មេដឹកនាំអង្គការណាតូ លោក Jens Stoltenberg បានសន្យាថានឹងបើកភ្លើងខៀវសម្រាប់ការបញ្ជូនអាវុធធុនធ្ងន់ និងទំនើបទៅកាន់អ៊ុយក្រែន ក្នុងអំឡុងកិច្ចប្រជុំធំនៅចុងសប្តាហ៍នេះ។
លោក Stoltenberg បានប្រាប់ទីភ្នាក់ងារព័ត៌មាន Reuters នៅក្នុងបទសម្ភាសន៍មួយនៅខាងក្រៅវេទិកាសេដ្ឋកិច្ចពិភពលោក នាទីក្រុង Davos ប្រទេសស្វីសថា “នេះគឺជាពេលវេលាដ៏សំខាន់មួយនៅក្នុងសង្រ្គាម និងជាតម្រូវការកើនឡើងដ៏គួរឱ្យកត់សម្គាល់សម្រាប់ការគាំទ្រអ៊ុយក្រែន”។ លោក Stoltenberg បានដាក់មួយឃ្លាយ៉ាងខ្លីថា “ប្រសិនបើយើងចង់បានដំណោះស្រាយដោយសន្តិវិធីនៅថ្ងៃស្អែក យើងត្រូវផ្តល់អាវុធបន្ថែមទៀតនៅថ្ងៃនេះ”។
មេណាតូរូបនេះសន្យាថា នឹងអំពាវនាវឲ្យមេដឹកនាំការពារជាតិមកពីប្រទេសប្រមាណ ៥០ និងណាតូផ្សេងទៀតក្នុងកិច្ចពិភាក្សានៅឯមូលដ្ឋានទ័ពអាកាស Ramstein របស់ប្រទេសអាល្លឺម៉ង់នៅថ្ងៃសុក្រសប្តាហ៍នេះ ដើម្បីផ្តល់ការគាំទ្រតាមខ្លួន ផ្តោតសំខាន់បំផុតទៅលើរថក្រោះប្រយុទ្ធ Leopard 2 របស់អាល្លឺម៉ង់ ដែលទីក្រុងKyiv សង្ឃឹមថា វានឹងផ្លាស់ប្តូរជោគវាសនាអ៊ុយក្រែនក្នុងសង្រ្គាមជាមួយរុស្ស៊ី៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា