ក្លិប Leicester នឹងត្រូវបង់ប្រាក់សំណងលើសពី ១០លានផោន (១១,៤៣លានដុល្លារ) ឱ្យលោក Brendan Rodgers ប្រសិនបើក្លិបសម្រេចបញ្ចប់កិច្ចសន្យាដែលនៅសល់របស់គាត់ ដោយសារពួកគេបានផ្តល់តម្លៃ នឿយហត់ដល់គ្រូបង្វឹកសញ្ជាតិអៀរឡង់ខាងជើងច្រើនជ្រុល។ នេះបើយោងតាមកាសែត «The Sun» របស់ប្រទេសអង់គ្លេស។
ក្លិប Leicester City នឹងត្រូវចំណាយប្រាក់មិនតិចជាង ១០លានផោន (១១,៤៣លានដុល្លារ) នោះឡើយ ដើម្បីជាសំណងដល់លោក Brendan Rodgers ប្រសិនបើក្លិបសម្រេចបញ្ចប់តំណែងអ្នកចាត់ការក្រុមរបស់លោក។ នេះបើតាមការចុះផ្សាយរបស់សារព័ត៌មាន «The Sun» នៅចក្រភពអង់គ្លេស។
លោក Rodgers កំពុងប្រឈមនឹងសម្ពាធយ៉ាងខ្លាំង បន្ទាប់ពីរដូវកាលនេះ នៅមិនអាចដឹកនាំក្រុមឱ្យឈ្នះការប្រកួតនៅលីគ បានទាល់តែសោះ ហើយថែមទាំងចាញ់ដល់ទៅ ៦លើក ក្នុងចំណោមការប្រកួត ៧លើករបស់ខ្លួនទៀតផង រហូតធ្វើឱ្យក្រុម Leicester ពេលនេះ ឈរនៅក្រោមគេបង្អស់ក្នុងតារាងពិន្ទុរបស់ក្របខ័ណ្ឌ Premier League។
សម្រាប់ហេតុផលដែលធ្វើឱ្យសំណងរបស់លោក Rodgers ខ្ពស់នោះ គឺដោយសារតែក្លិប Leicester បានព្រមព្រៀងផ្ដល់ប្រាក់ឈ្នួលដល់បុរសសញ្ជាតិអៀរឡង់ខាងជើងខ្ពស់រហូតដល់ ១០លានផោនក្នុង ១ឆ្នាំ ហើយកិច្ចសន្យារបស់គាត់ ឥឡូវនេះ មានសុពលភាពរយៈពេលជិត ៣ឆ្នាំពេញ។
ប្រាក់បៀវត្សរ៍របស់លោក Rodgers គឺខ្ពស់ខ្លាំងណាស់ ដោយបើគិតចំពោះតែនៅ Premier League គាត់ស្ថិតនៅក្រោមអ្នកចាត់ការតែប៉ុន្មាននាក់ប៉ុណ្ណោះ ក្នុងនោះរួមមានលោក Pep Guardiola (១៩លានផោន ក្នុង ១ឆ្នាំ), លោក Jurgen Klopp (១៦លានផោន ក្នុង ១ឆ្នាំ), លោក Antonio Conte (១៥លានផោន ក្នុង ១ឆ្នាំ) និងលោក Graham Potter (១២លានផោនក្នុង ១ឆ្នាំ)៕
