ភពទាំងប្រាំនឹងបង្ហាញខ្លួនដូចគុជតម្រៀបគ្នានៅលើមេឃក្នុងសប្តាហ៍នេះ

កែសម្រួល៖ រ៉ាម៉េត

ការបង្ហាញខ្លួនជាជួរដូចគុជតម្រៀបគ្នានៃភពទាំងប្រាំ ជាអព្ភូតហេតុដ៏កម្រដែលគេអាចមើលឃើញនៅលើមេឃនាពេលយប់ថ្ងៃអង្គារ ដូច្នេះសូមឧស្សាហ៏ក្រឡេកមើលទៅលើមេឃកុំខានឲ្យសោះ។

People are silhouetted against the sky at dusk as they watch the alignment of Saturn and Jupiter, Monday, Dec. 21, 2020, in Edgerton, Kan. The two planets are in their closest observable alignment since 1226. Appearing a tenth of a degree apart, the alignment known as the “great conjunction” has also been called the “Christmas Star.” (AP Photo/Charlie Riedel)

ភពពុធ ភពព្រហស្បតិ៍ ភពសុក្រ ភពអ៊ុយរ៉ានុស និងភពព្រះអង្គារ នឹងតម្រៀបគ្នាជាជួរនៅជិតព្រះចន្ទ ដែលជាឱកាសសម្រាប់អ្នកដែលចូលចិត្តមើលផ្កាយនឹងអាចមើលឃើញនូវទិដ្ឋភាពដ៏អស្ចារ្យមួយនេះ។

ភពទាំងប្រាំនេះនឹងលាតសន្ធឹងជាជួរនៅចំកណ្តាលមេឃ ក៏ប៉ុន្តែភពពុធ និងភពព្រហស្បតិ៍នឹងធ្លាក់ចុះក្រោមជើងមេឃយ៉ាងលឿនប្រហែលកន្លះម៉ោងក្រោបន្ទាប់ពីថ្ងៃលិចផុតទៅ។ ដូច្នេះគេត្រូវកំណត់ពេលវេលាឲ្យត្រឹមត្រូវសម្រាប់ការតាមដានអព្ភូតហេតុដ៏កម្រមួយនេះ។

Cameron Hummels អ្នកជំនាញខាងតារារូបវិទ្យានៅវិទ្យាស្ថានបច្ចេកវិទ្យាកាលីហ្វ័រញ៉ា បានប្រាប់ CNN ថា ភពនានានឹងលេចឡើង “ដូចជាគ្រាប់គុជតម្រៀបគ្នាដូចខ្សែក”។

តារាវិទូរបស់ NASA លោក Bill Cooke បានណែនាថា ឱ្យសម្លឹងមើលទៅជើងមេឃខាងលិចក្រោយពីថ្ងៃលិចផុតទៅ។

ដរាបណាមេឃស្រឡះនោះ ទិដ្ឋភាពនៅជើងមេឃទិសខាងលិចនឹងឃើញមាន ខ្សែតម្រៀបគ្នាជាជួរនៃភពទាំងប្រាំដែលយើងអាចមើលឃើញពីគ្រប់ទិសទីលើភពផែនដី។

លោក Cooke បានប្រាប់សារព័ត៌មាន Associated Press ថា “នោះហើយជាភាពដ៏ស្រស់ស្អាតនៃការបង្ហាញខ្លួនតម្រៀបគ្នាជាជួររបស់ភពទាំងនេះ យើងមិនចំណាយពេលច្រើននោះទេ”។

ភពព្រហស្បតិ៍ ភពសុក្រ និងភពអង្គារ មានពន្លឺចែងចាំង ដូច្នេះពួកវាទាំងនេះងាយស្រួលមើលខ្លាំងណាស់ ប៉ុន្តែភពពុធ និងអ៊ុយរ៉ានុសរាងស្រអាប់បន្តិច ដូច្នេះយើងត្រូវការប្រើកែវយឹតដើម្បីមើលវាឲ្យបានច្បាស់។

ភព Venus ជារឿយៗត្រូវបានគេហៅថា “ផ្កាយរាត្រី” វាក្លាយជាវត្ថុដ៏ភ្លឺបំផុតមួយ នៅពេលដែលអ្នកសម្លឹងមើលទៅលើមេឃ។ ចំណែកភពអង្គារនឹងមានពន្លឺពណ៌ក្រហម យើងនឹងឃើញវានៅជិតព្រះចន្ទ។

TOPSHOT – The Milky Way’s Galactic Centre and Jupiter (brightest spot at centre top) are seen from the countryside near the small town of Reboledo, department of Florida, Uruguay, early on August 24, 2020. (Photo by Mariana SUAREZ / AFP) (Photo by MARIANA SUAREZ/AFP via Getty Images)

លោក Cooke បាននិយាយថា Uranus តាមធម្មតាយើងមិនអាចមើលឃើញនៅលើមេឃនោះទេ ដូច្នេះកាលណាយើងឃើញពន្លឺពណ៌បៃតងនៅចំពីលើ Venus វាជាឱកាសដ៏កម្រសម្រាប់ “អ្នកប្រមូលទិន្ន័យអំពីភព” អាចមើលឃើញវា។

សម្រាប់អ្នកចូលចិត្តមើលមេឃដើម្បីងាយស្រួលកំណត់អត្តសញ្ញាណភពទាំងនោះគេអាចប្រើកម្មវិធីតារាសាស្ត្រដូចជា Sky Tonight ឬ SkySafari ជាដើម។

តាមទស្សនៈរបស់ផែនដីវិទ្យា ការបង្ហាញខ្លួនដោយតម្រៀបគ្នាជាជួរបែបនេះកើតឡើងចំពេលដែលគន្លងរបស់ភពនានាធ្វើគោចរតម្រៀបគ្នាជាជួរនៅខាងម្ខាងនៃព្រះអាទិត្យហើយពួកវាស្ថិតនៅក្នុងក្រុមតារានិករដូចគ្នា។

ការគោចរតម្រៀបគ្នាជាជួរប្រភេទនេះកើតឡើងនៅរៀងរាល់ពីរបីឆ្នាំម្តង ហើយមិនសូវមានភពតែពីរ ឬបីនោះទេជាធម្មតាវាមានច្រើនជាងនេះ។ វាបានកើតឡើងកាលពីឆ្នាំ ២០២០ និង ២០១៦៕

ប្រភព៖ New York Post