ដោយៈសិរីមតី
ព្រះសីហនុ៖ក្រោយពីពង្រីកខ្លួននៅតាមរាជធានីខេត្តជាច្រើន BNI Cambodia នៅទីបំផុត បានមកដល់ខេត្តព្រះសីហនុ។Chapterថ្មីដែលមានឈ្មោះថា«BNI Blue Sea (សមុទ្រខៀវ)» ប្រចាំខេត្តព្រះសីហនុ បានត្រូវប្រកាសសម្ពោធដាក់ឱ្យដំណើរការជាផ្លូវការកាលពីថ្ងៃទី២៧ខែមេសា ឆ្នាំ២០២៣ នៅសណ្ឋាគារសុខា ខេត្តព្រះសីហនុ។
ពិធីសម្ពោធ BNI Blue Sea បានត្រូវប្រារព្ធធ្វើឡើង ក្រោមវត្តមានលោក ឡុកស្មិត សាមឌី ដែលជាអ្នកនាំប្រ៊ែននែម BNI ពីសហរដ្ឋអាមេរិកមកកម្ពុជា ព្រមទាំងសមាជិកសមាជិកាBNI មកពីChapterផ្សេងជាង១០០នាក់ ខណៈសមាជិកពេញសិទ្ធិរបស់BNI Blue Seaមានចំនួន៥២រូបដែលសុទ្ធតែម្ចាស់អាជីវកម្មផ្សេងៗគ្នា។
លោក សៅ ហុក Executive Director នៃBNI Blue Seaនៅខេត្តព្រះសីហនុនិងជាម្ចាស់ភោជនីយដ្ឋាន SEA 1 នៅខេត្តព្រះសីហនុបានមានប្រសាសន៍ឱ្យដឹងថា៖បណ្តាញពាណិជ្ជកម្មអន្តរជាតិ(BNI) តែងតែជួយសមាជិកម្ចាស់អាជីវកម្ម ឱ្យមានការរីកចម្រើន ការពង្រីកនិងអភិវឌ្ឍខ្លួនទទួលបានឱកាសអាជីវកម្មការភ្ជាប់ទំនាក់ទំងនិងបណ្តាញនិងការចែករម្លែកការងារព្រមទាំងការជួយគ្នាទៅវិញទៅមក។
លោកបានបញ្ជាក់ថា៖គោលបំណងនិងមូលហេតុដែលបង្កើតប៊ីអិនអាយនៅខេត្តព្រះសីហនុគឺក្នុងគោលបំណងជួយម្ចាស់អាជីវកម្មនៅខេត្តព្រះសីហនុឲ្យមានទំនាក់ទំនង,មានបណ្ដាញនិងមានអាជីវកម្មរីកចម្រើនក៏ដូចជាទទួលបាននូវឱកាសអាជីវកម្មពីគ្នាទៅវិញទៅមក។ចំណែកចក្ខុវិស័យរបស់ BNI Blue Sea គឺដើម្បីផ្លាស់ប្តូរវិធីសាស្ត្រធ្វើអាជីវកម្ម។
លោក ឡុកស្មីត សាមឌី ស្ថាបនិក BNI Cambodia បានលើកឡើងថា៖ម្ចាស់អាជីវកម្មនៅខេត្តព្រះសីហនុកំពុងត្រូវការពង្រីកអាជីវកម្ម ត្រូវការទំនាក់ទំនងបណ្ដាញអាជីវកម្ម និងឱកាសអាជីវកម្ម។ដោយមើលឃើញដូច្នេះហើយបានជាលោកសម្រេចចិត្តនាំBNI មកខេត្តព្រះសីហនុដើម្បីជួយពួកគាត់។
លោកបានបន្ថែមថា៖ខេត្តព្រះសីហនុជាខេត្តមួយមានសក្តានុពលជាប៉ូលសេដ្ឋកិច្ចដ៏សំខាន់ដែលក្នុងនោះមានដូចជាផ្លូវល្បឿនលឿន ជាតំបន់ទេសចរណ៍ មានអ្នកវិនិយោគច្រើន ហើយអាជីវកម្មមានច្រើន។ការចូលជាសមាជិក BNIមានន័យថាសមាជិកនឺងមានការរីក ចម្រើនលើវិស័យអាជីវកម្មរបស់ខ្លួន មានបណ្ដាញអាជីវកម្ម កើនចំណូល បង្កើតការងារ ជាពិសេសបង្កើតជាចរន្តGDP នៅកំពង់សោមតែម្ដង។
លោក សាមឌី បានលើកឡើងនូវ ៦ចំណុចសំខាន់ៗរបស់BNIទី១៖មានក្រុមលក់និងទីផ្សារ ដ៏ធំមួយ។ទី២-សិទ្ធិផ្ដាច់មុខអាជីវកម្មនៅ ក្នុងក្រុម។ ទី៣ -ប្រភពអាជីវកម្មនិងអតិថិជនថ្មីៗមិនចេះរីស្ងួត ។ទី៤-ការបណ្ដុះបណ្ដាលនិងការ អប់រំទី៥-ទំនាក់ទំនងអាជីវកម្មយូរអង្វែងនិងទី-ពង្រីកអាជីវកម្មក្នុងនិងក្រៅប្រទេស។
លោក ភួន វីរៈ អគ្គនាយកBNI ប្រចាំតំបន់ក្រុងព្រះសីហនុនិងជាម្ចាស់ក្រុមហ៊ុន Power Vision Energy Co.,Ltdដែលនាំចូលសម្ភារៈអគ្គិសនីពីក្រៅប្រទេស បានថ្លែងឱ្យដឹងថា ៖មូលហេតុដែលលោកបង្កើតBNIនៅខេត្តព្រះសីហនុគឺដើម្បីជួយម្ចាស់អាជីវកម្មឲ្យស្គាល់គ្នាជួយអាជីវកម្មឲ្យរីកចម្រើនចេះស្រឡាញ់គ្នាចេះជួយគ្នានិងដើម្បីកុំឲ្យម្ចាស់ជីវកម្មនៅកំពង់សោមឯកោដែលពួកគាត់អាចចូលមកតុចរចានិយាយគ្នាជជែកគ្នានិងធ្វើឲ្យអាជីវកម្មរីកចម្រើន។ជាពិសេសជួយបង្កើតបណ្តាញនៅទូទាំងខេត្ព្រះសីហនុ។
លោកបានបន្ថែមថា៖ជាងនេះទៅទៀតជួយម្ចាស់អាជីវកម្មឲ្យមានការរីកចម្រើនអភិវឌ្ឍន៍ខ្លួនចែករំលែកបទពិសោធន៍ចំណេះដឹងសមត្ថភាពធនធានមនុស្សក៏ដូចជាចូលរួមចំណែកអភិវឌ្ឍន៍សេដ្ឋកិច្ចកម្ពុជា៕
