ដោយ៖ ប្រសិទ្ធ
ភ្នំពេញ៖ តារាបង្ហាញម៉ូតដ៏លេចធ្លោរបស់កម្ពុជា អ្នកនាង ទឹម រដ្ឋា បានបង្កើតកូនស្រីដ៏គួរឲ្យស្រលាញ់នៅថ្ងៃទី ២៧ ខែមីនា ឆ្នាំ ២០២៣នេះ ក្រោយពីនាង និងស្វាមីបានរៀបការរយៈពេលជាងមួយឆ្នាំ។
បើតាម Facebook ឈ្មោះ Tim Rotha Official ដែលបង្ហោះនៅថ្ងៃទី ២៧ ខែមីនានេះ បានរៀបរាប់ថា “សូមស្វាគមន៍មកកាន់ពិភពលោកដ៏ស្រស់ស្អាត កូនទន្សាយតូចរបស់ម៉ាក់ និងប៉ា។ ជំរាបសួរលោកតាលោកយាយ អ៊ំពូមីង និងអ្នកគាំទ្ររបស់Mommy អូនទាំងអស់” និងបានភ្ជាប់រូបភាពជាច្រើនសន្លឹក ដែលបានបង្ហាញពីទារកដែលទើបនឹងកើត ហើយរូបអ្នកនាងផ្ទាល់ក៏កំពុងបីកូននៅលើគ្រែពេទ្យ។នេះបញ្ជាក់ថានាងពិតជាបានសម្រាលកូនស្រីពិតប្រាកដមែន។
កូនស្រីដែលជាចំណងដៃរបស់អ្នកនាង ទឹម រដ្ឋា និងលោក Jovany Antonio មានសញ្ជាតិអាម៉េរិក បានប្រសូត្រនៅថ្ងៃទី ២៧ ខែមីនា ឆ្នាំ ២០២៣ វេលាម៉ោង ៧ព្រឹក នៅមន្ទីរពេទ្យ “អន្តរជាតិ អរៀនដា” ដែលពួកគេដាក់ឈ្មោះថា Haylie Apsara Antonio ហៅ (អូន ភ្លៀង)។
ក្រោយពីសម្រាលបុត្រីបានប៉ន្មានម៉ោងក៏បានឃើញបងប្អូនសាច់ញាតិ និង មិត្តរួមអាជីពរបស់អ្នកនាងរដ្ឋាបានមកសួរសុខទុក្ខជាបន្តបន្ទាប់៕