ភ្នំពេញ៖ ខ្សែភាពយន្តរឿង Killing Time Violently ដែលជាភាសាខ្មែរ«ហ៊ានលេង ហ៊ានស៊ី ហ៊ានសង»នឹងចាប់ផ្តើមថតនៅដើមខែកញ្ញានេះ ហើយគ្រោងដាក់បញ្ចាំងក្នុងរោងភាពយន្តនៅឆ្នាំ២០២៣។រឿងនេះ អ្នកដឹកនាំរឿងដោយលោក Jimmy Henderson ដែលជាម្ចាស់ស្នាដៃរឿង JAILBREAK និងរឿង The Prey។
លោក Jimmy Henderson បានឱ្យដឹងថា៖ KTV: KILLING TIME VIOLENTLY ជាប្រភេទរឿងបែបវាយប្រហារ លាយនឹងឈុតឆាកកំប្លែង ហើយគ្រោងនឹងចាប់ផ្ដើមថតនៅដើមខែកញ្ញានេះ ហើយនឹងចាក់បញ្ចាំងនៅកម្ពុជា ក្នុងឆ្នាំ២០២៣ព្រមទាំងគ្រោងនឹងចាក់ផ្សាយនៅរោងភាពយន្តអន្តរជាតិថែមទៀតផង។
នៅក្នុងរឿងនេះ តួឯកប្រុសសម្ដែងដោយលោក អ៊ូ តារានិងតួឯកស្រី អ្នកនាង ហ៊ីណាណុ គូរ៉ាសាគីដែលជា Influencer ព្រមទាំងតារាប្រុសស្រីជាច្រើនរូបទៀតដែរដូចជា ផាង តារា (Dara Phang), រស់ មុន្នីនិង សំ ថារ័ត្ន។ អ្វីដែលសំខាន់ក្នុងរឿងនេះ ប្រិយមិត្តនឹងភ្ញាក់ ផ្អើល នឹងវត្តមានរបស់ តួសម្ដែងបន្ថែមទៀតដូចជា តារាកំប្លែង នាយ ពែកមី នាយគ្រឿន នាយក្រូច និងតារារ៉េបដ៏មានទេពកោសល្យ DJ Sdey។
និយាយពីសាច់រឿងវិញ ផ្ដើមពីថ្ងៃធ្វើការដំបូងរបស់ Mak (អ៊ូ តារា)ដែលជាឪពុកជួបស្ថានភាពតោកយ៉ាកម្នាក់ដែលត្រូវបានចាប់ខ្លួនក្នុង ការវាយឆ្មក់របស់ក្រុមក្មេងទំនើងនៅក្លឹបមួយកន្លែង។ Mak ត្រូវតែប្រើសមត្ថភាពដែលខ្លួនមាន ជាជើងអ្នកលេងម្នាក់ដែរ ដើម្បីដោះខ្លួន រកផ្លូវចេញ ឲ្យទាន់ពេលធ្វើខួបកំណើតឲ្យកូនប្រុស។Mak ត្រូវប្រើក្បាច់គុនដែលគាត់ធ្លាប់រៀនដែលយករួចខ្លួនចេញពីហេតុការណ៍នោះ បាន នឹងត្រលប់ទៅផ្ទះវិញដើម្បីធ្វើខួបកំណើតអោយកូនប្រុសរបស់គាត់។
ចំណែកផាង តារា សម្តែងជាតួអ្នករួមការងារដែលចូលចិត្តអួតក្អេងក្អាងរបស់ Mak តែគេចាប់ផ្តើមស្តាប់និងធ្វើតាមសម្តីរបស់ Makនៅ ពេលដែលពួកគេរត់គេចពីពួកក្រុមអ្នកលេងរបស់Vladសម្តែងដោយរស់ មុនី។Vladមានកូនចៅដែលសម្តែងដោយ សំ ថារ័ត្ន រួមជាមួយ នឹងក្រុមគុនល្បុក្កតោរបស់កម្ពុជា ដែលសម្តែងនៅក្នុងឈុតឆាកវាយប្រហារស្ទើរតែទាំងអស់របស់ខ្សែភាពយន្ត។
អ៊ូ តារ៉ាក៏ជាអ្នកដឹកនាំរឿងមួយរូបនៅក្នុងភាពយន្ត KTV បែបវាយប្រហារមួយនេះផងដែរ បានរួមដៃគ្នាយ៉ាងជិតស្និទ្ធជាមួយលោក Henderson ក្នុងការសរសេរស្គ្រីបរឿងនិងរៀបចំឈុតឆាកប្រយុទ្ធគ្នាដើម្បីផ្តល់នូវភាពជក់ចិត្តដិតអារម្មណ៍ដល់ទស្សនិកជន។ ការសហការលើកដំបូងរបស់ Dara និង Henderson ប្រមាណកាលពី៨ឆ្នាំមុននៅក្នុងភាពយន្ដរឿង ហនុមាន ដែលមាន Henderson ជាអ្នកដឹកនាំរឿងនិងDaraជាតួសម្ដែង។ចាប់ពីពេលនោះមកHenderson ក៏បានផលិតភាពយន្ត៣រឿងបន្តបន្ទាប់ជាមួយ Dara រួមជាមួយតារាសម្តែង Tharoth, Phang ព្រមទាំងតារាសម្តែងនិងតារាកំប្លែងជាច្រើនរូបទៀត។
អ្នកគាំទ្រច្បាស់ជាចាំមុខរបស់តារាសម្តែងជាច្រើនរូបនៅក្នុងខ្សែភាពយន្តដែលដឹកនាំសម្តែងដោយHenderson។ ហើយនឹងមានវត្តមានតារាកំប្លែង ពែកមី និង នាយ ក្រូច ហើយក៏ជាសម្តែងរឿងលើកដំបូងរបស់ DJ ស្តី នៅក្នុងវិស័យភាពយន្តផងដែរ។ភាពយន្តKTVក៏នឹងណែនាំតារាសម្តែងចំណូលថ្មីមួយចំនួដល់ទស្សនិកជនកម្ពុជាផងដែររួមទាំង Influencerដ៏ល្បីនៅទីក្រុងតូក្យូដូចជា Hinano Kurosaki ជាដើម។
Henderson ផលិតករភាពយន្តនេះ កំពុងធ្វើការសហការជាមួយនឹងអ្នកនិពន្ធ Kai Miller ដែលជាអ្នកនិពន្ធរឿង KTV ជាមួយ Henderson ក៏ជាអ្នកដឹកនាំកម្មវិធី THE PREY ផងដែរ។ សហការីសំខាន់ៗផ្សេងទៀត ផលិតករ Kim Chanthang អ្នកដឹកនាំផ្នែករូបថត Run Sokheng និងអ្នកគ្រប់គ្រងផលិតកម្ម Borramey Yoath។ KTV ត្រូវបានសហការផលិតដោយ Chy Sila, Kenneth Ung, Si Mao និង Mey Ly ។
ខ្សែភាពយន្តនេះត្រូវបានចូលរួមឧបត្ថម្ភដោយក្រុមហ៊ុន Two Rivers International, M Pictures និង Hanuman Beverages។ Donfeng Cambodia, E-Gets, និង Ballantine’s ក៏មានចំណែកចូលរួមគាំទ្រចំពោះខ្សែភាពយន្តនេះផងដែរ។ ការចាត់ចែងការផលិតទូទៅដោយ K picture solution៕ដោយ៖ផាវី