ដោយ៖ Rith Kongkea
យោងតាមរបាយការណ៍របស់ BILD បានឲ្យដឹងថា ប្រធានក្លឹប Tottenham លោក Daniel Levy កំពុងសម្លឹងឃើញអ្នកចាត់ការម្នាក់ដ៏គួរឱ្យភ្ញាក់ផ្អើលនៅឯ Bundesliga ដើម្បីជំនួសតំណែងលោក Antonio Conte ក្នុងនាមជាអ្នកចាត់ការទូទៅ ខណៈរូបលោកអាចនឹងចាកចេញក្នុងពេលឆាប់ៗនេះ។
ពួកគេអះអាងថា Spurs បានទាក់ទងជាមួយអ្នកតំណាងរបស់អ្នកចាត់ការសញ្ជាតិអូទ្រីស លោក Oliver Glasner ដែលបច្ចុប្បន្នកំពុងទទួលបន្ទុកនៅក្លិប Eintracht Frankfurt នៃលីគកំពូលរបស់អាល្លឺម៉ង់ ។
លោក Oliver Glasner បានជួយឲ្យក្លិប Eintracht Frankfurt លើកពាន Europa League កាលពីរដូវកាលមុន ហើយត្រូវបានគេផ្សារភ្ជាប់ក្នុងការមកកាន់ទឹកដីអង់គ្លេសក្នុងនាមជាអ្នកចាត់ការទូទៅសម្រាប់ក្លិប Tottenham hotspurs ប្រសិនបើលោក Conte ចាកចេញមែន៕