ក្រុមប្រឹក្សាភិបាលនៃមូលនិធិរូបិយវត្ថុអន្តរជាតិហៅកាត់ថា IMF បានអនុម័តកញ្ចប់ប្រាក់កម្ចីជាង១៥ ពាន់លានដុល្លារសម្រាប់អ៊ុយក្រែន ខណៈដែលខ្លួនបន្តការពារប្រឆាំងនឹងការឈ្លានពានរបស់រុស្ស៊ី។
ក្រុមប្រឹក្សាប្រតិបត្តិនៃមូលនិធិរូបិយវត្ថុអន្តរជាតិបានអនុម័តកញ្ចប់ហិរញ្ញប្បទានចំនួន ១៥.៦ ពាន់លានដុល្លារសម្រាប់រយៈពេល ៤ ឆ្នាំសម្រាប់អ៊ុយក្រែនហើយនៅចុងសប្តាហ៍នេះ ដើម្បីជួយប្រទេសនេះបំពេញតម្រូវការមូលនិធិបន្ទាន់ ខណៈដែលខ្លួនកំពុងបន្តការការពារប្រឆាំងនឹងការឈ្លានពានរបស់រុស្ស៊ី។ ប្រាក់កម្ចីនេះដ៏សែនច្រើននេះ គឺជាប្រាក់កម្ចីដ៏ធំបំផុតរបស់អ៊ុយក្រែនចាប់តាំងពីការឈ្លានពានពេញលក្ខណៈរបស់រុស្ស៊ីនៅថ្ងៃទី ២៤ ខែកុម្ភៈឆ្នាំ ២០២២ និងជាកញ្ចប់ធំដំបូងដែលត្រូវបានអនុម័តដោយ IMF ជាស្ថាប័នហិរញ្ញវត្ថុអន្តរជាតិជូនដល់ប្រទេសដែលពាក់ព័ន្ធនឹងជម្លោះសកម្មមួយ។
ការសម្រេចនេះធ្វើឡើងជាផ្លូវការ បន្ទាប់ពីកិច្ចព្រមព្រៀងកម្រិតបុគ្គលិក IMF ដែលបានសម្រេចជាមួយអ៊ុយក្រែនកាលពីថ្ងៃទី ២១ ខែមីនា ពិភាក្សាយ៉ាងល្អិតល្អន់ជាមួយមន្រ្តីអ៊ុយក្រែន គិតដល់អនាគតរបស់អ៊ុយក្រែនក្នុងសមាជិកភាពសហភាពអឺរ៉ុបក្រោយសង្គ្រាម៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា