សហរដ្ឋអាម៉េរិកប្រកាសដាក់កំហិតទិដ្ឋាការលើជនជាតិបេឡារុសច្រើននាក់នៅសប្តាហ៍នេះ ក្រោមបញ្ហាសិទ្ធិមនុស្ស ចោទថារដ្ឋបាលលោក Alexander Lukashenko បានគាបសង្កត់ក្រុមបាតុករដោយសន្តិវិធី។
យោងតាមសេចក្តីថ្លែងការណ៍ដោយក្រសួងការបរទេសសហរដ្ឋអាម៉េរិកកាលពីថ្ងៃអង្គារ ការដាក់កំហិតទណ្ឌកម្មទិដ្ឋាការបានធ្វើឡើងលើជនជាតិបេឡារុស២៥នាក់ក្នុងជួររដ្ឋាភិបាល។ ទណ្ឌកម្មនេះនឹងរឹតត្បិតពួកគេពីសិទ្ធិសុំទិដ្ឋាការធ្វើដំណើរមកកាន់គ្រប់ទីកន្លែងទាំងអស់នៃសហរដ្ឋអាម៉េរិក ដើម្បីឆ្លើយតបនឹងការមិនគោរពសិទ្ធិមនុស្ស សិទ្ធិប្រជាជនបេឡារុស។ ក្រសួងបាននិយាយដោយផ្ទាល់ថា “យើងនឹងមិនឈរនៅស្ងៀមឡើយ ខណៈដែលរបបនេះនៅតែបន្តយាយី និងគាបសង្កត់ក្រុមបាតុករដោយសន្តិវិធី គណបក្សប្រឆាំងប្រជាធិបតេយ្យ អ្នកកាសែត សហជីព សកម្មជន អ្នកការពារសិទ្ធិមនុស្ស និងប្រជាជនបេឡារុសប្រចាំថ្ងៃ”។
នាយកដ្ឋាននេះបានលើកឡើងពី “ការកាត់ក្តីដោយចេតនានយោបាយកំបាំងមុខ” លើសកម្មជន Sviatlana និង “សកម្មជនប្រជាធិបតេយ្យផ្សេងទៀតលើការចោទប្រកាន់ដោយគ្មានមូលដ្ឋាន” ថាជាភស្តុតាងនៃការកាត់ផ្តាច់សេរីភាព ដែលរដ្ឋបាលលោកប្រធានាធិបតី Lukashenko បានធ្វើសម្រាប់ពលរដ្ឋរបស់ប្រទេសបេឡារុស។ ក្រសួងអាម៉េរិកបានបន្ថែមទៀតថា “យើងនឹងបន្តប្រើឧបករណ៍សមស្របទាំងអស់ដើម្បីរក្សាគណនីអ្នកនៅក្នុងប្រទេសបេឡារុសដែលកំពុងឈរនៅក្នុងផ្លូវនៃសេចក្តីប្រាថ្នាប្រជាធិបតេយ្យរបស់ពួកគេ”៕
ប្រភព៖ ALJAZEERA
ប្រភពរូប៖ ALJAZEERA
ប្រែសម្រួល៖សុខ តុលា