ភ្នំពេញ៖ភ្ញៀវទេសចរអន្តរជាតិដែលបានមកទស្សនាប្រទេសកម្ពុជា ក្នុងរយៈពេល១០ខែ ចាប់ពីខែមករាដល់ខែតុលា ឆ្នាំ២០២២ គឺមានចំនួនសរុប១,៥៧៥,៩៥៤នាក់ កើនឡើង៩៩១.១ភាគរយ បើធៀបនឹងរយៈពេល១០ខែដូចគ្នានៃឆ្នាំ២០២១»។ នេះបើតាមរបាយការណ៍របស់ក្រសួងទេសចរណ៍នាថ្ងៃទី៣០ ខែវិច្ឆិកា ឆ្នាំ២០២២នេះ។
របាយការណ៍បានបន្តថា ក្នុងរយៈពេល១០ខែនេះ ភ្ញៀវទេសចរអន្តរជាតិមកតាមផ្លូវអាកាសចំនួន ៥៥៩,៩១៨នាក់កើនឡើង៧០៦.៦ភាគ រយ។ផ្លូវគោក១,០០៥,៥៤៩នាក់ កើនឡើង១២៤០.៤ភាគរយនិងផ្លូវទឹក ១០,៤៨៧នាក់ កើនឡើង៥២៤២៥០ភាគរយ ខណៈនៅឆ្នាំ២០២១មានតែ២នាក់ប៉ុណ្ណោះ។
របាយការណ៍របស់ក្រសួងទេសចរណ៍បានបន្ថែមទៀតថាទីផ្សារទេសចរកំពូលទាំង១០ដែលមានភ្ញៀវមកទស្សនាប្រទេសកម្ពុជាច្រើន ជាងគេរួមមាន៖១.ថៃ ៥៩០,៩៨៤នាក់,២. វៀតណាម ៣៤១,៩៥៣នាក់,៣-ចិន ៧៥,៩១៥នាក់,៤. សហរដ្ឋអាមេរិក ៦០,៩០៣នាក់,៥. ឡាវ ៥៩,៣៦៨នាក់,៦. ឥណ្ឌូណេស៉ី ៥៩,១២២នាក់,៧.កូរ៉េខាងត្បូង ៤៣,១៧៨នាក់,៨. ម៉ាឡាស៉ី ៤០,១៨៤នាក់,៩. បារាំង ៣៧,១៥៣នាក់និង១០. ចក្រភពអង់គ្លេស ២៨,៥០៥នាក់។
ចំពោះភ្ញៀវទេសចរកម្ពុជាដែលបានធ្វើដំណើរចេញក្រៅប្រទេសមានចំនួន៦៦១,០៧៣នាក់ កើនឡើង៣២៧៦.៣ភាគរយ ក្នុងរយៈពេល១០ខែនៃឆ្នាំ២០២២ដូចគ្នានេះ។របាយការណ៍ដដែលបានបន្តទៀតថា ភ្ញៀវទេសចរជាតិមានចំនួន៩,៤៧១,០៣៤នាក់ កើនឡើង២០៩.៨ភាគរយ និងភ្ញៀវបរទេសផ្ទៃក្នុងចំនួន១,៣៨៤,៤៩៨នាក់ កើនឡើង៦១៦.៧ភាគរយ៕ដោយៈផាវី