ចំណែកឯរដ្ឋាភិបាលកូរ៉េខាងជើងវិញ នៅសប្តាហ៍នេះត្រូវបានគេរាយការណ៍ថា រដ្ឋបាលនឹង ដាក់ទោសប្រហារជីវិតតែម្តង ប្រសិនបើប្រជាជនណាម្នាក់រកឃើញប្រព្រឹត្តកំហុសមើលរឿង អាសអាភាស។
យោងតាមសក្ខីកម្មអ្នករត់ចោលជួរម្នាក់បាននិយាយក្នុងរបាយការណ៍ថ្មីមួយត្រូវបានដកស្រង់ ដោយកាសែតដេលីមែល បានឲ្យដឹងថា ក្រុមអ្នកពង្រឹងច្បាប់កូរ៉េខាងជើងកំពុងធ្វើការយ៉ាងសកម្ម នារយៈពេលចុងក្រោយនេះ ដើម្បីបិទទូរទស្សន៍បរទេស ការកាត់សក់ និងសូម្បីតែពិធីខួបកំណើត។ របាយការណ៍បានបន្តថា “ក្រុមប្រតិបត្តិការស៊ើបអង្កេតគឺជាឧបករណ៍លាក់កំបាំង ដែលត្រូវបាន ប្រើប្រាស់ចាត់តាំងដោយរដ្ឋាភិបាល ដើម្បីសម្រេចបាននូវគោលបំណងចុងក្រោយរបស់ពួកគេ តាមការឃ្លាំមើលគ្រប់ទីកន្លែងទាំងអស់ក្នុងប្រទេស និងសមត្ថភាពក្នុងការត្រួតពិនិត្យយ៉ាងហ្មត់ចត់ សូម្បីតែចំពោះអ្នកស្រុកម្នាក់ៗ”។ ក្រុមសម្ងាត់ថ្មីរបស់លោក គីម ជុងអ៊ុន ទាំងនោះនឹងចុះចាប់ប្រជាជន ណាដែលមើលរឿងអាសអាភាស យកមកកាត់ទោសប្រហារជីវិតដោយគ្មានស្តាយស្រណោះ។
ជុំវិញដំណឹងទាំងនេះ មិនមានការឆ្លើយតបជាផ្លូវការពីសំណាក់រដ្ឋាភិបាលទីក្រុងព្យុងយ៉ាងនោះទេ។ កាលពីដើមខែមករាឆ្នាំ២០២៣នេះ រដ្ឋបាលលោកគីមបាននិយាយជាផ្លូវការថា បានប្រហារជីវិត និស្សិតបួននាក់ដែលត្រូវបានបណ្តេញចេញពីសាកលវិទ្យាល័យ និងបង្ខំឱ្យធ្វើការនៅក្នុងអណ្តូងរ៉ែធ្យូងថ្ម ដោយសារតែពួកគេបានរកឃើញសង្ស័យមើលទូរទស្សន៍បរទេសច្រើនពេក តាមរយៈការប្រើពាក្យ និយាយការបញ្ចេញសំឡេង ឬឃ្លាពីភាគខាងត្បូង៕
ប្រភព៖ Dailymail
ប្រភពរូប៖Dailymail
ប្រែសម្រួល៖សុខ តុលា
