ស្រ្តីជនជាតិអូស្រ្តាលីម្នាក់កំពុងឈឺចាប់ខ្លាំងនៅស្នាមរបួសមេដៃ ក្រោយទៅទទួលសេវាកម្មកាត់ក្រចកនៅហាងសាឡន បែរជាត្រូវកាត់ខុសបច្ចេកទេសកាត់ដាច់ឆ្អឹងម្រាម។
ស្រ្តីរូបនេះមានឈ្មោះថា ស៊ូ (Sue) អាយុ ៤៨ ឆ្នាំជាអ្នកស្រុករស់នៅទីក្រុង Perth ភាគខាងលិចប្រទេសអូស្រ្តាលី។ នាងបានចេញមុខប្រាប់អ្នកកាសែត Nine News ថា នាងបានទៅកាត់ក្រចកនៅសាឡនមួយកន្លែងស្ថិតក្នុងទីក្រុងដែលនាងរស់នៅកាលពីពីរឆ្នាំមុន តែជាអកុសលត្រូវបានជាងកាត់ជ្រុលខ្វះបច្ចេកទេសកាត់ដាច់ឆ្អឹងម្រាម និងបានបន្សល់ទុកនូវការឈឺចាប់រយៈពេល២ឆ្នាំ។ នាងបានប្រាប់ថា នាងនឹងដាក់ពាក្យប្តឹងតាមផ្លូវច្បាប់ចាត់កាត់ហាងសាឡននោះ ដែលមិនគោរពតាមស្តង់ដារអនាម័យ។
នាងបានរំលឹកហេតុការណ៍នាពេលនោះថា នៅពេលជាងបានដាក់ថ្នាំក្រចកត្រាំដៃរួចហើយ គេក៏បានបន្តកាត់រហូតមិនដឹងថាជាដៃ តែម្ចាស់សាមីខ្លួនរូបនាងបានប្រាប់ទៅកាន់ជាងក្រចកដែរ តែពួកគេនៅតែបន្តកាត់រហូតដល់ដៃឆ្អឹង។ ភ្លាមៗនាងបានទៅមន្ទីរពេទ្យសម្រាករបួសរយៈពេល៥ថ្ងៃ៕
ប្រភព៖ Daily Mail
