ប៉ៃលិន៖សមត្ថកិច្ចបានចាប់ជនសង្ស័យជាតិថៃ៦នាក់ ជាបុគ្គលិកកាស៊ីណូនិងរីសតហ្គ្រេន ករណីប្រើប្រាស់និងបាញ់កាំភ្លើងអនាធិតេយ្យជាច្រើនគ្រាប់ និងបញ្ជូនទៅតុលាការ។
មន្ត្រីនគរបាលខេត្តប៉ៃលិនបានឱ្យដឹងថា ថ្ងៃទី១៣ ខែវិច្ឆិកា កម្លាំងជំនាញ សហការជាមួយនគរបាលស្រុកសាលាក្រៅ បានចាប់ជនសង្ស័យជាតិថៃចំនួន៦នាក់ជាបុគ្គលិកកាស៊ីណូនិងរីសតហ្គ្រេន ករណីប្រើប្រាស់កាំភ្លើងខុសច្បាប់ និងបាញ់អនាធិបតេយ្យជាង១០ គ្រាប់ បង្កការភ័យខ្លាច។ពួកគេប្រព្រឹត្តនៅម្តុំមាត់ស្ទឹង ក្នុងភូមិស្ទឹងកាច់ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ជនសង្ស័យមានឈ្មោះ Eiamrk Sawong ហៅតឺ អាយុ២៩ឆ្នាំ ឈ្មោះតា ឆៃ អាយុ២៧ឆ្នាំ ឈ្មោះ អាត ធិប អាយុ២៣ឆ្នាំ ឈ្មោះ SIttipog Vuthichai អាយុ៣៣ឆ្នាំ ឈ្មោះ Bunthuk thawatchai អាយុ៣៣ឆ្នាំនិងឈ្មោះ Chanin Thon ហៅទិន អាយុ១៩ឆ្នាំ។ក្នុងពេលចាប់ខ្លួនសមត្ថកិច្ចបានដកហូតវត្ថុតាងមួយចំនួនដូចជា អាវុធខ្លី៣ដើមម៉ាករ៉ូឡូ គ្រាប់មួយប្រអប់ចំនួន៤៥គ្រាប់ ម៉ាកឡុកបង់៣មានគ្រាប់ចំនួន៥១គ្រាប់ និងម៉ាកគូស៊ី មានគ្រាប់ចំនួន ៣០គ្រាប់៕ដោយ៖វិចិត្រ