ស្នងការសភាអាល្លឺម៉ង់បាននិយាយថា នៅពេលនេះឃ្លាំងស្តុកអាវុធអាល្លឺម៉ង់បានកំពុងចុះខើយចំហកាន់តែខ្លាំងហើយ ក្រោយបានបរិច្ចាគចេញឲ្យអ៊ុយក្រែន ដោយអំពាវនាវឲ្យមានការពន្លឿនបំពេញឡើងវិញ។
ស្នងការសភាសម្រាប់កងកម្លាំងប្រដាប់អាវុធអាល្លឺម៉ង់ បាននិយាយនៅក្នុងរបាយការណ៍ប្រចាំឆ្នាំរបស់លោកស្រីថា យោធាអាល្លឺម៉ង់កំពុងទទួលរងការខ្វះខាតអាវុធ និងឧបករណ៍ច្រើនជាងមុនពេលការឈ្លានពានរបស់រុស្ស៊ីមកកាន់អ៊ុយក្រែនទៅទៀត ។ លោកស្រី Eva Hoegl បានប្រាប់អ្នកយកព័ត៌មាននៅទីក្រុងប៊ែរឡាំងថា “ស្តុក Bundeswehr មិនមានអ្វីៗគ្រប់យ៉ាងដូចមុនទេ ហើយឥឡូវនេះវាមានកាន់តែតិចទៅៗ ចុះថយជាបន្តបន្ទាប់ចាប់តាំងពីការឈ្លានពានរបស់រុស្ស៊ីលើអ៊ុយក្រែននៅថ្ងៃទី ២៤ ខែកុម្ភៈ ឆ្នាំ ២០២២”។ លោកស្រីបានថ្កោលទោសរដ្ឋាភិបាលចំពោះការយឺតយ៉ាវមិនត្រឹមតែក្នុងការចំណាយប៉ុណ្ណោះទេ ប៉ុន្តែថែមទាំងក្នុងការបំពេញស្តុករបស់យោធាផងដែរ បន្ទាប់ពីការបញ្ជូនក្នុងបរិមាណដ៏ក្រាស់ក្រែលទៅទៅកាន់ទីក្រុងគៀវ។
ទោះបីជាយ៉ាងណាក៏ដោយ លោកស្រី Hoegl បាននិយាយថា “កងទ័ពរបស់យើងស្វាគមន៍ការគាំទ្រសម្រាប់អ៊ុយក្រែនជានិច្ច ទោះមានវាការហែករន្ធធំនៃស្តុក ក្រោយឧបករណ៍បាញ់គ្រាប់រ៉ុក្កែតជាច្រើន ឬរថក្រោះខ្លារខិន Leopard ត្រូវបានប្រគល់ទៅឱ្យទីក្រុង Kyiv”។ ចាប់តាំងពីសង្រ្គាមថ្ងៃដំបូងមក អាល្លឺម៉ង់បានផ្តល់ជំនួយយោធាដល់អ៊ុយក្រែនអស់ប្រមាណជា ៦.៦ពាន់លានដុល្លារហើយ បូករួមទាំងជំនួយ នីទាឃរដូវចុងក្រោយចំនួន ១ ពាន់លានអឺរ៉ូទៀត៕
ប្រភព៖ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា