ភ្នំពេញ៖ ហូម ឌូខេសិន (Home-Ducation) ដែលជាសហគ្រាសបណ្តុះបណ្តាលផ្នែកអាជីវកម្ម កាលពីថ្ងៃទី៣០ ខែវិច្ឆិកា ឆ្នាំ២០២២បានរៀបចំសិក្ខាសាលាមួយស្តីពី«តិចនិចនៃការតភ្ជាប់ទំនាក់ទំនងដើម្បីជំរុញអាជីវកម្ម» នៅរាជបណ្ឌិត្យសភា ដោយមានការចូលរួមពីម្ចាស់អាជីវកម្មជាង១០០នាក់មកពីរាជធានីភ្នំពេញនិងបណ្តាខេត្ត។
សិក្ខាសាលានេះ មានគោលបំណងចែករម្លែកចំណេះដឹង បទពិសោធន៍ អំពីតិចនិកនិងយុទ្ធសាស្ត្រនៃការលក់ ការបង្កើតទំនាក់ទំនងដើម្បីពង្រីកវិសាលភាពអាជីវកម្មនិងស្វែងរកដោះស្រាយបញ្ហាអាជីវកម្មផ្ទាល់ខ្លួនជាមួយអ្នកជំនាញ។
វាគ្មិនល្បីឈ្មោះ និង មានបទពិសោធន៍ច្រើនឆ្នាំដែលអញ្ជើញចូលរួមចែករម្លែកចំណេះដឹងនៅក្នុងសិក្ខាសាលានេះរួមមាន ៖ លោក អ៊ុំ សារ៉ាវុធ ស្ថាបនិកនិងជាអគ្គនាយកក្រុមហ៊ុនU.S.R.V Group Co.,Ltd លោក លន់ បុរី ស្ថាបនិក E-School Cambodia និងលោក សាន ឬទ្ធី ប្រធានគ្រប់គ្រងក្រុមហ៊ុន Acclime Cambodia។
លោក កឹម អឿន ស្ថាបនិក Home Ducation បានមានប្រសាសន៍ថា៖សិក្ខាសាលាស្ដីពីតិចនិចនៃការតភ្ជាប់ទំនាក់ទំនងដើម្បីជំរុញអាជីវកម្មនេះជាវេទិកាដើម្បីជួបគ្នារៀនសូត្រពីគ្នា ទៅវិញទៅមក ស្ដាប់ការប្រឹក្សាយោបល់ពីគ្រូឧទ្ទេសនិងបង្កើតទំនាក់ទំនងគ្នាដើម្បីធ្វើឲ្យអាជីវកម្មរឹងជាងមុននិងកាន់តែរីកចម្រើន។វាគ្មិនមានមានគន្លឹះល្អៗជួយអាជីវកម្មឱ្យដើរទៅមុខ។លោករំពឹងថាសិក្ខាកាមនឹងអាចពង្រីកអាជីវកម្មឲ្យរឹងមាំនិងគ្រប់គ្រងបានល្អ។
លោកបានបន្ថែមថា៖ Home Ducation មានទស្សនៈវិស័យចង់ឱ្យសហគ្រិនក្លាយពី«អាជីវកម្ជាម្ចាស់ទៅជាម្ចាស់អាជីវកម្ម»។មានន័យថាដើម្បីប្រែក្លាយទៅជាម្ចាស់ជីវកម្មមានសមត្ថភាពគ្រប់គ្រងអាជីវកម្មបានល្អហើយចក្ខុវិស័យរបស់ហូមឌូខេសិន៖រស់ពីលើលុយរស់ពីលើចិត្តនិងចង់ឲ្យមនុស្សពូកែបីគឺរស់នៅជាមួយទំនាក់ទំនងជាមួយមនុស្ស ការលក់និងអាចគ្រប់គ្រងហិរញ្ញវត្ថុបានល្អ។
លោកបានបន្តថា៖អត្ថប្រយោជន៍បីសំខាន់ៗដែលសិក្ខាកាមនឹងទទួលបានទីមួយ៖យល់ដឹងអំពីតិចនិកនៃការលក់។ទីពីរ៖បង្កើតទំនាក់ទំនងដើម្បីពង្រីកវិសាលភាពអាជីវកម្មនិងទី៣៖អាចដោះស្រាយបញ្ហាអាជីវកម្មផ្ទាល់ខ្លួនជាមួយអ្នកជំនាញ។
លោក អ៊ុំ សារ៉ាវុធ ស្ថាបនិកនិងជាអគ្គនាយកក្រុមហ៊ុនU.S.R.V Group Co.,Ltd បានមានប្រសាសន៍ថា៖«ការធ្វើទំនាក់ទំនងត្រូវតែហ៊ាន ព្រោះវាជាផ្នែកមួយដ៏សំខាន់ក្នុងការលក់រកចំណូលឲ្យក្រុមហ៊ុន។អាជីវកម្មមួយ ការលក់សំខាន់ណាស់បើលក់មិនបានមានន័យថាអាជីវកម្មនឹងស្លាប់»។
លោកក៏បានចែករំលែកពីបទពិសោធន៍ជាក់ស្ដែងក្នុងការដោះស្រាយបញ្ហានិងការគ្រប់គ្រងគ្រុមហ៊ុននិងគន្លឹះនៃការថែរក្សាឱ្យក្រុមហ៊ុនដំណើរការទៅមុខនិងទទួលបានភាពរីកចម្រើន ព្រមទាំងបង្ហាញពីតិចនិក និងយុទ្ធសាស្ត្រលើជំនាញផ្នែកទំនាក់ទំនង និងទីផ្សារជូនទៅម្ចាស់អាជីវកម្ម។
ចំណែកលោកសាស្ត្រាចារ្យ លន់ បុរី សហស្ថាបនិកE- School Cambodia ដែលបានអញ្ជើញមកចែករំលែកពីយុទ្ធសាស្ត្រនៃការលក់និងការជំរុការងារផ្នែកលក់ឲ្យទទួបានលទ្ធផលល្អនោះ បានមានប្រសាសន៍ថា៖អាជីវកម្មមួយរីកចម្រើនទៅបានអាស្រ័យលើទីផ្សារនិងផ្នែកលក់ដែលជាចំណែកមួយដ៏សំខាន់។ក្នុងនាមជាទីផ្សារនិងអ្នកលក់គឺត្រូវច្បាស់ទាំងកត្តាខាងក្នុងនិងកត្តាខាងក្រៅ។លោកបានឲ្យនិយមន័យ «ការលក់»គឺស្មើនឹង«លេខ» ដែលមានន័យថាត្រូវមានភាពច្បាស់លាស់។
លោកវេជ្ជបណ្ឌិត យិន រដ្ឋា សហស្ថាបនិកនៃមន្ទីរពហុព្យាបាលនិងសម្ភពអេម៉ានៅតំបន់ស្វាយជ្រុំ ដែលជាសិក្ខាកាមមួយរូប បានឱ្យដឹងថា ក្រោយពីស្តាប់វាគ្មិនចែករម្លែក លោកទទួលបានថា៖តិចនិចនៃការភ្ជាប់ទំនាក់ទំនងដើម្បីជំរុញការលក់មានសារៈសំខាន់ណាស់។អាជីវកម្មមួយបើមិនមានផ្នែកលក់ គឺស្មើនឹងអាជីវកម្មអត់ដំណើរការ។ដើម្បីឲ្យអាជីវកម្មទៅមុខនិងរក្សានិរន្តរភាពបានយូរ ទាមទារឲ្យក្រុមលក់ខ្លាំង។
លោកបានបន្តថា៖«នៅថ្ងៃនេះខ្ញុំបានទទួលចំណេះដឹងជាច្រើនពីវាគ្មិនទាក់ទងទៅនឹងផ្នែកលក់និងការភ្ជាប់ទំនាក់ទំនងក្នុងការធ្វើអាជីវកម្ម។អ្វីដែលខ្ញុំទទួលបាននៅថ្ងៃនេះសឹងតែហួសពីអ្វីដែលខ្ញុំរំពឹងទុកពីមុនមក។ខ្ញុំនឹងយកបទពិសោធន៍ចំណេះដឹងទាំងអស់ទៅអនុវត្តនៅក្នុងគ្លីនិកនិងចែករំលែកដល់ក្រុមការងាររបស់ខ្ញុំដើម្បីឲ្យស្ថាប័នរបស់ខ្ញុំមានភាពរឹងមាំនិងរីកចម្រើន»។
កញ្ញាឈឹម ស្រីល័ក្ខ អគ្គលេខាធិការសហគមន៍អាជីវកម្មហូមឌូខេសិនហៅកាត់ថា HBC(HOME-DUCATION BUSINESS COMMUNITY)បានឱ្យដឹងថា៖អេចប៊ីស៊ីមានចក្ខុវិស័យចង់ជួយម្ចាស់ជីវកម្មទាំងអស់អាចរស់ពីលើអាជីវកម្មនិងដើម្បីឲ្យគាត់ក្លាយជាម្ចាស់អាជីវកម្មពិតប្រាកដ។ទី២៖ មិនចង់ឲ្យមានការដណ្ដើមផលប្រយោជន៍គ្នា តែចង់កៀគរម្ចាស់ជីវកម្មទាំងអស់ដើម្បីចែកផលប្រយោជន៍គ្នា។អ្នកចូលរួមជាមួយ HBC ទទួលបាននូវអត្ថប្រយោជន៍ជាច្រើនដូចជាការធ្វើបណ្តាញ Networking និងទទួលយកដំណោះស្រាយដ៏ជាក់លាក់ពីគ្រូដែលមានចំណេះ ជំនាញនិងបទពិសោធន៍។
កញ្ញា បានបន្តថា៖ការចូលជាសមាជិកHBCនឹងទទួលបានអត្ថប្រយោជន៍ជាច្រើនដូចជា៖
1. ទទួលបានព័ត៌មានសេដ្ឋកិច្ចទាំងក្នុងប្រទេស តំបន់ និងក្រៅប្រទេស (Local, Regional and International Business News)
2. មានឱកាសចូលរួមក្នុងវេទិកាអភិវឌ្ឍអាជីវកម្មជាច្រើន (Business Forum)
3. ឱកាសនៃការភ្ជាប់ទំនាក់ទំនងជាមួយម្ចាស់អាជីវកម្មផ្សេងទៀត (Business Networking)
4. ចូលរួមវគ្គបណ្តុះបណ្តាលល្អៗមួយចំនួនរបស់ហូម-ឌូខេសិនដោយឥតគិតថ្លៃ (Business Training)
5. មានឱកាសធ្វើទស្សនៈកិច្ចសិក្សានៅក្រៅប្រទេស (Oversea Study Tours)
ដោយៈសិរីមតី