ភ្នំពេញ៖របាយការណ៍លទ្ធផលបឋមនៃជំរឿនសេដ្ឋកិច្ចនៅព្រះរាជាណាចក្រកម្ពុជាឆ្នាំ២០២២ ដែលបានមកពីការធ្វើជំរឿនសេដ្ឋកិច្ច ស្ថិតក្នុងដំណាក់កាលនៃការរីករាលដាលជំងឺកូវីដ-១៩ បានបង្ហាញលទ្ធផលថា អង្គភាពសេដ្ឋកិច្ចមានចំនួនសរុប ៧៥៣,៦៧០ទីតាំងនៅឆ្នាំ២០២២ ក្នុងក្របខ័ណ្ឌទូទាំងប្រទេសកម្ពុជា។
ចំនួនអង្គភាពសេដ្ឋកិច្ចបានកើនទ្បើងប្រមាណជាង ១,៤ភាគរយ បើធៀបនឹងលទ្ធផលចុងក្រោយ នៃការធ្វើបញ្ជីអង្គភាពសេដ្ឋកិច្ចទូទាំងប្រទេសកម្ពុជានៅឆ្នាំ២០២១(មានចំនួនត្រឹមតែ ៧៤២,៩៤០ អង្គភាពសេដ្ឋកិច្ច។
ដោយទ្បែកចំនួនអង្គភាពសេដ្ឋកិច្ចនៅឆ្នាំ២០២២ បានកើនទ្បើងប្រមាណជាង៤៧ភាគរយ បើធៀបទៅនឹងលទ្ធផលជំរឿនសេដ្ឋកិច្ចនៅឆ្នាំ២០១១ (មានចំនួន៥០៥,១៣៤ អង្គភាពសេដ្ឋកិច្ច) ហើយនឹងបានកើនទ្បើងប្រមាណជាង ៤៥ភាគរយ បើធៀបទៅនឹងលទ្ធផលនៃទិន្នន័យអង្កេតចន្លោះជំរឿនសេដ្ឋកិច្ចនៅឆ្នាំ២០១៤។ ការកើនទ្បើងនេះបង្ហាញឱ្យឃើញអំពីការប្រែប្រួលរចនាសម្ព័ន្ធកំណើនសេដ្ឋកិច្ចនិងប្រជាជននិងភូមិសាស្ត្ររដ្ឋបាលគ្រប់គ្រងនៅថ្នាក់មូលដ្ឋាន(ភូមិឃុំ/សង្កាត់)នៅតាមរាជធានីខេត្ត ដែលមានប្រជាជនសរុបបានកើនទ្បើងជាង ១៦,៨លាននាក់ នៅឆ្នាំ២០១៩។
ចំពោះលទ្ធផលចុងក្រោយ ក្រសួងផែនការ នឹងគ្រោងធ្វើការប្រកាសផ្សព្វផ្សាយដាក់ឱ្យប្រើប្រាស់ក្នុងអំឡុងខែឧសភា ឬ ខែមិថុនា ឆ្នាំ២០២៣ ខាងមុខនេះ៕ដោយៈសិរីមតី