ភ្នំពេញ៖លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអះអាងថា លោក នឹងធ្វើការយ៉ាងជិតស្និទ្ធជាមួយរដ្ឋមន្ត្រីក្រសួងពាណិជ្ជកម្ម ដើម្បីជំរុញបន្ថែមទៅលើការផ្សព្វផ្សាយ និងការស្វែងរកទីផ្សារសម្រាប់ផលិតផលកសិកម្ម របស់ប្រជាកសិករកម្ពុជា។
លោករដ្ឋមន្ត្រីបានថ្លែងដូច្នេះក្នុងសន្និសីទសារព័ត៌មាន ស្ដីពី «ទស្សនទាន ក្នុងវិស័យកសិកម្មនៅកម្ពុជា» នាព្រឹកថ្ងៃទី ៥ ខែមករា ឆ្នាំ ២០២៣។
លោកបានបន្តថា៖សម្រាប់នាពេលខាងមុខនេះ ក្រសួងកសិកម្ម រុក្ខាប្រមាញ់ និងនេសាទ នឹងដើរតួជាអ្នកសម្របសម្រួលនូវគ្រប់តួអង្គទាំងអស់ នៅក្នុងខ្សែសង្វាក់ផលិតកម្ម និងតួអង្គនានា ក្នុងជួររាជរដ្ឋាភិបាលផងដែរ៕ដោយៈផាវី