ដោយ៖តុលា

ផ្លែបឺរបានក្លាយជាដំណាំលុយនៅក្នុងស្រុក Menglian ភាគនិរតីនៃខេត្ត Yunnan ប្រទេសចិន តាំងពីឆ្នាំ ២០១៤។ ជាមួយនឹងទិន្នផលផ្លែឈើតាមរដូវចំនួន ១៥០០០ តោន បច្ចុប្បន្ននេះ ម៉េងលៀន គឺជាតំបន់ដាំដុះផ្លែបឺរដ៏ធំបំផុតរបស់ប្រទេសចិន។

លោក Yanhou ដែលជាអ្នកដាំក្នុងស្រុក និងជាសមាជិកនៃក្រុមជនជាតិភាគតិច Wa បាននិយាយថា ក្នុងនាមជាអ្នកដំបូងគេដែលទទួលយកផ្លែបឺរដែលដាំដុះនៅក្នុងភូមិ Yinggou គាត់រំពឹងថា ចម្ការរបស់គាត់នឹងទទួលបានប្រាក់ចំណូលចំនួន ១០០,០០០ យ័ន (ប្រហែល ១៤៨៧០ ដុល្លារអាមេរិក) ក្នុងរដូវកាលនេះ។ ចាប់តាំងពីឆ្នាំ ២០១៨ លោកបានដាំផ្លែប័របានជាង ៤ ហិកតា។ ដំបូងឡើយ មានដើមឈើប្រហែលមួយភាគបួនប៉ុណ្ណោះ ដែលផ្តល់ផ្លែ។ លោកបានបន្តថា៖ “វាមិនងាយស្រួលក្នុងការសាកល្បងអ្វីដែលថ្មីនោះទេ” ដោយបន្ថែមថាដោយសារមានជំនួយពីរដ្ឋាភិបាលមូលដ្ឋាន និងអ្នកជំនាញកសិកម្ម គាត់បានចាប់យកជំនាញដូចជាការប្រើថ្នាំសម្លាប់សត្វល្អិតប្រកបដោយប្រសិទ្ធភាព ការស្រោចស្រព ការដកស្មៅ និងការគ្រប់គ្រងចម្ការ។ ឥឡូវនេះ គាត់ចែករំលែកជំនាញទាំងនេះជាមួយអ្នកភូមិរបស់គាត់ ។

ជនជាតិចិនហៅផ្លែបឺរថា “ផ្លែប៊ឺ” ដោយសារតែសាច់ក្រែមល្មួតរបស់វា។ ការនាំចូលផលិតផលកម្រ បានទទួលការឆ្លើយតបយ៉ាងកក់ក្តៅពីទីផ្សារក្នុងប្រទេសចិន ដែលផ្តល់ឱ្យអ្នកដាំផ្លែឈើចិននូវទំនុកចិត្តក្នុងការទទួលយកផ្លែឈើដែលសម្បូរសារធាតុចិញ្ចឹមសម្រាប់ការដាំដុះយ៉ាងច្រើន។ ស្រុកត្រូពិចនៃម៉េងលៀនមានលក្ខខណ្ឌអាកាសធាតុស្រដៀងនឹងតំបន់ផលិតផ្លែបឺរសំខាន់ៗរបស់ពិភពលោក។

លោក Fang Yanling អ្នកទទួលបន្ទុកផ្នែកគ្រប់គ្រងទ្រព្យសកម្មជនបទនៅក្រុង Nayun ក្រុង ម៉េងលីល មានប្រសាសន៍ថា ដើម្បីបង្កើនសក្តានុពលនៃឧស្សាហកម្មដាំដុះផ្លែបឺរក្នុងស្រុក មិនអាចមានកំហុសក្នុងដំណើរការចាប់ពីការរៀបចំការដាំដុះដំបូង រហូតដល់ការតម្រៀប និងការដឹកជញ្ជូននោះទេ។ និយាយរួមទៅគឺត្រូវតែរៀបរយគ្រប់វគ្គ។

ផ្ទៃដីដាំផ្លែបឺរសរុបនៅម៉េងលៀនមានលើសពី ៧០០០០ ដោយមានប្រជាជនចំនួន ២៥០០០ នាក់នៅក្នុងសង្កាត់ចំនួនប្រាំមួយបានចូលរួមក្នុងឧស្សាហកម្មនេះ។ ភូមិជនជាតិភាគតិច Wa នៃខេត្ត Yinggou បានជំនួសការដាំដុះពោតប្រពៃណីរបស់ខ្លួនជាមួយនឹងផ្លែបឺរ និងចម្ការកាហ្វេ។ ប្រជាជនក្នុងស្រុកម៉េងលៀនបានចាប់អារម្មណ៍ចង់បង្កើតមុខម្ហូបថ្មីរបស់ផ្លែបឺរ គួបផ្សំនឹងលក្ខណៈរបបអាហារក្នុងស្រុកដូចជា ផ្លែប័រចៀន ប្រហិតលាយជាមួយផ្លែបឺរ មាន់ស្ងោរជាមួយផ្លែបឺរ និងសាច់ចៀនជាមួយផ្លែបឺរ៕

ប្រភព៖ XINHUA.NET