កណ្ដាល៖អគ្គិភ័យបានឆេះបំផ្លាញផ្ទះមួយខ្នងជាមួយសម្ភារទ្រព្យសម្បត្តិអស់ទាំងស្រុងនៅភូមិទួលព្រិច ឃុំជ្រៃលាស់ ស្រុកពញាឮ ខេត្តកណ្តាល កាលពីល្ងាចថ្ងៃទី៩ ខែមករា។
មន្ត្រីនគរបាលស្រុកពញាឮបានឱ្យដឹងថា ផ្ទះដែលត្រូវអគ្គិភ័យឆាបឆេះនោះមានទំហំ៦ម៉ែត្រគុណ៨ម៉ែត្រ សង់ពីឈើប្រក់ស័ង្កសី ថ្មខាងក្រោម ម្ចាស់ឈ្មោះ វូ សាវី និងប្រពន្ធឈ្មោះ អ៊ន ចាន់នន។ក្នុងគ្រោះអគ្គិភ័យនេះបណ្ដាលឱ្យខូចខាត-សម្ភារប្រើប្រាស់និងទ្រព្យសម្បត្តិជាច្រើនជាមួយផ្នែកខាងលើនិងផ្ទះបាយបានឆេះអស់ទាំងស្រុង។ក្នុងនោះមានប្រាក់ដុល្លារចំនួន៧.០០០ដុល្លារនិងលុយខ្មែរចំនួន១.២០០.០០០រៀល។
ពេលកំពុងភ្លើងឆេះ កម្លាំងនគរបាលស្រុកពញាឮ សហការជាមួយកម្លាំងនគរបាលស្រុកឧដុង្គ បានទៅជូយអន្តរាគមន៍ពន្លត់ដោយប្រើប្រាស់រថយន្តពន្លត់អគ្គិភ័យបាញ់ទឹកចំនួន២គ្រឿង។មូលហេតុបង្កជាអគ្គិភ័យខាងលើនេះគឺបណ្ដាលមកពីផ្ទុះចង្ក្រានហ្គាស៕ដោយ៖វិចិត្រ
