ភ្នំពេញ៖យោងតាមរបាយការណ៍របស់ក្រសួងទេសចរណ៍ បានឲ្យដឹងថា ខេត្តសៀមរាប ចាប់ពីថ្ងៃទី១៦ និង១៧ កុម្ភៈ នឹងមានជើងហោះហើរពីទីក្រុងគួនមីង និងពីសៀងហៃ ប្រត្តិបត្តិការដោយក្រុមហ៊ុនអាកាសចរណ៍China Eastern។
របាយការណ៍បានបញ្ជាក់ថា ៖ចាប់ពីចុងខែមីនា ទៅទើបមានកម្មវិធីហោះហើរទៀងទាត់។ កម្ពុជានឹងរៀបចំពីធីស្វាគមន៍ដ៏សមរម្យមួយ ដូចនៅក្រុងព្រះសីហនុផងដែរ។
នៅសៀមរាបបច្ចុប្បន្ន មានជើងហោះហើរចន្លោះពី១៦-១៩ជើង ក្នុង១ថ្ងៃ ដែលភ្ញៀវចន្លោះ១៨០០-១៩០០នាក់។ រីឯភ្ញៀវទិញសំបុត្រចូលអង្គរយ៉ាងតិច២០០០នាក់ក្នុងមួយថ្ងៃផងដែរ៕ដោយៈសុភក្ត្រា
