ប្រធានាធិបតីរុស្ស៊ីវ្លាឌឹមៀរពូទីន បានចេញមុខទទួលស្គាល់ថា ប្រទេសរបស់លោកបានកំពុងជួបប្រទះនឹងកង្វះខាតថ្នាំពេទ្យមួយចំនួនសំខាន់ៗ ដោយសារឥទ្ធិពលនៃទណ្ឌកម្មលោកខាងលិច។
ការទទួលស្គាល់នេះ បានធ្វើឡើងក្នុងអំឡុងកិច្ចប្រជុំតាមទូរទស្សន៍ជាមួយគណៈមន្ត្រីក្រោមឱវាទកាលពីថ្ងៃអង្គារ ទី២៤ ខែមករា ឆ្នាំ២០២៣។ ពូទីនថា “មានការខ្វះខាតថ្នាំពេទ្យមួយចំនួន ទោះបីជាយើងបានឃើញផលិតកម្មឱសថនៅក្នុងត្រីមាសទី ១ នៃឆ្នាំមុនរបស់រុស្ស៊ីបានកើនឡើងប្រហែល ២២ ភាគរយក៏ដោយ” ។ “៦០ ភាគរយនៃឱសថនៅលើទីផ្សារគឺជាឱសថក្នុងស្រុក។ ហើយឱនភាព ឬការថយចុះនៃថ្នាំមួយចំនួនឥឡូវនេះបានកើតឡើង ហើយតម្លៃក៏បានកើនឡើងដែរ”។
យោងតាមតួលេខពីឧស្សាហកម្មបានគូសបញ្ជាក់ឲ្យដឹងថា កង្វះខាតថ្នាំមួយចំនួនពីបរទេស គឺដោយសារការដាក់ទណ្ឌកម្មការចែកចាយរបស់លោកខាងលិចតាមរយៈការរឹតត្បិតការដឹកជញ្ជូន ការធានារ៉ាប់រង ឧបសគ្គគយ និងវិធានការរឹតបន្តឹងផ្សេងទៀត។ ទន្ទឹមជាមួយគ្នានេះ ក៏មានរបាយការណ៍ពីលោកខាងលិចមួយលេចឡើងផងដែរថា ប្រធានាធិបតីពូទីនសព្វថ្ងៃអាចរស់នៅមានសុខភាពគ្រាន់បើបាន គឺដោយសារតែបានទទួលទាននូវថ្នាំបរទេសនោះឯង ខណៈដែលថ្នាំរុស្ស៊ីនៅមានកម្រិត៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា