ការបញ្ចេញទឺកកាមមកលឿន (Premature Ejaculation) គេឃើញជួបប្រទះច្រើនទៅលើខាងបុរស ហើយក៏មានបញ្ហាច្រើនដែរក្នុងរឿងនេះ។
ការរួមភេទបានយូរ គឺជាក្តីប៉ងប្រាថ្នាចង់បានទាំងស្រ្តី បុរស ពីព្រោះថាវានឹងផ្តល់សេចក្តីសុខបានយូរ និងពិសេសជួយឱ្យចំណង់ផ្លូវភេទបានស្កប់ស្កល់ទាំងស្រ្តីបុរសថែមទៀត។
ទោះបីយ៉ាងណា មានមនុស្សមិនតិចទេដែលការរួមភេទមិនដូចក្តីប៉ងប្រាថ្នាដោយសារ ភាគីបុរសឆាប់បញ្ចេញទឹកកាមខ្លាំងពេក ធ្វើឱ្យមិនអាចចម្លងស្រ្តីដល់កោះត្រើយបានឡើយ។
នេះជាការប្រការណែនាំខ្លះៗសម្រាប់បុរសដែលអាចជួយពន្យារពេលនៃការរួមភេទមិនឱ្យឆាប់បញ្ចេញទឹកកាម ដែលលោកអ្នកអាចអនុវត្តបានដូចខាងក្រោម៖
*ត្រូវចេះបង្អង់ល្បឿន និងសម្រន់ការវាយលុក
ជាធម្មតា ការរួមភេទបើយើងសម្រុកខ្លាំងតាមអារម្មណ៍ពុះកញ្ជ្រោលនោះមិនយូរទេនឹងបែកធ្លាយចេញទឹកអសុចិយ៉ាងលឿនជាក់ជាពុំខាន។បើដឹងថាអារម្មណ៍ពុះកញ្ជ្រោលខ្លាំង ហើយហៀបនឹងធ្លាយចេញមកហើយ ត្រូវចេះសម្រន់ចង្វាក់ខ្លះ ពោលគឺមិនត្រូវសម្រុកខ្លាំងពេក ហើយត្រូវចេះបន្ធូរអារម្មណ៍ ឬបន្លប់ទៅរឿងផ្សេងវិញ ឬអ្នកខ្លះបង្វែរទៅជាធ្វើជាខឹងនរណាម្នាក់ ឬសោកស្តាយអ្វីមួយដែលធ្វើឱ្យអារម្មណ៍ពុះកញ្ជ្រោលធ្លាក់ចុះ ហើយសឹមបន្តរឿងនេះបន្តទៀត ។វិធីមួយនេះអាចជួយឱ្យការរួមភេទរបស់អ្នកបានយូរជាងធម្មតា។
*បង្កើនការបបោសអង្អែលដល់ដៃគូស្រ្តី
ពិតហើយ បើអ្នកចេះរកចំណុចបបោសអង្អែលដល់ស្រ្តីដៃគូឱ្យបានជោកជាំមុនការចាប់ផ្តើមស៊កបញ្ចូលនោះឃើញថានឹងជួយដល់ស្រ្តីឈានដល់កំពូលឆាប់រហ័ស។ត្រូវចងចាំថា ការបបោសអង្អែលមិនត្រូវធ្វើត្រឹម ១នាទី ឬ៥នាទីឡើយ ពោលគឺយ៉ាងហោចណាស់ឱ្យបាន១៥នាទីឡើងទៅ ទើបអាចជួយឱ្យស្រ្តីជោកជាំអារម្មណ៍ ហើយការរួមភេទនាងងាយឆាប់ដល់កំពូល។
*ត្រៀមខ្លួនមុនមួយថ្ងៃ
បើអ្នកណាត់រួមភេទជាមួយដៃគូពិសេស ត្រូវចេះត្រៀមខ្លួនមុនមួយថ្ងៃទើបការរួមភេទអាចរលូនល្អ និងបានយូរតាមការពេញចិត្ត។អ្វីសំខាន់នៅទីនេះ បើអ្នកដឹងថាការរួមភេទនៅថ្ងៃស្អែកមិនបានយូរ គឺបុរសអាចប្រើវិធីសាស្រ្តដោយជួយខ្លួនឯងមួយទឹកសិន ពីព្រោះថាការបញ្ចេញចោលមុនមួយថ្ងៃ ដល់ស្អែកឡើងការរួមភេទរបស់អ្នកនឹងបានយូរដូចក្តីប្រាថ្នាជាក់ជាពុំខាន។
*បន្ថែមថាមពលដល់រាងកាយ
យើងដឹងហើយថា ការរួមភេទត្រូវការថាមពល ហេតុនេះបើចេះប៉ូវចំណីអាហារបានគ្រប់គ្រាន់ នោះការរួមភេទពេលខ្លះមិនត្រឹមតែបានមួយទឹកទេ បុរសខ្លះអាច២ទៅ៣ទឹកថែមទៀត។ បើធ្វើដូច្នេះបានមែន ការរួមភេទរបស់អ្នកពិតជាស្កប់ស្កល់ និងពេញចិត្តដល់ស្រ្តីពុំខាន។
*ប្រើស្រោមអនាម័យ
ការប្រើស្រោមអនាម័យ ជាមធ្យោបាយមួយទៀតជួយពន្យារពេលការរួមភេទបានយូរដូចគ្នាព្រោះដោយសារថាជួយកាត់បន្ថយការកកិតផ្ទាល់ ដែលអ្នកខ្លះអាចពន្យារពេលរហូតដល់ជួយចម្លងស្រ្តីដល់កោះត្រើយដូចគ្នា។
ក្រៅពីនេះ បុរសក៏ត្រូវរកពេលហាត់ប្រាណ និងត្រូវបញ្ចុះទម្ងន់ពីរាងកាយផងដែរ ទើបការចង់ពន្យារពេលនៃការរួមភេទបានយូរតាមដូចសេចក្តីប្រាថ្នាចង់បានទៅរួច៕
ប្រែសម្រួលពីឯកសារបរទេស
ដោយ៖ឧត្តម
