ស្វាយរៀង៖តុលាការខេត្តស្វាយរៀង ព្រឹកថ្ងៃទី១៦ ខែមីនានេះបានសម្រេចឃុំខ្លួនជនជាតិវៀតណាមម្នាក់ ក្រោយឃាត់ខ្លួនរួមនិងគ្រឿងញៀនចំនួន១៦ដុំស្មើ១៦.២៣៨ក្រាម។
សមត្ថកិច្ចបានឱ្យដឹងថា កម្លាំងនគរបាលប្រឆាំងគ្រឿងញៀនខេត្តស្វាយរៀង បានចាប់ខ្លួនជនជាតិវៀតណាមម្នាក់ពាក់ព័ន្ធគ្រឿងញៀនចំនួនជាង១៦គីឡូក្រាមនិងបញ្ជូនទៅតុលាការខេត្តស្វាយរៀងដើម្បីចាត់ការតាមច្បាប់។ក្រោយមកត្រូវបានចៅក្រមសម្រេចឃុំខ្លួនដាក់ពន្ធនាគារបណ្តោះអាសន្ន។
មន្ត្រីជំនាញខេត្តស្វាយរៀងបានឱ្យដឹងថា ជនសង្ស័យឈ្មោះ ង្វៀង ខាញ់អាយុ ៣៥ឆ្នាំ ត្រូវបានសមត្ថកិច្ចឃាត់ខ្លួនរួមជាមួយវត្ថុតាងគ្រឿងញៀនប្រភេទម្សៅកេតាមីនចំនួន១៦ដុំសរុបទម្ងន់១៦.២៣៨ក្រាមគិតទាំងសម្បកវេចខ្ចប់។
គួររំលឹកថា ជនសង្ស័យរួមជាមួយវត្ថុតាងគ្រឿងញៀន ដែលប្រុងនាំឆ្លងដែនទៅកាន់ប្រទេសវៀតណាម។ករណីនេះត្រូវកម្លាំងនគរបាលខេត្តស្វាយរៀងជាមួយនគរបាលប៉ុស្តិ៍ច្រកទ្វាអន្តរជាតិព្រៃវល្លិ និងនគរបាលស្រុកកំពង់រោទ៍បង្ក្រាបកាលពីថ្ងៃទី១២ ខែមីនា នៅបន្ទប់ជួលក្នុងភូមិព្រៃវល្លិ ឃុំថ្មី ស្រុកកំពង់រោទ៍ ខេត្តស្វាយរៀង៕ដោយ៖វិចិត្រ
