ភ្នំពេញ៖លោកស្រី ចាន់ គីមលីន ម្ចាស់ក្រុមហ៊ុន LAOLIN ORIGINAL សិប្បកម្មផលិតនិងលក់សម្លៀកបំពាក់ បានទទួលពានដ៏មានកិត្យានុភាពចំនួន៣ពី CEO Master Club។ឯកឧត្តមបណ្ឌិត ហ៊ុន ម៉ាណែត បេក្ខភាពអនាគតនាយករដ្ឋមន្ត្រីនៃព្រះជាណាចក្រកម្ពុជាបានប្រគល់ដោយផ្ទាល់នូវពានដ៏ឧត្តុង្គឧត្តមជូនលោកស្រីនៅក្នុងព្រឹត្តិការណរាត្រីសមោសរជួបជុំម្ចាស់អាជីវកម្មកម្ពុជា CEO Award 2022 កាលពីល្ងាច ថ្ងៃទី ២៩ ខែ តុលា ឆ្នាំ២០២២ នាសណ្ឋាគារសុខា។
លោកស្រី ចាន់ គីមលីន បានឱ្យដឹងថា៖ ពានរង្វាន់ដែលលោកស្រីបានទទួលនោះមាន៖១- Master CEO Award ។ពាននេះគឺជាពានជ័យលាភីសម្រាប់ទទួលស្គាល់និងលើកទឹកចិត្តសហគ្រិនដែលបានតស៊ូខិតខំប្រឹងប្រែងកសាងសមត្ថភាពរបស់ខ្លួនឱ្យក្លាយជាអ្នកដឹកនាំធុរកិច្ចកំពូលជាមួយ CEO Master Club ចាប់ពី១០កម្មវិធីឡើងទៅដើម្បីមានសមត្ថភាពក្នុងការដឹកនាំគ្រប់គ្រងអាជីវកម្មរបស់ខ្លួនពីតូចទៅធំ ពីលក្ខណៈគ្រួសារទៅស្តង់ដារ និងចូលរួមចំណែកអភិវឌ្ឍសេដ្ឋកិច្ចក្នុស្រុកឱ្កាន់តែមានភាពរឹងមាំ។ពង្រីកទំនាក់ទំនងធុរកិច្ច ដោះដូរពាណិជ្ជកម្មក្នុងចំណោមសហគ្រិនកម្ពុជាឱ្យកាន់តែទូលំទូលាយនិងបង្កើនទំនាក់ទំនង គាំទ្រជាមួស្ថាប័នពាក់ព័ន្ធទាំងឡាយឱ្យកាន់តែខ្លាំង។
២. Outstanding Entrepreneur Medal គឺជាមេដាយសម្រាប់ទទួលស្គាល់ស្នាដៃសហគ្រិនលេចធ្លោរបស់ CEO Master Club ដែលបង្ហាញពីលទ្ធផលនៃការរីកចម្រើនអាជីវកម្មរបស់ខ្លួនគួរឱ្យកត់សម្គាល់ បន្ទាប់ពីបានអនុវត្តនូវរបៀបរបបក្នុងការដឹកនាំគ្រប់គ្រង អាជីវកម្របស់ខ្លួនពីលក្ខណៈគ្រួសាទៅស្តង់ដារ បន្ទាប់ពីបានចូលរួមជាសមាជិកគ្រួសារ CEO Master Club និង ពានទី ៣. Outstanding CEO Award គឺជាពានជ័យលាភីសម្រាប់ទទួលស្គាល់ស្នាដៃ សហគ្រិនឆ្នើមរបស់សមាជិក CEO Master Club ដែលបានជ្រើសរើសដោយគ ណៈកម្មការ CEO Award ថាជាបេក្ខភាពដែលបានបង្ហាញលទ្ធផលនិងការអនុវត្តនូវរបៀបរបក្នុងការដឹកនាំគ្រប់គ្រងអាជីវកម្មរបសខ្លួនពីលក្ខណៈគ្រួសារទៅ ស្ដង់ដារឱ្យមានការចម្រើនទាំងខ្លាំងទាំងលក្ខណៈជាបុគ្គល ជាគ្រួសារ ជាស្ថាប័ន និងចូលរួមចំណែកយ៉ាងសកម្មក្នុងកិច្ចការសង្គម បន្ទាប់ពីបានចូលរួមជា សមាជិកគ្រួសារ CEO Master Club។
លោកស្រីស្ថាបនិកក្រុមហ៊ុន LAOLIN ORIGINAL បានមានប្រសាសន៍ថា៖ពានរង្វាន់ទាំងនេះ ពិតជាមានតម្លៃ មានសារៈសំខាន់ និងផ្តល់ផលប្រយោជន៍ដល់លោកស្រីនិក្រុមហ៊ុនរបស់លោកស្រី។ជាពិសេសជួយលើកកម្ពស់កិត្តិយសនិងកេរ្ត៍ឈ្មោះនៅក្នុងពិភពអាជីវកម្ម និងសង្គមជាតិ។
លោកស្រីបានបង្កើតអាជីវកម្មជួយដល់សេដ្ឋកិច្ចជាតិឱ្យមានភាពរីកចម្រើន តាមរយៈការបង្កើតផលិតផលសេវាកម្មដែលជាតម្រូវការរបស់សង្គមបង្កើតការងារនិងប្រាក់ចំណូលជូនប្រជាពលរដ្ឋ បណ្តុះបណ្តាលធនធានមនុស្សនៅកន្លែងការងារជាក់ស្តែង និងបង្កើនប្រាក់ចំណូលជូនរដ្ឋតាមរយៈការបង់ពន្ធ។
បណ្ឌិត អោម សេងបូរ៉ា ស្ថាបនិក CEO Master Club បានថ្លែងថា៖មេដាយសហគ្រិនឆ្នើមដែល លោកស្រី ទទួលបាននាឱកាសនេះគឺជាការលើកទឹកចិត្តនិងទទួលស្គាលស្នាដៃសហគ្រិនលេចធ្លោរបស់ CEO Master Clubដែលបានបង្ហាញពីលទ្ធផលនៃ ការរីកចម្រើន អាជីវកម្មរបស់ខ្លួនគួរឱ្យកតសម្គាល់បន្ទាប់ពីបានអនុវត្តនូវរបៀបរបបក្នុងការដឹកនាំគ្រប់គ្រងអាជីវកម្មរបស់ខ្លួនពីលក្ខណៈគ្រួសារទៅ ស្តង់ដារ បន្ទាប់ពីបានចូលជាសមាជិកគ្រួសារ CEO Master Club។
គួរបញ្ជាក់ថា៖រហូតមកដល់ពេលនេះ CEO Master Club បានធ្វើការបណ្ដុះបណ្ដាលសហគ្រិនកម្ពុជាយើងបានចំនួនរាប់ម៉ឺននាក់និងមានសមាជិកម្ចាសអាជីវកម្មពេញមួយជីវិតចំនួន ១,៦១១នាក់ ទាំងនៅក្នុងនិងនៅក្រៅប្រទេស ដែលពួកគាត់ទាំងអស់បានកាន់កាប់អាជីវកម្មប្រមាណ៣,០០០ក្រុមហ៊ុននិងបានចូលរួមបង្កើតប្រតិបត្តការអាជីវកម្មជាទឹកប្រាក់ប្រមា៣,០០០លានដុល្លារក្នុង១ឆ្នាំនិងបានជួយបង្កើតការងាររកប្រាក់ចំណូលសម្រាប់ប្រជាពលរដ្ឋប្រមាណ១៥ម៉ឺននាក់ទៀតផង៕ដោយៈសិរីមតី
