ព្រៃវែង៖តុលាការខេត្តព្រៃវែង ព្រឹកថ្ងៃទី២៣ ខែមីនានេះបានឃុំខ្លួនជនសង្ស័យម្នាក់ពាក់ព័ន្ធករណីជួញដូរដូរ ដឹកជញ្ជូន និងប្រើប្រាស់គ្រឿងញៀនខុសច្បាប់។
សមត្ថកិច្ចបានឱ្យដឹងថា កម្លាំងនគរបាលប្រឆាំងគ្រឿងញៀនខេត្តព្រៃវែង ជាមួយនគរបាលស្រុកពាមរក៍បានឃាត់ខ្លួនជនសង្ស័យម្នាក់ កាលពីល្ងាចថ្ងៃទី២០ ខែមីនានៅម្តុំផ្លូវលេខ៣១០ ស្ថិតក្នុងភូមិ ៦ ឃុំព្រែកខ្សាយ “ខ” ស្រុកពាមរក៍ ខេត្តព្រៃវែង។ជនសង្ស័យជាប់ពាក់ព័ន្ធករណីគ្រឿងញៀនឈ្មោះ អ៊ុក ឈា អាយុ២៦ឆ្នាំនៅភូមិឃុំខាងលើ ។
ក្រោយឃាត់ខ្លួន នគរបាលបានដកហូតម្សៅក្រាមសថ្លាសង្ស័យគ្រឿងញៀនចំនួន១១កញ្ចប់-ទូរសព្ទ៥គ្រឿង-ជញ្ជីងថ្លឹងគ្រឿងញៀន១និងសម្ភារវេចខ្ចប់មួយចំនួន។បន្ទាប់ពីសាកសួរផ្នែកនគរបាលជំនាញបានកសាងសំណុំរឿងបញ្ជូនទៅតុលាការ ហើយចេញដីកាបង្គាប់ឱ្យឃុំខ្លួនតែម្តង៕ដោយ៖វិចិត្រ