ប្រែសម្រួល៖ Rith KongKea
កីឡាករចំណូលថ្មី Joao Felix ទទួលបានកាតក្រហមក្នុងការបង្ហាញខ្លួនលើកដំបូងឲ្យ Chelsea ខណៈក្រុមទទួលរងបរាជ័យក្នុងលទ្ធផល 2-1 នៅលើទឹកដី Fulham បានបង្កើនសម្ពាធបន្ថែមទៀតលើលោក Graham Potter ដែលជាគ្រូបង្វឹកក្រុមតោខៀវ។
ខ្សែប្រយុទ្ធវ័យក្មេង សញ្ជាតិព័រទុយហ្គាល់ បានចូលរួមជាមួយក្លឹប Chelsea ក្នុងលក្ខខណ្ឌខ្ចីជើងកាលពីថ្ងៃពុធ ហើយបានចាប់ផ្តើមបង្ហាញខ្លួនលើកដំបូងឲ្យតោខៀវយប់មិញនេះ ប៉ុន្តែគេលេងបានត្រឹមតែ 58 នាទីប៉ុណ្ណោះដោយរូបគេបានធ្វើឲ្យមានកំហុសទៅលើ Kenny Tete ត្រូវអាជ្ញាកណ្ដាលសម្រេចចិត្តផ្ដល់កាតក្រហមបណ្ដេញចេញពីការប្រកួតតែម្ដង។
បច្ចុប្បន្ន Chelsea កំពុងឈរនៅលេខ ១០ នៃលីគកំពូលអង់គ្លេស ដែលធ្វើឲ្យតំណែងរបស់លោក Graham Potter កាន់តែក្ដៅ៕
