កំពង់ស្ពឺ៖ជំនន់ទឹកភ្លៀងជន់លិចយ៉ាងខ្លាំងនៅស្រុកចំនួន២ក្នុងខេត្តកំពង់ស្ពឺ ត្រូវអាជ្ញាធរមានសមត្ថកិច្ចបានផ្អាកបណ្ដោះអាសន្នចំពោះរថយន្តធំចរាចរលើផ្លូវជាតិលេខ៤៤ ឆ្លងកាត់ស្រុកថ្ពង។
មន្ត្រីនគរបាលខេត្តបានឱ្យដឹងថា ទឹកភ្លៀងជន់លិចក្នុងខេត្ដកំពង់ស្ពឺនាព្រឹកថៃ្ងទី១២ ខែមករានេះ សូមឱ្យប្រជាពលរដ្ឋត្រូវប្រុងប្រយ័ត្នខ្ពស់ចំពោះសុវត្ថិភាព ពិសេសកូនចៅតូចៗ ទ្រព្យសម្បត្ដិនិងសត្វពាហនៈ។ក្នុងនោះភ្លៀងបង្កការជន់លិចនៅតំបន់មួយចំនួនក្នុងស្រុកថ្ពងនិងស្រុកឱរ៉ាល់។
មន្ត្រីដដែលបានបន្តថា កងកម្លាំងនគរបាលបាននិងកំពុងម្ចាស់ការលើហេតុការណ៍ទាំងនេះដោយការទទួលខុសត្រូវខ្ពស់។នៅព្រឹកថ្ងៃទី១២ ខែមករានេះ លើកំណាត់ផ្លូវជាតិលេខ៤៤ ឆ្លងកាត់ស្រុកថ្ពងក៏ត្រូវបានសមត្ថកិច្ចផ្អាកមិនឲ្យចរាចរជាបណ្ដោះអាសន្នចំពោះរថយន្ដធុនធំដឹកសម្ភារធ្ងន់៕ដោយ៖វិចិត្រ