ភ្នំពេញ៖ សមាគមអ្នកអភិវឌ្ឍន៍ដីឡូត៍កម្ពុជា បានចូលរួមអបអរសាទរចំពោះអ្នកឧកញ៉ាគិត ម៉េង ដែលបានជាប់ឆ្នោតជាប្រធានសភាពាណិជ្ជកម្មរាជធានីភ្នំពេញ អាណត្តិទី៤ លើកទី២ និងជាប្រធានសភាពាណិជ្ជកម្មកម្ពុជាអាណត្តិទី៥។
លោកឧកញ៉ា ម៉ន សុខា ប្រធានសមាគមអ្នកអភិវឌ្ឍន៍ដីឡូត៍បានឲ្យដឹងថា ខ្ញុំបាទ ព្រមទាំងថ្នាក់ដឹកនាំ និងសមាជិក សមាជិកា នៃសមាគមអ្នកអភិវឌ្ឍន៍ដីឡូត៍កម្ពុជា សូមសម្តែងនូវអំណរសាទរប្រកបដោយមនោសញ្ចេតនាយ៉ាងជ្រាលជ្រៅក្នុងឱកាសដែល អ្នកឧកញ៉ា គិត ម៉េង ត្រូវបានផ្តល់សេចក្តីទុកចិត្តពីសំណាក់សមាជិក សមាជិកា តាមរយៈការបោះឆ្នោតបន្តគាំទ្រ ជាប្រធានសភាពាណិជ្ជកម្មរាជធានីភ្នំពេញ អាណត្តិទី៤ លើកទី២ និងជាប្រធានសភាពាណិជ្ជកម្មកម្ពុជា អាណត្តិទី៥ សម្រាប់រយៈពេល៣ឆ្នាំបន្តទៀត នាថ្ងៃទី១១ ខែមករា ឆ្នាំ២០២៣ នេះ។
សូម ជូនពរ អ្នកឧកញ៉ា និង លោកជំទាវ ព្រមទាំងក្រុមគ្រួសារជាទីស្រឡាញ់ ជួបប្រទះតែសេចក្តីសុខ សុភមង្គល និង ប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ និង ពលៈ កុំបីឃ្លៀងឃ្លាតឡើយ៕