ភ្នំពេញ៖ ក្រសួងពាណិជ្ជកម្មបានចេញអាជ្ញាប័ណ្ណប្រតិបត្តិការ ដល់ក្រុមហ៊ុនថ្មីចំនួន១០.៧០១ ក្នុងឆ្នាំ២០២២ កើនឡើង៣៩ភាគរយ ពីចំនួន៧.៦៧៧ ក្នុងឆ្នាំ២០២១។
លោក ប៉ែន សុវិជាតិ អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បានមានប្រសាសន៍ថា៖ ក្រុមហ៊ុនថ្មីៗទាំងនេះ ជាកម្មសិទ្ធិរបស់អ្នកក្នុងស្រុក និងជនបរទេសមកពីប្រទេសចិន កូរ៉េខាងត្បូង ជប៉ុន ថៃ ម៉ាឡេស៊ី និងវៀតណាម ។
លោកបានវាយតម្លៃថា កំណើននៃក្រុមហ៊ុនថ្មីៗទាំងនេះត្រូវបានជំរុញមកពីការគ្រប់គ្រងប្រកបដោយជោគជ័យនៃជំងឺកូវីដ-១៩ដែលបានអនុញ្ញាតឱ្យប្រទេសកម្ពុជា អាចបើកសកម្មភាពសេដ្ឋកិច្ចសង្គមទាំងអស់និងបើកព្រំដែនឡើងវិញចាប់តាំងពីខែវិច្ឆិកាឆ្នាំ២០២១៕ដោយៈសិរីមតី
