អង្គការសហប្រជាជាតិនិយាយថា មនុស្សប្រមាណជាង ១០លាននាក់នៅប្រទេសប៉ាគីស្ថានកំពុងខ្វះទឹកស្អាតប្រើប្រាស់រយៈពេល៦ខែហើយ បន្ទាប់ពីគ្រោះទឹកជំនន់វាយប្រហារប្រទេសនេះ។
ទីភ្នាក់ងារកុមាររបស់អង្គការសហប្រជាជាតិ ឬយូនីសេហ្វ បាននិយាយនៅក្នុងរបាយការណ៍កាលពីថ្ងៃអង្គារសប្តាហ៍នេះថា គ្រួសារដែលរស់នៅក្នុងតំបន់រងគ្រោះដោយទឹកជំនន់មិនមានជម្រើសក្រៅពីផឹក និងប្រើប្រាស់ទឹកដែលមិនទាន់កម្ចាត់មេរោគបាននោះទេ។ Abdullah Fadil តំណាងអង្គការ UNICEF ប្រចាំប្រទេសប៉ាគីស្ថានបាននិយាយថា “ជារៀងរាល់ថ្ងៃ ក្មេងស្រី និងក្មេងប្រុសរាប់លាននាក់នៅក្នុងប្រទេសប៉ាគីស្ថានកំពុង តស៊ូនឹងការឆ្លងមេរោគ ការបាត់បង់ការប្រឆាំងនឹងជំងឺដែលឆ្លងតាមទឹក និងកង្វះអាហារូបត្ថម្ភ”។
ទឹកជំនន់ដ៏អាក្រក់បំផុតរបស់ប្រទេសប៉ាគីស្ថានបានចាប់ផ្តើមនៅក្នុងខែមិថុនា ដោយសារតែភ្លៀងធ្លាក់ខ្លាំងជាប្រចាំ ដោយបានសម្លាប់មនុស្សយ៉ាងហោចណាស់ ១៧៣៩ នាក់ រួមទាំងកុមារ ៦៤៧ នាក់ និងប៉ះពាល់ដល់មនុស្ស ៣៣ លាននាក់។ គ្រោះមហន្តរាយនេះ បានបណ្តាលឱ្យខូចខាតដល់ប្រព័ន្ធទឹកភាគច្រើននៅក្នុងតំបន់ដែលរងផលប៉ះពាល់ ហើយបានបង្ខំមនុស្សជាង ៥.៤ លាននាក់ រួមទាំងកុមារ ២.៥ លាននាក់ “ពឹងផ្អែកទាំងស្រុងលើទឹកកខ្វក់ពីស្រះ និងអណ្តូង”។ របាយការណ៍បាននិយាយថា “មានតែ ៣៦%ប៉ុណ្ណោះនៃទឹកស្អាតរបស់ប្រទេស ទោះបីជាប្រព័ន្ធផ្គត់ផ្គង់ទឹកស្អាតរបស់ប្រទេសនេះមានដល់ ៩២% នៃចំនួនប្រជាជនក៏ដោយ” ៕
ប្រភព៖ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា