សូមកុំភ្លេចថាគ្រាន់តែការថើបនោះក៏អាចធ្វើឱ្យដៃគូបុរសមានការជាប់ចិត្ត និងបំភ្លេចអ្នកមិនបានដែរ។
តើអ្នកដឹងទេថាការថើបដូចម្តេចឱ្យដៃគូបុរសជាប់ចិត្តទៅលើអ្នក និងអ្នកគួរអនុវត្តវិធីដូចម្តេច?
១)បង្កើតភាពស្រស់ស្រាយ
មុនពេលជួបគ្នា ឬឡើងគ្រែអ្នកត្រូវចៀសវាងបរិភោគអាហារមានក្លិនអាក្រក់ដូចជាខ្ទឺមស ឬមាត់ក្លិនមិនល្អដែលធ្វើឱ្យដៃគូមិនចង់នៅក្បែរ។ហេតុនេះយកល្អអ្នកត្រូវរកស្ករកៅស៊ូ មកទំពារមុនមកជួបគ្នាដើម្បីបង្កើនភាពទាក់ទាញ ហើយភាគីម្ខាងទៀតចូលចិត្ត។
២)រកពេលវលាសមរម្យ
ត្រូវចេះសង្កេតមើលថាទាំងអ្នក និងដៃគូមានពេលវេលាសមរម្យឬនៅក្នុងការជួបគ្នា។ការមានពេលវេលាសមរម្យ និង ការឯកភាពគ្នាដោយក្តីរីករាយនោះគឺជាកូនសោរសំខាន់ក្នុងការថើបឬការរួមភេទដ៏សមរម្យបំផុត។
៣)ប្រើក្រសែភ្នែក
នៅពេលឱនខ្លួនទៅថើប រឿងដែលចាំបាច់បំផុតគឺឱ្យអ្នកប្រើក្រសែភ្នែកផ្អែមល្ហែមនោះគឺពិតជាបានបញ្ជាក់អត្ថន័យជាងការប្រើពាក្យសម្តីទៅទៀត។
៤)ត្រូវមានទំនុកចិត្ត
អ្នកត្រូវាមានទំនុកចិត្តខ្លួនឯង ហើយមិនត្រូវបន្ទោសខ្លួនថាមានចំណុចខ្សោយ នោះឡើយ ព្រោះថាបើអ្នកធ្វើបានដូច្នេះនៅពេលការថើបចាប់ផ្តើមអ្នក និងមានភាពកក់ក្តៅ ហេតុនេះរាល់ការបញ្ចេញកាយវិការមកក៏តែងធ្វើឱ្យភាគីម្ខាងទៀតមានភាពកក់ក្តៅជានិច្ច។
៥)ប្រើពេលវេលាឱ្យបានពេញទី
ការថើបបឺតមាត់ត្រូវធ្វើឱ្យបានពេញទី ហើយមិនត្រូវប្រើពេលឆក់កណ្តៀត ឬទីកន្លែងមិនសមរម្យពីព្រោះនាំឱ្យបាត់ភាពកក់ក្តៅ និងខ្វះភាពស្និទ្ធស្នាល ។
៦)ប្រើក្រែមបន្ទន់មាត់
ការធ្វើដូច្នេះចៀសវាងបបូរមាត់ស្ងួតបែកស្រការ ហេតុនេះត្រូវរកក្រែមដែលមានលក្ខណៈទន់នៅពេលមាត់ប៉ះមាត់ហើយផ្តល់ភាពកក់ក្តៅនិងពោរពេញទៅដោយភាពកក់ក្តៅ។
៧)ប្រយ័ត្នអណ្តាត
ការប្រើប្រាស់អណ្តាតលិឍមុខមាត់ត្រូវធ្វើល្មមសមរម្យបានហើយពីព្រោះថាការប្រើច្រើននាំឱ្យរំខាន និងភាគីម្ខាងទៀតមិនចូលចិត្តឡើយ។ការប្រើអណ្តាតដែលសមរម្យមានតែការថើបបែបជញ្ជក់មាត់ប៉ុណ្ណោះទើបជាវិធីល្អបំផុត។
៨)យកចិត្តទុកដាក់បរិយាកាស
ទីកន្លែងបង្កើតស្នេហាដោយការថើបសំខាន់បំផុតត្រូវរកកន្លែងស្រស់ស្រាយ និងប្រកបដោយភាពរ៉ូម៉ាទិចផង។
៩)ធ្វើដោយបែបធម្មជាតិ
ការថើបមិនថាបែបណាក៏ដោយគឺចាំបាច់បំផុតត្រូវបែបធម្មជាតិ និងផ្តល់ភាពកក់ក្តៅ។ហេតុនេះអ្នកត្រូវអនុវត្តដោយថ្នាក់ថ្នមនិងមិនត្រូវប្រើស្ទីល ឬក្បួនខ្នាតពេកនោះទេនាំឱ្យភាគីម្ខាងទៀតយល់ថាអ្នកចេះស្នៀតឬក្បាច់ច្រើន ហើយដែលចង់មិនចង់វាបានក្លាយជាមិនផ្តល់ក្តីកក់ក្តៅទៅវិញ។
១០)ជាភាគីចាប់ផ្តើមឬ អាស្រ័យទៅតាមស្ថានការណ៍
អ្នកថើបដ៏ល្អត្រូវសង្កេតថាភាគីដៃគូកំពុងធ្វើអ្វី ឬពេលវេលានេះអំណោយផលឬក៏អត់ ។បើឃើញថាពេលវេលាល្អហើយអ្នកវាយលុកនោះដឹងទេថាវាជាឱកាសមាសប្រាក់ពុំខាន។
១១)ប៉ះពាល់និងស្ទាបអង្អែលគ្រប់រាងកាយផង
អំឡុងពេលថើបមិនមែននៅស្ងៀមម្យ៉ាងនោះទេត្រូវចេះប្រើប្រាស់ដៃឱ្យមានប្រយោជន៍ដោយសា្ទបអង្អែលរាងកាយដល់បុរសដៃគូពីព្រោះថាវានឹងជួយបង្កើនភាពកក់ក្តៅ និងភាពរោលរាលកាន់តែក្តៅងំខ្លាំងឡើយ។
១២)រកកន្លែងងាយផ្តល់សំរើប
មិនថាគុម្ពត្រចៀក ច្រមុះ ថ្ងាស ឆ្អឺងដងកំបិត និងបំពង់ក គឺសុទ្ធតែជាកន្លែងចុងសរសៃប្រសាទងាយបញ្ឆេះអារម្មណ៍បុរសដៃគូឱ្យកម្រើតណ្ហា ហើយមានអារម្មកក់ក្តៅខ្លាំងក្លា។
១៣)សរសើរគ្នាទៅវិញទៅមក
អ្នកគប្បីពោលពាក្យសរសើរ ដើម្បីឱ្យដៃគូទទួលអារម្មណ៍កក់ក្តៅ ។ត្រូវចងចាំថាមនុស្សយើងអ្នកខ្លះមិនស៊ីជោរទេ ប៉ុន្តែបើបង្អាប់នោះខឹងដែរ៕
បកប្រែពីឯកសារបរទេស
ដោយ៖ឧត្តម
