បន្ទាប់ពីការវាយប្រហាររបស់រុស្ស៊ីទៅលើប្លុកអគារលំនៅដ្ឋានក្នុងទីក្រុង Dnipro អ៊ុយក្រែនភាគខាងត្បូង និងកណ្តាល អភិបាលតំបន់បានរាយការណ៍ចុងក្រោយថា អ្នកស្លាប់បានកើនឡើងដល់៣០នាក់ ខណៈជាច្រើននាក់កំពុងជាប់ក្រោមគំនរបាក់បែក។
ទីប្រឹក្សាអភិបាលតំបន់អ៊ុយក្រែន លោកស្រី Natalia Babachenko បាននិយាយនៅយប់ថ្ងៃអាទិត្យថា មនុស្សចំនួន ៣០នាក់ ត្រូវបានបញ្ជាក់ថាបានបាត់បង់ជីវិតអស់ហើយ បន្ទាប់ពីប្លុកអគារផ្ទះល្វែងមួយកន្លែងក្នុងទីក្រុង Dnipro ត្រូវបានវាយប្រហារដោយមីស៊ីលរុស្ស៊ីដ៏ធំមួយ។ មនុស្សជាង ៣០ នាក់កំពុងសម្រាកនៅមន្ទីរពេទ្យ ក្នុងនោះមាន ១២ នាក់កំពុងស្ថិតក្នុងស្ថានភាពធ្ងន់ធ្ងរ។ ចំណែកឯប្រតិបត្តិការរុករកកំពុងធ្វើឡើងជាបន្តបន្ទាប់ មនុស្សចន្លោះពី ៣០ ទៅ ៤០ នាក់ ត្រូវបានគេប៉ាន់ស្មានថាអាចជាប់នៅក្រោមគំនរបាក់បែក។ បើតាមលោកប្រធានាធិបតីហ្សេឡិនស្គី ផ្ទះល្វែងប្រហែល ៧២ ខ្នងត្រូវបានបំផ្លាញទាំងស្រុង និងជាង ២៣០ រងការខូចខាត រួមទាំងអគារកម្ពស់៩ជាន់ផងដែរ។
ជាការអន្តរាគមន៍ លោកស្គីបានអំពាវនាវឲ្យបុគ្គលិកសង្រ្គោះខិតខំឲ្យអស់ពីលទ្ធភាព ទោះបីមានឧបសគ្គអាកាសធាតុត្រជាក់ក៏ដោយ ។ Zelenskyy បាននិយាយថា “យើងបន្តតស៊ូដើម្បីគ្រប់ជីវិត” ។ “សូមចូលរួមរំលែកទុក្ខដល់សាច់ញាតិ និងមិត្តភ័ក្តិទាំងអស់នៃជនរងគ្រោះ”៕
ប្រភព៖ ALJAZEERA
ប្រភពរូប៖ALJAZEERA
ប្រែសម្រួល៖សុខ តុលា