មន្រ្តីអ៊ុយក្រែនម្នាក់បានដាក់ការវាយតម្លៃថា រុស្ស៊ីអាចមានផ្លូវ២យ៉ាងក្នុងការដណ្តើមជ័យជម្នះ បើទោះបីផ្លូវនោះធ្លាប់បរាជ័យហើយក៏ដោយ។
លោក Yehor Cherniev ដែលជាសមាជិកសភាអ៊ុយក្រែន បានដាក់ការព្រមាន២យ៉ាង ដែលអាចធ្វើឲ្យរុស្ស៊ីទទួលបានជ័យជម្នះ។ វិធីទី១ ពូទីនអាចវាយប្រហារទីក្រុងគៀវជាថ្មី ដែលជារដ្ឋធានីធំរបស់អ៊ុយក្រែន មានការិយាល័យរដ្ឋាភិបាលស្ថិតនៅ។ មន្រ្តីរូបនេះបាននិយាយថា ទោះបីជាវិធីទី១ធ្លាប់បានបរាជ័យហើយក៏ដោយ តែបើរុស្ស៊ីធ្វើបាននោះពួកគេនឹងទទួលបានជ័យជម្នះយ៉ាងឆាប់ គ្រប់គ្រងលើអ៊ុយក្រែនយ៉ាងពេញលេញ។ នៅក្នុងសេណារីយ៉ូទី២ រុស្ស៊ីអាច “បើកការវាយលុកគោលដៅមួយចំនួន” នៅភាគខាងលិចអ៊ុយក្រែន ដើម្បីកាត់ផ្តាច់ផ្លូវដឹកជញ្ជូនដែលភ្ជាប់អ៊ុយក្រែនទៅកាន់អឺរ៉ុបជាច្រើន ដែលបានផ្តល់ជំនួយផ្នែកយោធា និងសេដ្ឋកិច្ចសំខាន់ៗពេញមួយសង្រ្គាមកន្លងមកនេះ។
ក្នុងការវាយតម្លៃយុទ្ធសាស្រ្តនេះ លោក Seth Jones នាយកកម្មវិធីសន្តិសុខអន្តរជាតិ និងគម្រោងការគំរាមកំហែងឆ្លងដែននៅមជ្ឈមណ្ឌលសម្រាប់ការសិក្សាយុទ្ធសាស្ត្រ និងអន្តរជាតិ បានច្រានចោល ដោយប្រាប់កាសែត Newsweek កាលពីថ្ងៃអង្គារថា យុទ្ធសាស្ត្រនេះទំនងជាមិនអាចសម្រេចបានសម្រាប់លោកពូទីនឡើយ។ នោះគឺជាយុទ្ធសាស្ត្រចាស់របស់រុស្ស៊ីកាលពីខែកុម្ភៈ ឆ្នាំ ២០២២”។ “ពួកគេមិនអាចធ្វើបានដោយជោគជ័យទេកាលនោះ ហើយក៏នឹងមិនអាចប្រើការកើតទៀតដែរ”។ ពួកគេមិនមានសមត្ថភាពក្នុងការរួមបញ្ចូលគ្នានូវអាវុធ ការបញ្ជា និងការគ្រប់គ្រង ដឹកជញ្ជូននោះទេ។ ពិសេសជាងនេះ រូបភាពពីផ្កាយរណប ក៏មិនបានបង្ហាញថា រុស្ស៊ីបានកសាងកងកម្លាំងថ្មី ក្នុងការប៉ុនប៉ងដណ្តើមយកកន្លែងណាផ្សេងភ្លាមៗដែរ៕
ប្រភព៖ REUTERS
ប្រភពរូប៖REUTERS
ដោយ៖សុខ តុលា