ភ្នំពេញ៖កម្មវិធីប្រកួត Think!Think! World cup ថ្នាក់ជាតិ ត្រូវបានប្រារព្ធធ្វើនៅថ្ងៃទី១៤ ខែមករា នៅមជ្ឈមណ្ឌល សហប្រតិហត្តិការកម្ពុជា ជប៉ុន CJCC ដែលកម្មវិធីនេះ ជាផ្នែកមួយនៃខួប ៧០ឆ្នាំ នៃទំនាក់ទំនងការទូតរវាង កម្ពុជានិងជប៉ុន។
ព្រឹត្តិការណ៍នេះរៀបចំឡើងដោយក្រសួងអប់រំ យុវជន និងកីឡា JICA និងស្ថានទូតជប៉ុន ដើម្បីលើកទឹកចិត្តសិស្សានុ សិស្សកាន់តែច្រើន ក្នុងប្រទេសកម្ពុជា ឱ្យរៀន STEMតាំងពីវ័យកុមារជាមួយនឹងបច្ចេកវិទ្យាអប់រំ ពីប្រទេសជប៉ុន។សិស្សប្រមាណ ៤០០០នាក់បានចូលរួមការប្រកួត ហើយពួកគេបានប្រកួតប្រជែងជំនាញ STEM របស់ពួកគេ ជាមួយគ្នានៅលើកម្មវិធី Think!Think! ដែល JICA នាំយកមកកម្ពុជា។
ឯកឧត្តម បណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានមានប្រសាសន៍ថា“វាពិតជាមានសារៈសំខាន់ណាស់ក្នុងការរៀន STEM តាំងពីកុមារភាព និងអភិវឌ្ឍ បំណិនសតវត្សរ៍ទី ២១ នៅក្នុងសង្គមដែលផ្លាស់ប្តូរយ៉ាងឆាប់រហ័សនេះ។ Think!Think! WorldCup គឺជាឱកាសដ៏ល្អដែលអាចទាញ ចំណាប់អារម្មណ៍សិស្សានុសិស្ស ឲ្យចាប់អារម្មណ៍លើ STEM។
លោកស្រី ហារ៊ុកុ កាមិអិ ប្រធានតំណាង JICA ប្រចាំកម្ពុជា មានប្រសាសន៍ថា Think!Think! គឺជាសេវាកម្មអប់រំរបស់ប្រទេសជប៉ុនដ៏លេចធ្លោមួយ ដែលត្រូវបានទទួលស្គាល់យ៉ាងច្បាស់លាស់ សម្រាប់កម្មវិធី EdTech (បច្ចេកវិទ្យាអប់រំ)ដ៏ល្អឥតខ្ចោះសម្រាប់កុមារនៅក្នុងប្រទេសជប៉ុននិងនៅទូទាំងពិភពលោក។មិនត្រឹមតែកម្មវិធីThinkThink!ប៉ុណ្ណោះទេប៉ុន្តែសកម្មភាពពាក់ព័ន្ធនឹងវប្បធម៌ជប៉ុនជាច្រើនដូចជាការបង្ហាញការកាត់ត្រីសាលម៉ុនត្រូវបានរៀបចំឡើងហើយសិស្សជាច្រើនបានចូលរួមរីករាយក្នុងអំឡុងពេលព្រឹត្តិការណ៍នេះ។
Think!Think! ជាកម្មវិធីមកពីប្រទេសជប៉ុនដើម្បីអភិវឌ្ឍជំនាញ STEM និង ជំនាញសតវត្សរ៍ទី ២១ របស់ សិស្ស។ វាមានភាពល្បីល្បាញដោយសារការទទួលបានពានរង្វាន់កម្មវិធីអប់រំលេខ 1 របស់ប្រទេសជប៉ុននិង កម្មវិធីល្អបំផុតរបស់ Google សម្រាប់កុមារ។វាមានអ្នកប្រើប្រាស់ជាង២០ម៉ឺននាក់នៅទូទាំងពិភពលោក។កម្មវិធីនេះត្រូវបានប្រើប្រាស់ក្នុងវិស័យអប់រំសាធារណៈក្នុងប្រទេសកម្ពុជាតាំងពីឆ្នាំ២០១៨ដោយមានការគាំទ្រពី JICA ។ បច្ចុប្បន្ននេះ សិស្សានុសិស្សចំនួន ៤០០០ នាក់នៅក្នុងសាលារដ្ឋចំនួន៩ ក្នុងខេត្តចំនួន៦និងមជ្ឈមណ្ឌលសិក្សាចំនួន១ នៅរាជធានីភ្នំពេញប្រើប្រាស់កម្មវិធីនេះ។ Think!Think! Worlcup ថ្នាក់ជាតិនឹងធ្វើឡើងជារៀងរាល់ឆ្នាំចាប់ពីពេលនេះតទៅ៕