ទោះបីជាមានដំណឹងថា រុស្ស៊ីគ្រោងនឹងដកទ័ពចេញពីរោចក្រថាមពលនុយក្លេអ៊ែរក៏ដោយ ប្រធានាធិបតីអ៊ុយក្រែនបានវាយតម្លៃថា រុស្ស៊ីប្រាកដជាសម្រុកបាញ់ផ្លោងបកវិញក្នុងពេលឆាប់ៗនេះ។
យោងតាមសម្រង់សំដីក្នុងវីដេអូរបស់ប្រធានាធិបតីអ៊ុយក្រែន លោកហ្សេឡិនស្គី កាលពីយប់ថ្ងៃអាទិត្យទី២៧ ខែវិច្ឆិកា បានឲ្យដឹងថា រុស្ស៊ីកំពុងមានផែនការវាយប្រហារថ្មីទៀតហើយនៅសប្តាហ៍ក្រោយមកលើអ៊ុយក្រែន។ ការដកទ័ពគឺគ្រាន់តែជាព័ត៌មានមិនផ្លូវការ មិនមែនជាការស្ម័គ្រចិត្តរបស់រុស្ស៊ីនោះទេ។ លោកបន្តថា “កងកម្លាំងអ៊ុយក្រែនកំពុងរៀបចំ រដ្ឋទាំងមូលកំពុងរៀបចំ យើងក៏កំពុងដោះស្រាយគ្រប់កាលៈទេសៈដែលនឹងអាចកើតមាន រួមទាំងការប្រឹក្សាជាមួយដៃគូរបស់យើងផងដែរ”។ លោក Zelenskyy បានអំពាវនាវឱ្យប្រជាជនអ៊ុយក្រែន សង្កេតមើលវិធានការសុវត្ថិភាព អំឡុងពេលឮ ស៊ីរ៉ែនវាយលុកតាមអាកាស និងចេះជួយគ្នាទៅវិញទៅមកតាមដែលអាចធ្វើទៅបាន។
បើតាមការកត់សម្គាល់របស់លោកប្រធានាធិបតី ស្ថានភាពសមរភូមិពេលនេះ គឺមានភាពតានតឹងខ្លាំងនៅជួរមុខភាគខាងកើត ជាពិសេសគឺនៅក្នុងតំបន់ខេត្ត Donetsk តែម្តង៕
ប្រភព៖ Pravda
ប្រភពរូប៖ Pravda
ប្រែសម្រួល៖សុខ តុលា