដូច្នេះ។
មានមតិផ្ទុយគ្នាលើកឡើងថា ការប៉ះពាល់ជាមួយ mites ពីសត្វចិញ្ចឹមអាចជួយពង្រឹងប្រព័ន្ធភាពស៊ាំ។ តែអ្នកជំនាញផ្នែកវិជ្ជសាស្ត្របាននិយាយថា ទម្លាប់បែបនេះអាចប្រឈមនឹងការឆ្លងជំងឺដ៏ធ្ងន់ធ្ងរ។ លោកបន្តថា កំហុសបែបនេះអាចនាំឲ្យឆ្លងជំងឺ mange ឬ ជំងឺ Lyme មកមនុ-ស្ស។ សាស្ត្រាចារ្យ Alejandra Perotti អ្នកជំនាញខាងសត្វកណ្តុរនៅសាលាវិទ្យាសាស្ត្រជីវសាស្រ្ត នៃសាកលវិទ្យាល័យ Reading បានប្រាប់ Mail Online ថា “ប្រសិនបើម្ចាស់ឆ្កែមានភាពស៊ាំនឹងមេរោគ ឬមានប្រព័ន្ធការពារខ្សោយនោះ ឆ្កែមិនគួរឲ្យដេកលើគ្រែជាមួយពួកគេនោះទេ។ នាងបាននិយាយថា វាមានប៉ារ៉ាស៊ីតមីក្រូទស្សន៍ដែលរស់នៅលើរោមរបស់ឆ្កែទាំងអស់ វា’អាចបង្កជាគ្រោះថ្នាក់ដល់ម្ចាស់ដែលមានភាពស៊ាំនឹងមេរោគ’។ កត្តាទាំងនេះអាចបង្កឲ្យមានការឆ្លងមេរោគនៅលើស្បែក ឬផ្លូវដង្ហើមរបស់មនុស្ស ដែលធ្វើឲ្យមនុស្សមានជំងឺ។
ប្រធានសុខាភិបាលបានព្រមានថ្មីៗនេះថា ការឆ្លងដ៏សាហាវដែលរីករាលដាលដោយចៃឆ្កែ ដែលត្រូវបានគេរកឃើញនៅក្នុងប្រទេសអង់គ្លេស ជាលើកដំបូងមិនធ្លាប់មានពីមុនមក។
ការធ្វើតេស្តបន្ថែមទៀតលើឆ្កែនៅទូទាំងប្រទេសបានរកឃើញថា មានជំងឺប្រភេទនេះកើតមានច្រើនដែលរហូតមកដល់ពេលបច្ចុប្បន្ន ត្រូវបានគេរកឃើញជាទូទៅនៅក្នុងផ្នែកខ្លះនៃទ្វីបអឺរ៉ុប និងអាស៊ី ឥឡូវនេះកំពុងរីករាលដាលនៅក្នុងចក្រភពអង់គ្លេស៕