តើខ្លាញ់ល្អនិងខ្លាញ់អាក្រក់បែបណាបង្កគ្រោះថ្នាក់ដល់រាងកាយមនុស្សយើង?

តាមរយៈការបរិភោគអាហារ នឹងធ្វើឱ្យក្នុងរាងកាយមនុស្សយើងផ្ទុកទាំងខ្លាញ់ល្អនិងអាក្រក់។ខ្លាញ់ក្នុងរាងកាយគេបែងចែកចេញ៣ប្រភេទ គឹ ខ្លាញ់ក្នុងសរសៃឈាម ខ្លាញ់ក្រោមស្រទាប់ស្បែកនិងខ្លាញ់ក្នុងចន្លោះពោះ ។អ្វីដែលគេស្គាល់ច្បាស់ខ្លាញ់២ប្រភេទគឺ កូឡេស្តេរ៉ូលនិង ខ្លាញ់ដ្រៃគ្លីសើរ៉ៃ។

• កូឡេស្តេរ៉ូល (Cholesterol)

គឹខ្លាញ់ដែលរាងកាយសំយោគឡើងមកខ្លួនឯង ដែលធ្វើតួនាទីសំខាន់ច្រើនយ៉ាងដូចជា បង្កើតទឹកប្រម៉ាត់ ជួយស្រូបទាញអាហារដែលមានខ្លាញ់ និងប្រើប្រាស់បង្កើតអ៊័រម៉ូនប្រភេទខ្លះ ដែលចាត់ទុកថាចាំបាច់ចំពោះរាងកាយ។ ប៉ុន្តែបើសិនមានចំនួនច្រើនខ្លាំងពេកគឺលើស ២០០ក្រាមក្នុងមួយដេស៊ីលីតអាចបង្កឱ្យកើតរោគជំងឺបេះដូង និងសរសៃឈាម ។

ដោយឡែកកូឡេស្តេរ៉ូលគេបែងចែកចេញជាពី២ប្រភេទ គឺ៖ខ្លាញ់ដែលមានកំហាប់ខ្ពស់(High Density Lipoprotein – HDL)និងខ្លាញ់ល្អឬហៅថាកូឡេស្រ្តេរ៉ូលដែលល្អជាដើម។

តើខ្លាញ់ក្នុងឈាមខ្ពស់គ្រោះថ្នាក់បែបណា?

បើសិនក្នុងរាងកាយរបស់យើងមានខ្លាញ់ល្អ(HDL) ក្នុងឈាមខ្ពស់ចាត់ទុកថាជារឿងល្អ សម្រាប់សុខភាពរាងកាយ ប៉ុន្តែបើមានកម្រិតកូឡេស្តេរ៉ូលដែលមិនល្អឬខ្លាញ់អាក្រក់ (LDL)វាជាការប្រឈមគ្រោះថ្នាក់ពីព្រោះថាអាចនឹងបង្កឱ្យកើតរោគជំងឺរ៉ាំរ៉ៃជាច្រើនដូចជា៖រោគបេះដូង និងសរសៃឈាមបេះដូង រោគជំងឺគ្រលៀនរ៉ាំរ៉ៃ រោគធាត់ ទឹកនោមផ្អែម រោគថ្លើមជាដើម។

ដោយឡែកបើរាងកាយរបស់យើងមានកម្រិតខ្លាញ់ដ្រៃគ្លីសើរ៉ៃខ្ពស់នឹងប្រឈមការកកស្ទះក្នុងសរសៃឈាម រួមទាំងរោគធាត់ និងរោគទឹកនោមផ្អែមប្រភេទទី ២ ។បើលទ្ធផលឈាមចេញមកថាមានទាំង ខ្លាញ់អាក្រក់ (LDL)និងដ្រៃគ្លីសើរ៉ៃក្នុងឈាមខ្ពស់ផងហើយពិសេសកម្រិតខ្លាញ់ល្អ(HDL)ទាបផងការប្រឈមនឹងរោគជំងឺសុខភាពទ្វេរដង៕

ប្រែសម្រួលចេញមកពីឯកសារបរទេស

ដោយ៖ឧត្តម