ដោយ៖រ៉ាម៉េត
អ្នកកាន់សាសនាហិណ្ឌូនៅក្នុងប្រទេសឥណ្ឌាពួកគេតែងបាននាំគ្នាប្រារព្ធពិធីបុណ្យមួយដែលមានឈ្មោះថា Maha Shivaratri ជារៀងរាល់ឆ្នាំ។
(អ្នកកាន់សាសនាហិណ្ឌូឥណ្ឌាម្នាក់ចាក់ទឹកដោះគោលើ Shiva lingaក្នុងឱកាសពិធីបុណ្យ Maha Shivaratri នៅថ្ងៃទី 18 ខែកុម្ភៈ ឆ្នាំ 2023)
អត្ថន័យនៃបុណ្យនេះគឺគេរៀបចំធ្វើឡើងដើម្បីគោរពនិងឧទ្ទិសទៅដល់ព្រះសិវៈឬ ព្រះឥសូរ។ពួកគេយល់ថាព្រះសិវៈ ជាអាទិទេពបង្កើតលោក និងបំផ្លាញលោកផង។ព្រះនាមរបស់ព្រះសិវៈ អាចហៅថា ព្រះឥស្វរៈ ព្រះឥសូរ ព្រះរុទ្រៈ ព្រះហរៈ ព្រះឧគ្រៈ ព្រះអឃោរៈ ព្រះភៃរវៈ និង ព្រះមហេស្វរៈជាដើម។
សូមបញ្ជាក់ថា បើយោងតាមឯកសារជាច្រើនបានបង្ហាញថា ព្រះសិវៈ ជាអាទិទេពធំមួយក្នុងចំណោមអាទិទេពធំៗទាំងបីក្នុងព្រហ្មញ្ញសាសនា។ សិវៈ មានន័យថា ករុណា ក្សេមចាកទុក្ខភ័យ ៕(រូបភាពស៊ិនហួ)
